Gartzia Fernanditz

Gartzia I.a Gaztelakoaren omenezko eskultura Madrilgo Erret-Jauregian

Gartzia Fernandez edo Gartzia I.a Gaztelakoa (Burgos, 938 - Kordoba, 995eko ekainaren 29a), latinez: Garzia Fredenandez eta ezizenez "esku zurienduna" (gaztelaniaz: el de las manos blancas) ezaguna, Gaztelako bigarren konde burujabea (970-995) izan zen.

Ama Antsa Iruñekoa eta aita Fernán González kondea izan zituen, nahiz eta de iure Leongo Erresumapean izan de facto autonomoa izan zen. Kordobako kaliferria erasotuz bere lurrak handitu zituen. Horretarako estruktura-soziala ere aldatu zuen, 974an Castrojerizeko bilauei zaldizko bat armatzearen ordez nobleteria estatusa proposatu zielako.

Ezkontza eta seme-alabak

960an Gartziak Raimundo II.a Ribagortzakoaren alaba zen Ava Ribagortzakoa ezkondu zuen. Zazpi seme-alabak izan zituzten:

• Maior Gartzia, Raimundo III.a Pallars-Jussàkoa ezkondu zuena.
• Antso Gartzia, Gaztelako kondea.
• Urraka Gartzia
• Gonzalo Gartzia (979an hilda)
• Elvira Gartzia, Bermudo III.a Leongoa ezkondu zuena.
• Toda Gartzia, Antso Gómez Saldañakoa ezkondu zuena.
• Oneka Gartzia, Almanzor ezkondu zuena.

Ikus, gainera

• Gaztelako erregeen zerrenda

Aurrekoa Fernan Gonzalez

Gaztelako Kondea (970-995)

Ondorengoa Antso Gartzia I.a