A Pobra do Caramiñal

A Pobra do Caramiñal
Galiziako udalerrien zerrenda
A Pobra do Caramiñal udalerriko ikuspegi orokorra. Irudi gehiago
Administrazioa
Herrialdea	Espainia
Probintzia	Coruña
Alkatea	Isaac Maceiras (PP)
Izen ofiziala	A Coruña
Posta kodea	15940
INEk ezarritako kodea	15067
Herriburua	Q20544901
Geografia
Koordenatuak	42°36′00″N 8°56′00″W
Azalera	34 km²
Altuera	0 m
Demografia
Biztanleria	9.227 (2023) −63 (2022)
4.775 (%51,8)   (%49,5) 4.563
Dentsitatea	291,85 bizt/km²
Herritarra	Pobratar
Informazio gehigarria
Sorrera	1822
Ordu eremua	UTC+01:00
Matrikula	C
http://www.apobra.com

A Pobra do Caramiñal Galiziako A Coruñako probintzia dagoen udalerria da. Barbanzako Eskualdean dago. Iparraldetik Boirorekin mugatzen du, hegoaldetik Ribeirarekin eta mendebaldetik Porto do Sonekin. Ipar-mendebaldetik Arousako itsasadarra du. Bertako herritarren deitura galizieraz Pobrense da, euskaraz berriz Pobretar. Herriko galiziera hiztunen kopurua %97.13koa da.

Kokapena

Pobra do Caramiñaleko udalerria Barbanzako penintsulan kokatzen da, bere kostaldea Arousako itsasadarreko urek bustitzen dute. A Pobra lehen aipatutako itsasadarra eta Curota mendiaren artean dago (Barbanzako mendikateko garaienetako bat, 541 m.) eta Ribeira, Boiro eta Porto do Son udalerriekin mugatzen du. Udalerriak bost parrokia ditu: Santa María La Antigua del Caramiñal, Santiago del Deán (Castelo), Santa Cruz de Lesón, Santa María do Xobre eta San Isidro de Posmarcos.

Historia

A Pobra do Caramiñal 1822an sortu zen, berta bi herriguneen arteko elkarketatik: : Vila del Caramiñal (Pargako Markesaren Jaurerriaren jabegoa) eta A Pobra do Deán (Santiagoko Deánaren Jaurerriaren jabegoa). Elkarketa honetatik gaur egungo herrigunea eta bere elizak kontserbatzen dira: Caramiñaleko Antiguako Santa Mariaren Eliza eta Deángo Santiagoren Eliza. XIX. mendearen hasieran oparotasun ekonomiko garai bat nabarmendu zen, gaziketa lantegien ondorioz, eta XX. mendeko 20. hamarkadarte luzatuko zen, sardinaren amaitzearekin lantegi gehienak desagertu zirenean. Gaur egun A Pobran bi kontserbagile lantegi gelditzen dira.

Jaiak

Udalerri honetako festa edo jai nagusiak Carmen dos Pincheirosekoa da (normalean abuztuko hirugarren igandean ospatu ohi da) eta Nazaretarrarena (iraileko hirugarren igandea). Nazaretarraren omenezko elizbiratik hilkutxen martxa nabarmentzen da, hau gaisotaunak jasan eta hilzorian egon direnek eskeintzen dute. Ohikoena hilkutxa bere lagunek eramatea da eta eskeintzailea (hilzorian egon dena) ondoan doakie Nazaretar jantzi batekin. Erromeri garrantzitsuenak Moldeseko Amabirjinarena (maiatzeko bigarren asteburua) etal Barbanzako Currorenak dira (uztailean), gainera udaleko parroki bakoitzak bere berezko jaia ere ospatzen du.

Bitxikeriak

Bere monumentuen artean 27 gurutze ("cruceiro") daude, Misarelako Zubia (erromatar galtzada baten arrastoak), Bermúdezko Dorrea (gaur egungo Valle-Inclánen Museoa), edota zenbait jauregi ("pazo"), Aguiarko Etxe Handikoa, Xunqueirasko Dorrea edo Coutoko Jauregia adibide gisa. Arousako itsasadarreko ikuspegi oso bat izateko Curota mendiko behatokira igo beharra dago, aurretik Valle-Incláneko behatokian geldiune bat eginez.

A Pobrak (Bermúdezko Dorrean) Ramón María del Valle-Inclán omenezko museoa du, idazle hau A Pobran bizi izan zen eta gaur egun herrian jarraitzen duten zenbait bizileku izan zituen, baten bat nahiko egoera kaskarrean.

Lombiña-Cabíoko hondartza Europar Batasuneko Bandera Urdina izaten lehenetarikoa izan zen. Bere aldameneko hondartzek ere bandera honen jabe dira; La Barcako hondartza eta La Illako hondartza.

Curotako haranean A Pobra de Caramiñaleko altxor naturaletako bat kokatzen da, Pedras ibaiko urmael naturalak, ibaiak harkaitz artean sortzen dituen putzu edo urmaelak. Aintzineko Misarelako komentu inguruko leku batean, Barbanza eta Pedras ibaiek bat egiten duten tokian "erromatar zubia" izenekoa dago.

Parrokiak

• Santa María A Antiga do Caramiñal
• Santiago do Deán (Castelo)
• Santa Cruz de Lesón
• Santa María do Xobre
• Santo Isidro de Posmarcos.

Herritar ezagunak

• Antonio Guillán Hermo, idazlea (1900-1985)
• Antonio Paz Míguez, idazlea (1911-2003)
• Marcos Teira, musikaria

Iruditegia

• 
  Pobra eta Arousako Itsasadarraren ikuspegia A Curotatik
• 
  Cabio

Kanpo loturak

Wikimedia Commonsen badira fitxategi gehiago, gai hau dutenak: A Pobra do Caramiñal

• Coruñako Aldundia: A Pobra do Caramiñalrko udalerria
• A Pobra do Caramiñaleko Webgunea