Neurketa-maila

Estatistikan, neurketa eskala edo eskala-maila neurketa bat egiteko moduari deritzo. Stanley Smith Stevens psikologoak neurketa oro lau neurketa-eskala mota hauetako batez burutua zela adierazi zuen: eskala nominal, eskala ordinal, tarte-eskala edo ratio-eskala. Eskala hauek propietate ezberdinak dituzte: eskala batean egindako neurketa bakoitzak bere eragiketa matematikoak onartzen ditu eta eskala bakoitzarekin jasotako datuak berariazko estatistika-tekniken bitartez soilik azter daitezke.

Eskala nominala

Eskala nominaletan elementu edo banako bati neurketa bakoitza kategoria baten bitartez egiten da. Kategoriak banakoa neurtzen den ezaugarriari buruz beste baten berdina den edo multzo berekoa den adierazten du. Adibidez, pertsona batek erreferendum batean emandako botua (bai, ez, zuria, ez du boturik eman) eta arroka mota (igneoa, metamorfikoa edo sedimentarioa) eskala nominal batez neurtzen dira. Eskala nominalez elementu ezberdinen neurketa egiten denean, aldagai kualitatiboak sortzen dira.

Artikulu hau zirriborroa da. Wikipedia lagun dezakezu edukia osatuz.