Connemara

Connemara, irlanderaz Conamara Irlandako Galwayko konderriaren mendebaldean dagoen eskualdea da. Gaeltacht lurralde gaelikoaren inguru garrantzitsua da. Eskualde hau geografikoki nahiz hizkuntza aldetik Galway hiriaren mendebaldean hasi eta Galwayko badiaren kostaldean zehar, Clifden eskualdeko hiriburua iragan eta Connemara eskualdearen iparraldeko ertzean dagoen Leenaun edo Leenane udalerrian amaitzen da.

Connemarako ikuspegi bat.

Izena

Galway eta Mayo konderrien mendebaldeko kokapen mapa: orlegiz, Joycen herrialdea irudikatzen da, gorriz Connemara eskualde historikoa eta arrosaz gaur egungo Connemara eskualdearen hedapena.

Gaur egun Connemara izenaz Corrib aintziratik medebaldera dagoen Galway konderriko mendebaldeko eremu guztiari deitu ohi zaio, baina hau berez ez da zuzena, honela Galway konderriko mendebaldeko Gaeltacht eremu osoan Connemarako zaku berdinean sartuz. Halere, historikoki Connemara eskualde historikoa gaur egungo eskualdea baino txikiagoa eta Galway konderriko mendebaldeko muturreko kostaldean kokatzen zen, hegoaldean Ros an Mhíl udalerrian hasi eta iparraldean Leenaun udalerrian amaitzen zelarik.

Gaur egungo Connemara eskualdea nahiz eskualde historikoaren hiburua Clifden udalerria da.

Herriak

Ondoko udalerri eta herriek osatzen dute barrutia:

• An Cloigean/Cleggan
• An Spidéal/Spiddal
• Claddaghduff
• An Clochán/Clifden: Hiriburua.
• Baile na hAbhann/Ballynahown
• Carna
• Casla/Costelloe
• An Cheathrú Rua/Carraroe
• Cleggan/An Cloigeann
• Cloch na Rón/Roundstone
• Baile Mhic Chonghaile/Ballyconneely
• Leenaun edo Leenane/An Líonán
• An Teach Dóite/Maam Cross
• Na Forbacha/Furbo
• Leitir Fraic/Letterfrack
• Cill Chiaráin/Kilkieran

Iruditegia

• 
  Clifden
• 
  Kostaldeko irudia
• 
  Connemara arrazako poniak
• 
  Killary badia
• 
  Kylemore abadetxea
• 
  An Spidéal udalerriko portua
• 
  Na Forbacha edo Furbo udalerria
• 
  Ohiko landa irudia

Herritar ezagunak

• Mairtin O Cadhain (1906-1970), irlanderazko idazlea.
• Peter O'Toole (1932-), aktorea.
• Tomás Mac Eoin (1937-), Sean-nós abeslaria.

Irakurtzeko

• GABIRIA, Julen: Connemara gure bihotzetan. Elkarlanean, Donostia, 2000. Bere zati bat Connemara eskualdean girotutako eleberria euskaraz.

Kanpo loturak

Wikimedia Commonsen badira fitxategi gehiago, gai hau dutenak: Connemara

• Connemara eskualdea Irlandako Turismo Bulegoaren webgunean (Ingelesez)
• Connemarako Parke Nazionalaren webgunea (Ingelesez)
• Connemara eskualdeari buruzko webgunea (Ingelesez)
• Connemara eskualdeari buruzko turismo webgunea (Ingelesez)
• Connemara eskualderi buruzko argibideak (Ingelesez) (Gaeleraz)