Europako ereserkiaEuropar Batasuneko lau sinbolo ofizialetako bat da. Herbert von Karajan austriarrak eginiko moldaketa bat da, Alaitasunaren ereserkia temaren gainean, Ludwig van Beethoven alemaniarraren 9. sinfoniaren azken mugimendua. Jatorrian, Alaitasunaren ereserkia (baita ere Alaitasunaren oda) Friedrich von Schiller idazlearen poema bat zen, Beethovenek musikaua.
Ereserkiak ez du hitzik. Horrela, Batasunaren eleaniztasunaren auzia saihesten du, baina indarra kentzen dio ereserki nazionalen alboan, hitzak direla-eta errezagoak baitira ikasteko. Hala ere, musika honetan sumatu daiteke halako bakerako deia, herriak bakean bizitzeko desira.
Austrian, Peter Roland latineko irakasleak "Est Europa nunc unita" testua proposatu zuen. Hitzok Europako Batzordearen atentzioa erakarri zuen, batez ere 2004 Erromako bileran, baina azkenean ez zuen aintzakotzat hartu.
Est Europa nunc unita et unita maneat; una in diversitate pacem mundi augeat.
Semper regant in Europa fides et iustitia et libertas populorum in maiore patria.
Cives, floreat Europa, opus magnum vocat vos. Stellae signa sunt in caelo aureae, quae iungant nos.
Europa batasunean dago
eta batasunean mantentzen da;
Bakarra bere aniztasunean
munduko bakeari laguntzen.
Lehialtasunak eta Justiziak
goberna dezatela Europa
Batia bere herrien askatasuna
Denon aberri handi batean.
Herritarrok, Europa gailendu dadila,
Lan handi bat duzue zain.
Zeruko urre koloreko izarrak
Batzen gaituzten seinale.
