Millennium Trilogia

Millennium trilogia Stieg Larssonek suedieraz idatziriko hiru eleberriz osatutako bilduma da, idazlea hil eta gero argitara eraman zena.

Bertako protagonistak Lisbeth Salander oroimen bikaineko neska adimentsu baina antisoziala eta Mikael Blomkvist Millennium hilabetekariaren jabekide eta kazetaria dira. Liburu hauetan emakumeen aurkako indarkeria, arrazakeria eta ustelkeria bezalako gai gogorrak jorratzen dira. Eleberri hauetako bakoitzean oinarrituta film bana ere egin da.

Eleberriak

Bilduma honetako eleberriak ondokoak dira:

• Män som hatar kvinnor (Emakumeak gorrotatzen zituzten gizonak), 2005ean argitaratua.
• Flickan som lekte med elden (Suarekin jolasten zuen neskatoa), 2006an argitaratua.
• Luftslottet som sprängdes (Amildu zen aireko gaztelua), 2007an argitaratua.

2009rako mundu guztian 21 milioi ale saldu ziren.

Filmak

Yellow Bird zinema ekoizpeneko konpainia suediarrak 2009an aurkeztu ziren Millennium Trilogiaren eleberrien bertsioak ekoiztu ditu.

• Män som hatar kvinnor (filma) (Emakumeak gorrotatzen zituzten gizonak). Niels Arden Oplevek zuzendua eta Michael Nyqvist eta Noomi Rapacek protagonizatua.
• Flickan som lekte med elden (filma) (Suarekin jolasten zuen neskatoa). Daniel Alfredsonek zuzendua eta berriro Michael Nyqvist eta Noomi Rapace dituena protagonista moduan.
• Luftslottet som sprängdes (filma) (Amildu zen aireko gaztelua). Hau ere Daniel Alfredsonek zuzendua eta Michael Nyqvist eta Noomi Rapacek protagonizatua.