Hontz

Taxotaula bat irakurtzeko era Hontza
Hontz handia (Bubo Bubo)
Sailkapen zientifikoa
Erreinua: Animalia Filuma: Chordata Klasea: Aves Ordena: Strigiformes

Hontza gau hegazti harrapari batzuen izena da, Strigiformes hegaztien ordena osatzen zutenak. Ugaztun txikiak, intsektuak eta txoritxoak ehizatzen ditu gehien bat, nahiz eta zenbait espezie arrainak ere jan. Bi familiatan banatzen dira: Tytonidae eta Strigidae.

Mozoloak Strigiformes ordenakoak ere badira eta hontzen antza handia dute, baina txikiagoak dira. Hala ere, hontz zein mozolo formak, era generikoan ere erabiltzen dira euskalkiaren arabera Strigiformes ordenako hegazti guztiei esateko.

Espezieak

Espezie batzuk:

• Hontz handia (Bubo bubo)
• Hontz zuria (Tyto alba)
• Apo-hontza (Otus scops)
• Elur-hontza (Nyctea scandiaca)
• Hontz ertaina (Asio otus)
• Zingira-hontza (Asio flammeus)
• Hontz arrantzalea (Ketupa zeylonensis)
• Hontz gabiraia (Surnia ulula)
• Mairu-hontza (Asio capensis)
• Hontz tropikala (Otus choliba)
• Zuloetako hontza ('Speotyto cunicularia)

Sinbolismoa

Euskaraz, adimen gutxiko hegaztitzat hartu izan dira hontzak. Hontz edo mozolo terminoak, pertsonei aplikatuak, inozo adieraren sinonimoak izan daitezke.

Greziar mitologian, aldiz, jakinduriaren Atenea jainkosaren sinbolo ziren hontzak, eta jakintzaren sinbolotzat zituzten. Gaur egungo hedabideetako kultura globalizatuan (marrazki bizidunetan eta) animalia jakintsu gisa marrazten ditu topikoak.

Ameriketako hainbat kulturatan, zoritxarraren eta heriotzaren iragarletzat jotzen dituzte.

Ikus, gainera

• Mozolo
• Strigiformes ordenako Euskal Herriko hegaztien zerrenda

Erreferentziak

Wikispezieetan bada informazioa gehiago, gai hau dela eta: Strigiformes

Wikimedia Commonsen badira fitxategi gehiago, gai hau dutenak: Hontz