Modest Musorgski

Modest Petrovitx Musorgski

Modest Petrovitx Musorgski, errusieraz Модест Петрович Мусоргский, (1839-1881) musikagile errusiar erromantikoa izan zen. Bosteko taldeko kideekin batera (Mily Balakirev, César Cui, Nikolai Rimsky-Korsakov eta Alexander Borodin) Errusiako musika klasikoak berezko nortasuna gara zezan saiatu zen, Europa mendebaldeko musika kopiatu beharrean. Bere lan asko Errusiako historian, Errusiako folklorean eta beste gai nazionalista batzuetan oinarritu ziren: Boris Godunov opera, gaua mendi soilean poema sinfonikoa, Erakusketa bateko margolanak piano suita.

Bizitza

Karevo-n (Errusian) jaio zen 1839ko maiatzaren 20an. Jaioterrian amarengandik piano eskolak jaso zituen. 1849an familiarekin San Petersburgora joango da eta ikastegi militar batean sartuko.

Antón Requerí bere irakaslea izan zen. 1857an Mili Balakirev musikaria ezagutuko du baita Cesar Cui ere. Milizia utzi beharko du eta konposizioan ibiltzeko eskainiko diote.

Osasun krisia pasatu ondoren (kirioak), bere apartamentuan bohemioak onartzen hasiko da. Geroago, 1868. urtean, Balakirev-en klaseak emateko ardura egokituko zaio. Bere buruarengan konfidantza galdu eta berriro ikasten hasiko da, oraingoan Nikolai Rimski-Korsakov-ekin.

1871 eta 1874 garaian sormen handiaz ibiliko da. Boris Godunov-ekin batera konposizio batean murgilduko da Erakusketa bateko koadroak bere lan ospetsua garai hartakoa da. Alkoholarekin ohitura txarrak dauzka eta horrek problema latzak ekarriko dizkio.

1881an Delirium Tremens krisi baten ondorioz, ospitale militar batean hil zen San Petersburgon, martxoaren 20an. Berrogeita bi urte zeuzkan. Bere musika bere bizitzaren islada da eta bere bizitzako gauzarik gogokoena bihurtu zen.

Lanak

Fyodor Komissarzhevsky Boris Godunov operan.

Bere musika erromantiko estilokoa da. Errusiako musika tradizionaletan oinarritu zen. Errusiar musikari askorentzat eredu bat izan zen, adibidez Dmitri Shostakovich musikariarentzat bere azkeneko sinfonietan eta Sergei Prokofiev musikariarentzat bere operetan.

1868-9an Boris Godunov opera idatzi zuen.

Khovanshchina opera bukatu gabe hil zen, Rimski-Korsakovek bukatu zuen eta 1886an aurkeztu zen San Petersburgon.

Erakusketa bateko margolanak izeneko piano piezak.

Gaua mendi soilean mugimendu bakarreko orkesta lana. Walt Disneyen Fantasia pelikulan erabili zen, Schuberten Ave Mariareki batera.

Abesti asko ere baditu, adibidez; hiru abesti zikloak: Erizaintza (1872), Eguzkirik gabe (1874), Heriotzaren abestiak eta dantzak (1877), Mephistopheles-en arkakusoaren abestia

Media

• Modest Mussorgsky - Gaua mendi soilean Skidmore orkestrak jotzen du.

• Modest Mussorgsky - Erakusketa bateko margolanak, 1. zatia Bi pianoentzat konposatua.

• Modest Mussorgsky - Erakusketa bateko margolanak, 2. zatia Bi pianoentzat konposatua.

• Modest Mussorgsky - Erakusketa bateko margolanak, 3. zatia Bi pianoentzat konposatua.

Ikus, gainera

• Musika klasikoa

Kanpo loturak

• Musorgskiren partiturak (International Music Score Library Project)
• Musorgskiren partiturak (WIMA: Werner Icking Music Archive)