Izotz-kasko

Vatnajökull, Islandia

Grímsvötn lakua Vatnajökull glaziarrean, Islandia.

Penny izotz geruza en la Baffin uhartean, Kanada.

Izotz geruza izotz kontinentalen zenbait masak jasotzen duten izena da. Izotz zelaiak izotz geruza batez estalitako eremu ordokitsu eta harritsu handiak dira, bere ertzek elur-lekuak eratzen dituztelarik, eta fiordo eta kanalen bidez itsasoan edo lakuren batean itsasoratzen direnak. Izotz zelaiak nagusiki eremu polar eta patagonikoetan daude, eta zenbait elementu geografiko estaltzen dituzte, lakuak edo mendikate luzeak kasu.

Geografoek izotz zelaiak izotzak edo elurrak estalitako hedadura 50.000 kilometro karratu edo gehiagokoa denean aipatzen dituzte, eta inlandsisak (edo izotz kontinentala bera) estalki glaziarrek milioi bat kilometro karratu baino gehiagoko hedadura dutenean (gaur egun bi inlandsis daude, Antartikakoa eta Groenlandiakoa.

Azterketa geologiko eta glaziologikoen arabera, izotz zelaiak azken glaziazioan zehar eratu ziren askoz tamaina handiagoko glaziartutako guneen hondarrak izango lirateke. Izotz zelai hauek mundu ur edangarrizeko erreserba nagusiak dira, eta beraz, balio estrategiko handia dute.

Izotz zelairik garrantzitsuenak

• Stikine Izotz Geruza, (Kanada eta Ameriketako Estatu Batuak), 21.876 kilometro karratu.
• Patagonia Hegoaldeko Izotz Zelaia (Argentina eta Txile), 16.800 kilometro karratu
• Austfonna (Svalbard, Norvegia), 8.120 kilometro karratu.
• Vatnajökull (Islandia), 8.100 kilometro karratu.
• Penny Izotz Geruza (Baffin uhartea, Kanada) 6.000 kilometro karratu
• Patagonia Iparraldeko Izotz Zelaia (Txile), 4.200 kilometro karratu
• Juneau Izotz Zelaia (Alaska, Estatu Batuak) 3.900 kilometro karratu
• Darwin mendikateko Izotz Zelaia (Suaren Lurraldea, Txile) 2300 kilometro karratu
• Kolunbia Izotz Zelaia (Alberta, Kanada) 325 kilometro karratu
• Zelai Elurtu Handia (Txile) 200 kilometro karratu.

Ikus, gainera

• Inlandsis
• Izotz plataforma