Wikiproiektu:Lur Hiztegiak Wikipediaratzeko Lantegia

Lur Hiztegiak Wikipediaratzeko Lantegia
Hasiera:	2011ko abuztuaren 4a
Helburua:	Lur hiztegi entziklopedikoaren eta Lur entziklopedia tematikoaren edukiekin euskal Wikipedia aberasteko lanak bideratzea eta lan horien berri ematea.
Partaideak:
Lantegiko parte hartzaileak Elhuyar Fundazioa Wikilari laguntzaileak: Xabier Armendaritz Unai Fdz. de Betoño Asier Sarasua Garmendia Theklan Joxemai Janfri

Wikiproiektu honen helburua da Lur hiztegi entziklopedikoaren eta Lur entziklopedia tematikoaren edukiekin euskal Wikipedia aberasteko lanak bideratzea eta lan horien berri ematea. Lan horiek Eusko Jaurlaritzak egindako lizitazioaren ondorio dira. Lizitazio hori Elhuyar Fundazioak irabazi zuen, euskal Wikipediako sei wikilariren laguntzaz. Lanak 2011. urtea bukatzerako amaitu beharko dira.

Lantegiaren zereginak

Elhuyar Fundazioak aurkeztu zuen eta lizitazioa irabazteko balio izan zion proiektuaren arabera, euskal Wikipedian 11.000 artikulu sortu edo osatu beharko dira.

11.000 artikulu horietatik, Euskal Herrikoak izango dira % 30.

11.000 artikulu horietatik, irudiz edo ikus-entzunezko baliabidez hornitu beharko dira % 35 (hau da, 3.850 artikulu).

Lanen mugak

Orokorrak

• Lan guztiak aurrera eramateko epea oso laburra da: uztailaren bukaeratik abenduaren bukaeraraino, bost hilabete besterik ez.

Lur entziklopedien edukiaren aldetik

• Lur hiztegi entziklopedikoak 20 urte ditu. Informazio zaharkitua du, eta hizkuntza zuzenketa ugari egin beharko da (Enrike → Henrike, Ienisei → Jenisei, aluzinazio → haluzinazio, bainila → banilla...).
• Lur entziklopedia tematikoa duela 12 urteko lana da. Sarrera antolaketa ez da estandarra. Askotariko estiloak ditu barnean. Eguneratzea eta hizkuntza zuzenketak egin beharko dira. Arlo bakoitzean nagusitu den terminologiara moldatu beharko da (lastertasun → abiadura, handien-txikien orokorrak → maximo eta minimo absolutuak, quantum-mekanika → mekanika kuantiko...).

Euskal Wikipediaren edukien aldetik

• Oreka falta: artikulu bikainekin batera, badira oraindik aski kaskarrak direnak.

Lanak aurrera eramateko urratsak

Uztailaren bukaeraldean lizitazioaren irabazlea Elhuyar Fundazioa izan zela erabaki zenetik, bost hilabeteko epea izango da zeregin horiek guztiak aurrera eramateko. Elhuyarrek (wikilari laguntzaileen iritziak ere aintzat hartuta) prestaturiko plangintzaren arabera, hauek izango dira urrats nagusiak, euskal Wikipediari dagokionez:

1. Elhuyarko langileak arduratuko dira Lur entziklopedien edukiekin sor edo osa daitezkeen euskal Wikipediako artikuluak hautatzeaz. Horretan jardungo dute abuztuan.
2. Sortu edo osatuko diren euskal Wkipediako artikuluak markatuko dira, txantiloi berezi batekin. Horrela markatutako artikuluak kategoria honetan agertuko dira.
3. Wikipediaz kanpoko Elhuyarko zerbitzari batean, langileek Wikipediako artikuluak sortu edo osatuko dituzte.
4. Wikilari laguntzaileek artikulu horiek wikituko dituzte.
5. Elhuyarko hizkuntza zuzentzaileek artikulu horiei azken ukituak emango dizkiete.
6. Artikuluak euskal Wikipediara ekarriko dira.

Erabakitzeke dago ea artikuluak epearen azkenean —abenduan— guztiak batera wikipediaratuko diren, hala egin ahala ekarriko diren Wikipediara. Bigarren aukera Wikipediarako egokiagoa dela garbi dagoen arren (horrela, ahalik eta lasterren hobetuta ikusiko genuke euskal Wikipediako edukia), Eusko Jaurlaritzak lan hauetarako emandako epea oso estua denez, wikilari laguntzaileok uste dugu Elhuyarri askatasuna eman beharko diogula horretan, arretarik handiena lanak albait txukunen egitean jarri ahal izan dezaten, eta ez lanak albait lasterren wikipediaratzean.

Lantegiko wikilanabesak

Lantegiko txantiloiak

• Artikulu bat geroago Lur entziklopedietako edukiarekin osatuko dela jakinarazteko txantiloia: Txantiloi:Lurlanean. Artikuluaren hasiera-hasieran jartzekoa da.
• Artikulu bat dagoeneko Lur entziklopedietako edukiarekin osatu dela jakinarazteko txantiloia: Txantiloi:Lur. Artikuluaren Erreferentziak atalaren hasieran jartzekoa da.
• Sortuko diren artikuluek erabiliko dituztelako sortzen ditugun kategoria hutsak markatzeko txantiloia: Txantiloi:Lur wikipediara kategoria.

Lantegiko artikuluen kategoriak

• Kategoria:Lur entziklopedietatik osatuko diren artikuluak