Ben Nevis

Artikulu hau Eskoziako mendiari buruzkoa da; beste esanahietarako, ikus «Nevis (argipena)».

Ben Nevis
Datu orokorrak
Garaiera	1.344,527 m
Prominentzia	1.344,527 m
Mota	mendi eta turismo-atrakzioa
Geografia
Koordenatuak	56°47′49″N 5°00′13″W
Mendikatea	Grampianak
Kokapena	Eskoziako Lur Garaiak
Estatu burujabe	Erresuma Batua
Herrialdea	Eskozia
Eskoziako azpibanaketak	Highland
Mendizaletasuna
Lehen igoera	1771ko abuztuaren 17a
Ohiko bidea	Lochaber (SCO)
Geologia
Material nagusia	Arroka igneo
Garaia	Devoniar

Ben Nevis (Eskoziar gaeleraz Beinn Nibheis), Eskoziako mendirik garaiena da (1.344 m) eta baita Britainia Handi guztikoa. Eskoziaren mendebaldean dago, Fort William hiriaren albo-alboan. Oso ezaguna da arroka eta izotz kirol eskaladako bideengatik (Ben Nevis-en ipar aurpegia). Bere gailurra, ertz bat kendurik, nahiko laua da, honek mendiaren jeitsiera nahiko arriskutsua egiten du laino itxia ematen den kasuetan.

Izenaren esanahia

Fort William udalerria atzekaldean Ben Nevis mendia ikusten delarik.

Ben Nevis eskoziar gaelerazko Beinn Nibheis izenaren ingeleratzea da. Beinn hitz gaelikoak "mendi" esan nahi du, nibheis hitzak berriz esanahi ezberdinak ditu, nahiz eta "maltzur" edo "gaizto" bezala itzuli. Beinn Nibheis izenaren beste itzulpen alternatiboa beinn-neamh-bhathais-etik dator, neamh-en itzulpena "zerua, odeiak" da eta bathais "buruko zatirik garaiena". Itzulpen literal gisa "bere burua odeietan duen mendia" izan liteke, halere "zeruko mendia" ere erabiltzen da.

Wikimedia Commonsen badira fitxategi gehiago, gai hau dutenak: Ben Nevis