Poligono

Poligono batzuk

Artikulu hau Irudi geometrikoari buruzkoa da; beste esanahietarako, ikus «Poligono (argipena)».

Poligono bat irudi geometriko bat da segmentu zuzen edo kurbatuaz mugatu ez-lerrokatuaz osatua dagoena. Adibide moduan pentagonoak bost alde dituen poligono bat da. Hitza greziarretik dator: polys-asko eta gwnos-angeluak.

Poligono erregularrak

Alde guztiak berdinak dituen poligonoak poligono erregular izena hartzen du.

n baldin bada alde kopurua poligono horrek dituen diagonal kopurua $n(n-3)/2$ forumulak ematen du.

Poligono erregular baten azalera modu honetan kalkula daiteke:

A = Azalera
n = alde kopurua
l = alde baten luzera
a = apotema
Hurrengo formulak izango ditugu:

• $A={\frac {n\cdot l\cdot a}{2}}$
• $a={{l} \over {2\,\tan \left({{\pi } \over {n}}\right)}}$
• $A={{n\,l^{2}} \over {4\,\tan \left({{\pi } \over {n}}\right)}}$

Definizioz alde gutxien dituen poligonoa hirukia da, 3 alderekin. Alde kopurua infinitua izan daiteke.

Laukiak

Lau aldeko eta lau angeluko poligonoak dira. Lau angeluen baturak 360º ematen du.

• Paralelogramoak: Aldeak binaka paralelo dituzten laukiak dira.
  • Karratua: Lau alde berdin eta lau angelu berdin (zuzenak).
  • Laukizuzena: Aldeak binaka berdin eta lau angelu berdin (zuzenak).
  • Erronboa: Lau alde berdin eta angeluak binaka berdin (Bi zorrotz eta bi kamuts).
  • Erronboidea: Aldeak binaka berdin eta angeluak binaka berdin (Bi zorrotz eta bi kamuts).

• 
  Karratua
• 
  Laukizuzena
• 
  Erronboa
• 
  Erronboidea

• Ez-paralelogramoak: Binaka paraleloak ez dituzten laukiak dira.
  • Trapezioa: Bi alde paralelo eta beste biak paraleloak ez dituzten laukiak dira.
  • Trapezoideak: Aldeen paralelorik ez duten laukiak dira.