Iparraldeko goi nafarrera

Iparraldeko goi nafarrera
Iparraldeko goi nafarrera mintzatzen duten udalerriak.      Inguruko udalerriak.
Euskalkia:	Goi-nafarrera
Hitz egiten den eremua:	Nafarroa: Sakana, Leitzaldea, Malerreka, Bortziri, Ultzamaldea, Arakil eta Anue Gipuzkoa: Lezo, Oiartzun, Irun eta Hondarribi
Web orria:	Iparraldeko goi nafarrera, Euskarabidearen webgunean

Iparraldeko goi nafarrera goi nafarreraren azpieuskalki bat da, Nafarroako ipar-ekialdean eta Gipuzkoako ipar-mendebaldean egiten dena.

Eremua

Iparraldeko goi-nafarrera mintzatzen den eremuak eskualde eta udalerri hauek barne hartzen ditu:

• Nafarroan Sakana, Leitzaldea, Malerreka, Bortziri, Ultzamaldea eta Anuen mintzatzen da. Baztan ere sartu ohi da, nahiz eta sailkapen batzuetan Nafar-lapurterak harengan duen eraginarengatik berezko azpieuskalki gisa sailkatu zen.
• Gipuzkoan, berriz, Lezo, Oiartzun, Irun eta Hondarribian. Hala ere, Lezoko hizkera maiz gipuzkeraren eta iparraldeko goi-nafarreraren arteko trantsizio-aldaeratzat sailkatu ohi da, Errenteriakoa bezala; baina ikerketa batek frogatu bezala, Errenteriako euskaldun zaharrenen artean iparraldeko goi-nafarreraren ezaugarri garbiak agerikoak dira.

Motak

• Malerrekako hizkera

Hiztegi erkatua

Iparraldeko goi nafarrera	Euskara batua	Hegoaldeko goi nafarrera
Lotsa	Lotsa	Alkea
Illea	Ilea	Biloa/illea
Belarrie/bearrie	Belarria	Biarrie
Lañoa	Lainoa	Lañoa
Ordue	Ordua	Ordua/ordue
Burnie	Burdina	Burdina
Ostirela/ortzirela	Ostirala	Ortzilaria/ortzileria
Bost/bortz	Bost	Bortz
Iru	Hiru	Iru
Arratorea/arratoia	Arratoia	Arratoia
Larogei/lautanogei	Larogei	Lauetanogei
Ongi etorri	Ongi etorri	Ongi etorri
Esan/San/erran	Esan	Erran
Gara	Gara	Gara
Gizon au	Gizon hau	Gizon gau/au
Beittu	Begiratu	Beitu

Kanpo loturak

• Iparraldeko goi nafarrerari buruzko orria, Euskarabidearen webgunean.
• Ahotsak.com: Euskal Herriko hizkerak eta ahozko ondarea.