Keith Richards

Keith Richards 1995ean Rio de Janeiron egindako emanaldi batean.

Keith Richards (1943ko abenduarenaren 18, Dartford, Kent, Ingalaterra - ) Rolling Stones musika taldeko gitarrista, abeslari eta kantagilea da. Gainera, bakarlari moduan ere zenbait lan egin ditu.

Bizitza

Gaztetan eskolatik bota zuten behin baino gehiagotan, Mick Jaggerekin batera. Droga zaletasunak harrapatuta egon zen bi hamarraldiz. 1962ko bukaeran, Mick Jagger, [[Brian Jones, Ian Stewart, Dick Taylor eta Charlie Wattsekin batera jo zuen, Londresko Club Picadillyn. Hurrengo urtearen hasieran, Bill Wymanek Dick Tayloren lekua hartu ondoren baxua jotzen, ezarri zioten taldeari Rolling Stones izena, Muddy Waters estatubatuarraren abesti batetik hartua. Ekainean lehen diskoa argitaratu zuten, Come on eta Want to be loved abestiekin. Urte hartako irailean jira bat egin zuten Ingalaterratik, eta 1964an lehen disko luzea argitaratu zuten: The Rolling Stones. The Beatles talde ospetsuaren aurrean, bihurri eta hezigaitz itxura eman zuten. 1986ko martxoan Jagger-Richards bikotea behin betiko bereizi zela pentsatu zen. 1988ko urrian Richardsek bakarkako lehen lana argitaratu zuen, Talk is cheap. Richardsek berak idatzi eta ekoitzi zituen abestiak, Steve Jordan bateria jotzailearen laguntzarekin. Urte horretan bertan taldeko bost kideak berriro elkarrekin lan egiteko asmoz elkartu ziren, bi urteko etenaren ondoren, eta 1989an disko berria argitaratu zuten: Steel Wheels. Arrakasta handiko jira egin zuten Estatu Batuetan, Filadelfiatik hasita. Jiraren eta diskoaren arrakastak bultzaturik, 1990ean beste jira bat egin zuten Europan.

Diskografia bakarlari moduan

• Talk is cheap (1988)
• Live At the Hollywood Palladium (1991)
• Main Offender (1992)

Wikimedia Commonsen badira fitxategi gehiago, gai hau dutenak: Keith Richards

Artikulu hau Erresuma Batuko biografia baten zirriborroa da. Wikipedia lagun dezakezu edukia osatuz.