Biologia molekular: berrikuspenen arteko aldeak
Orrialde berria: '''Biologia molekularra''' izaki bizidunen oinarrizko molekulak ikertzen dituen biologiaren adarra da. Biomolekula horien egitura eta eginkizun biologikoa aztertzen ditu biologia mo... |
t Biologia molekular izenburuaren ordez, Biologia molekularra ezarri da |
(Ez dago alderik)
|
22:10, 23 urria 2010ko berrikusketa
Biologia molekularra izaki bizidunen oinarrizko molekulak ikertzen dituen biologiaren adarra da. Biomolekula horien egitura eta eginkizun biologikoa aztertzen ditu biologia molekularrak, genetika, biokimika eta fisikarekin lotura estuak ezarriz.
Biokimikaren lan-eremu bera duela eman lezake, baina biologia molekularrak genetikaren molekulak (ADN eta ARNa) ikertzen ditu batik bat, eta baita molekula horiek eta proteinen arteko harreman estua ere.
Biologiaren adar hau XX. mendearen erdialdean agertu zen, James Watson-ek eta Francis Crick-ek ADNaren egitura fisiko-kimikoa aurkitu zutenean. Geroztik, ADNa bizi-molekula garrantzitsuena bihurtu da, bera baita bizidun guztiengan (birus batzuetan izan ezik) informazio genetikoa daukana, hots, belaunaldiz belaunaldi pasatzen den herentziazko informazioaren gordailua.
Biologia molekularraren historian hiru mugarri garrantzitsu aipatu behar dira:
- ADNaren egitura molekularraren aurkikuntza (helize bikoitza), Watson-ek eta Crick-ek egindakoa 1953an
- F.Jacob-ek eta J.Monod-ek 1961an proposatutako operoiaren eredua
- 1970. urtetik aurrera ingeniaritza genetikoa eta ADNaren birkonbinazio-teknikek ezagutu duten garapena, geneen klonazioa ahalbidetu duena