Minos

Greziar mitologian, Minos (grekoz Μινως) Kretako errege erdi kondairazkoa da, Zeusen eta Europaren semea. Zibilizazio Minoikoak beragandik hartzen du izena. Ez dago garbi Minos izena den edo "errege" esan nahi duen hitz kretar bat den.

Minosek Kretan eta Egeo itsasoko irletan agindu zuen hiru belaunaldiz Troiako gerraren aurretik. Knososen bizitzen zen bederatzi urtez. Epe hau amaitzean, kobazulo sakratu batera erretiratzen zen, non Zeus beraren aginduak jasotzen zituen Kretaren gobernuari buruzkoak. Kretako konstituzioaren sortzailea eta itsas gorengotasuna eman ziona izan zen.

Kondaira atenastarraren arabera, Minos tirano krudel bat zen, neska eta mutil gazteak Minotauro mustroari eskaintzen zizkionak.