Nicolas Sarkozy

Nicolas Sarkozy, izen osoa Nicolas Paul Stéphane Sarközy de Nagy-Bocsa, (Paris, 1955eko urtarrilaren 28an - ) Frantziako estatu-buru edo presidentea da.

Gaur egun, Jacques Chiracen Barne Ministroa izan da 2007ko martxora arte, baita UMP alderdi erdi-eskuindarreko burua ere. 2007ko urtarrilaren 14an alderdiak urte horretarako presidente-hauteskundeetarako hautagaia izendatu zuen. Maiatzaren 6an, bigarren itzulian hauteskundeak irabazi zituen eta beraz, errepublikako presidente bihurtu zen.

Aldekoek zein aurkariek Sarko laburdura erabiltzen dute hari buruz hitz egitean.

Karrera politikoa

• 1977, Neuilly-sur-Seine hiriko zinegotzi aukeratu zuten.
• 1977, RPR (Rassemblement pour la République) alderdiko batzorde zentraleko kide izendatu zuten.
• 1978-1979, RPR alderdiaren gazteri ataleko delegatua.
• 1979-1981, gazteri nazionalaren presidente izendatu zuten, Jacques Chiracen gidaritzapean.
• 1988, RPR alderdiaren idazkari nazionala, gazteria eta hezkuntza ordezkaria.
• Union pour les Élections européennes zerrendako zuzendarietako bat izan zen.
• 1992-1993, RPR alderdiaren azpi-sekretarioa.
• 1993tik, RPR alderdiaren politika arloko kidea
• 1993-1995, aurrekontuetako ministro Edouard Balladurren gobernuan.
• 1995-1997, RPR alderdiaren ordezkari.
• 1998-1999, RPRko idazkari nagusia.
• 1999, RPRko bitarteko presidentea.
• 1999, RPR-DL koalizioaren zerrendetako lehen hautagaia izan zen, ekaineko hauteskunde europearretan.
• 2000ko maiatza, Hauts-de-Seine departamentuko presidente aukeratua izan zen RPR alderdiarekin.
• 2002 – 2004ko martxoa, Jean-Pierre Raffarinen gobernuan barne-ministro.
• 2004ko martxoa – 2004ko azaroa, ekonomia, finantza eta industria ministroa Jean-Pierre Raffarinen gobernuan..
• 2004ko azaroa, UMP alderdiko buru aukeratu zuen eta ministro kargua utzi zuen..
• 2005ko maiatza, Dominique de Villepinen gobernuko barne-ministroa izan zen.
• 2007ko urtarrila, hauteskunde presidentzialetarako UMP alderdiko hautagai aukeratu zuten.

Kanpo loturak

• (Frantsesez) Nicolas Sarkozyren bloga