Amberg

Txantiloi:Alemaniako udalerri infotaula Amberg (bavarieraz Kaufbeiren) Alemaniako Bavaria estatu federaleko hiria da, Palatinatu Garaiko eskualdeko hiri askea.

Historia

Hiriaren lehenengo aipamena 1034koa, Ammenberg izena ematen zaio idatzi hartan. Burdina landuz Erdi Aroko herri garrantzitsu bihurtu zen. 1269tik aurrera Wittelsbach etxearen menpe egon zen.

Palatinatu garaia protestante bihurtu zen XVI mendean. Agintariek erradikalagoa zen Kalbinismoa bultzatu bazuten ere herriak Luteranismoa nahiago izan zuen. 1628an ordean Wittelsbach etxeak beraiek gobernatzen zuten Bavarian sartu zuten eta Ambergeko herritarrek katoliko bihurtu ezean herritik alde egitera bultzatu zituzten.

1796an, Napoleondar Gerretan, borroka latza izan zen Ambergen, 35.000 soldadu frantziar eta 40.000 soldadu austriarren artean. Austriak irabazi zuen.

Bigarren Mundu Gerraren ondoren Ameriketako Estatu Batuetako Armadaren base bat egon zen Ambergen 1992an itxi zena.

Udaletxea merkatu plazan

Stadtbrille zubia

Ondasun nabarmenak

• Stadtbrille zubia: Antzinako harresiaren arkuen azpitik ibaia pasatzen zen. Gaur egun harresia populaturik dago.
• Merkatu plaza: Inguruan ditu udaletxe gotikoa eta San Martin eliza gotikoa.
• Jauregi berria: XV menena eraikitako jauregi hau Palatinatuko konteen egoitza izan zen. 1603an berriztu zuten..

Hiri senidetuak

Amberg ondorengo hiriekin senidetuta dago:

• Bad Bergzabern (Alemania)
• Bystrzyca Kłodzka (Polonia)
• Desenzano del Garda (Italia)
• Périgueux (Frantzia)
• Trikala (Grezia)
• Ústí nad Orlicí (Txekiar Errepublika)

Kanpo loturak

• (Alemanez) Hiriko udal webgunea (Alemanez)

Wikimedia Commonsen badira fitxategi gehiago, gai hau dutenak: Amberg