Ariwara no Narihira

Ariwara no Narihira, Ogura Hyakunin Isshun.

Ariwara no Narihira (japonieraz 在原業平, 825-880ko uztailak 9), olerkari eta aristokrata japoniar bat izan zen. Ki no Tsurayukik Kokin Wakashū lanaren hitzaurrean aipaturiko sei waka olerkarietako bat izan zen, eta Ise monogatari laneko heroi bezala aipatua izan da, protagonista, pertsonaia arrunt bat baitzen, pertsonaia honi, Narihiraren maitasun abenturak eman zitzaizkiolarik.

Heizei Enperadorearen semea zen Abo printzearen bosgarren semea zen. Bere ama, Ito printzesa, Kanmu Enperadorearen alaba zen, eta honek, beraz, enperadoreen leinura lotu zuen aitaren zein amaren aldetik. Bere anaiekin batera, zibil baten bizitza arruntera baztertua izan zen, klan izen berri bat jasoz, Ariwara.

Leinurik nobleenekoa izan zen arren, bere bizitza politikoa ez zen nabarmena izan, bereziki Montoku Enperadorearen erregealdian. Honen 30 urteko erregealdian, Narihira, ez zen gortearen barneko goragoko kargu batetarako proposatua izan. Gertaera hau, ziuraski, Fujiwara no Takaikorekin eta dama ezkontide inperial batekin lotzen zuen iskanbila baten ondorioz gertatu zen. Bi harreman hauek, Ise monogatari lanean kontatzen dira.