Jon Sarasua

Jon Sarasua

Jon Sarasua 2008an.
Datu pertsonalak
Izen osoa	Jon Sarasua Maritxalar
Jaio	1966
	Aretxabaleta (Gipuzkoa)

Jon Sarasua Maritxalar (Aretxabaleta, 1966-) bertsolari gipuzkoarra da. Kazetaritza eta Soziologia ikasi zuen Bilbon. 1996an Bi begiratu euskarazko kazetari hizkerari lanarekin doktoratu zen.

Bertsolaritza munduan oso gazte hasi zen. Eskoriatzako Almen Ikastolako bertso-eskolan ibili zen lehen. 1981ean, Gipuzkoako Eskolarteko txapelketa irabazi zuen eta 1984ean berriro ere irabazi zuen. Euskal Herriko Bertsolari txapelketako finalista ere izan zen 1986an, 19 urte zituela. Bere anaia Aitor Sarasuarekin ere Fauna txiki bat bertso berritan diska kaleratu zuen (Elkar, 1995).

2002. urterarte Euskal Herriko Bertsozale Elkarteko komunikazio arduraduna izan zen.

Gaur egun plazatik erretiraturik, Mondragon Unibertsitatean irakasle dabil, Huhezi fakultatean.

Lanak

Bibliografia

• "Txepetxekin solasean, Biziaren hizkuntzaz": Jon Sarasuak "Txepetx"i egindako elkarrizketa (Gara argitaletxea).
• "Jon Sarasua: Bertso-ispiluan barrena": Joxerra Garziak Sarasuari egindako elkarrizketa (1998, Alberdania).

Saiakera

• Zozoak beleari (1997, Alberdania). Andoni Egañarekin batera idatzirikoa.

Diskografia

• Fauna txiki bat bertso berritan (Elkar, 1995)

Kanpo loturak

• Jon Sarasua: "Euskaltasunaren norabideaz, oldozpen batzuk" Gotzon Garaten omenaldi ekitaldien barruan emandako hitzaldia (2009).
• Jon Sarasuari elkarrizketa Argia astekarian, Ertzeko Zatiak liburuari buruz.