B8 bitamina

Biotinaren egitura

B8 bitamina, biotina edo H bitamina izenaz ere ezagutzen dena, bitamina hidrosolugarria eta alkoholetan solugarria da, beroa ongi jasaten du eta erraz oxidatzen da. Karbono hidrato, gantz, aminoazido eta purinen metabolismoan parte hartzen du.

Bere gabeziak muskuluetako mina, ekzema eta dermatitisa eragiten du. Depresioa eta logureari aurre egiteko erabiltzen da era terapeutikoan. Guztiz beharrezkoa da gantzen sintesi eta degradaziorako, eta baita zenbait aminoazido degradatzeko ere.

Karbono dioxidoaren transferentzia-erreakzioetan jarduten du.

Hesteetako flora bakteriarrak biotina ekoizten du, baina ez giza-gorputzak eskatzen duen bezainbeste. Elikagai hauetan ugari da: esnea eta esnekietan, legamietan eta okela eta animalien erraietan.

Gaur egun egunero hartu beharreko B8 bitamina kopurua egunean 200-300 μg dela onartzen da. Halere, kontu honen inguruan egindako ikerketek eztute behin betiko emaitzarik eman.

Biotina 3 era desberdinetan agertzen da naturan: biotina aske bezala (gizakiak probestu dezakeen era bakarra), biozitina osatuaz eta sulfoxido bezala.