Heizei enperadorea

Heizei Enperadorea (japonieraz 平城天皇 Heizei Tennō) (774-824), Japoniako 51. Enperadorea izan zen, oinordekotza ordena tradizionalaren arabera. 806tik, 809an kargua, bere anaia txikia Kamino Printzearen mesedetan utzi zuen arte gobernatu zuen. Heizei titulua, Narako hiriburuaren izen ofizialetik dator, Heizei Kyo dena. Sarri, Nara no Mikado deitua izan zen, Narako Enperadorea.

Kanmu Enperadorearen eta Fujiwara no Otomuro enperatrizaren semea izan zen. Tronura iritsi aurretik, Fujiwara no Kusukorekin, bere emaztearen amarekin izan zuen harremanak, sekulako zalaparta sortu zuen. Zalaparta horren ondorioz, bere aitak, printze oinordeko kargutik kentzea pentsatu zuen.

Bere kargua utzi ondoren, Narara joan zen, eta, hiriburua, berriz Kiototik Narara eramatea pentsatu zuen. Saga Enperadoreak bere aitarekin ados zegoelako itxurak egin zituen. Hala ere, ideia horri kasu zipitzik ere ez egitea pentsatzen zuen, bere aurreko enperadorearen eragina murrizteko. 810ean, Naran Kusukorekin matxinada bat sortzen saiatu zen, baina garaitua izan zen. Kusukok bere buruaz beste egin zuen, eta Heizei monje budista bihurtu zen. Bere semea, Takaoka printzea, bere kargutik kendua izan zen, eta Saga enperadoreak, bere seme propioa izendatu zuen printze oinordeko bezala.

Aurrekoa Kanmu Enperadorea

Japoniako Enperadorea 806-809

Ondorengoa Saga Enperadorea