Kuartil arteko ibiltarte

Kuartil arteko ibiltartea erdiko datuen %50ak hartzen duen tartearen zabalera da. Kaxa-eta-beso diagraman kaxaren zabalerarekin dator bat.

Estatistikan, kuartil arteko ibiltartea sakabanatze neurri absolutu bat da. Honela izendatu eta kalkulatzen da:

$I_{Q}=Q_{3}-Q_{1}\,$,

non Q₁ eta Q₃ lehenengo eta hirugarren kuartilak diren hurrenez hurren.

Zenbat eta handiagoa izan, sakabanatzea handiagoa izango da, baina ezin da finkatu balio bat sakabanatze handia erakusten duenik. Dagokion sakabanatze neurri erlatiboa, datu-multzo ezberdinen sakabanatzeak erkatzeko, koartil arteko ibiltarte erlatiboa da.

Propietateak

• Muturreko datuak daudenerako neurri aproposa da, neurri jasankorra baita.
• Datuen azterketa esploratzailean maiz erabiltzen den nuerria da, kaxa-eta-beso diagrama osatzeko esaterako.
• Eragozpen gisa, ez du kontuan hartzen datuetan biltzen den informazio guztia, erdian dauden datuen %50ak bakarrik hartzen baititu kontuan.