Patxi López: berrikuspenen arteko aldeak

Wikipedia, Entziklopedia askea
Ezabatutako edukia Gehitutako edukia
58. lerroa: 58. lerroa:
{{wikiesanak}}
{{wikiesanak}}
* {{es}} [http://www.patxilopez.com/ Patxi Lopezen bloga]
* {{es}} [http://www.patxilopez.com/ Patxi Lopezen bloga]

{{oinordekotza
| aurrekoa = [[Juan Jose Ibarretxe]]
| titulua = [[Eusko Jaurlaritzako lehendakaria]]</br>[[Irudi:Escudo del Pais Vasco.svg|30px]]
| epea = [[2009]]ko [[maiatzaren 7]]a - [[2012]]ko [[abenduaren 17]]a
| ondorengoa = [[Iñigo Urkullu]]
}}


{{EJ lehendakariak}}
{{EJ lehendakariak}}

22:21, 20 abendua 2012ko berrikusketa

Txantiloi:Agintari infotaula Francisco Javier López ÁlvarezPatxi López izenaz ezaguna— (Portugalete, Bizkaia, 1959ko urriaren 4a - ) Euskal Autonomia Erkidegoko lehendakaria eta PSE-EEko idazkari nagusia da. IV., V., VI., VII. eta VIII. legegintzaldietan Eusko Legebiltzarreko kide izan da.

Bizitza

Bilbon bizi bada ere, portugaletetartzat du bere burua.[1][2][3]. Gurasoak ezkerraldekoak zituen: ama Portugaletekoa, eta aita Sestaokoa[1]. Amaren aldetik arbasoak Gueñesko La Quadra auzokoak dira, aitaren aldetik Deustukoak[4]. Aita Eduardo Lopez Albizu, Lalo, euskal sozialismoaren agintari historikoa zuen. Horrek Patxi Lopezen ideologia finkatu zuen[5]. Gurasoak erbestean izan zituen Frankismoaren garaian ama Cáceresen eta aita Almerian[1]. Erbestetik itzulita, aitak klandestinitatean lagundu zuen Espainiako Alderdi Sozialista berreraikitzen. Hori zela eta, orduko buruzagi historikoak, Felipe González, Alfonso Guerra, Manuel Chaves eta abar, maiz joaten ziren haren etxera Ramón Rubial, Nicolas Redondo eta Eduardo Lopezekin bilerak egitera[1][5].

Ez dauka goi mailako ikasketarik, izan ere, Ingeniaritza ikasketak lehenengo urtean bertan behera laga zituen[4], graduatu gabe[5]. Ez da euskalduna, hau da, ez da euskara hiztuna baina ikasten ari omen da[6]. Beti politikari lotuta, orain arte ez du eskarmenturik izan ez inongo administraziotan ez sektore pribatuan.

Musika omen du zaletasuna eta etxean instrumentu asko ditu, bat bera ere jotzen jakin ez arren[1]. Massive Atack, Van Morrison, Peter Gabriel, Bruce Springsteen, The Smiths edota Mikel Urdangarin ditu gustuko[7]. Dantzari ere ekin zion, izan ere, 15 urte eman zituen Portugaleteko "Berriztasuna" dantza-taldean[7]. Athletic Club, Club Portugalete eta Otxarkoaga FCko kluben bazkidea da.

Emaztea Otxarkoaga auzoko Begoña Gil du[7], 1995. urtetik Bilboko udaleko zinegotzia dena[8].

Euskadiko Alderdi Sozialista

Euskadiko Gazteri Sozialistako kidea da 1975etik, eta, 1985tik 1988ra bertako idazkari nagusia izan zen[1][5]. 1977an PSEko kide bihurtu zen. 1986ko Espainiar Hauteskunde Orokorrak izan zirela eta, UGT PSOEtik urrundu eta sindikatuko ordezkari gorenak ziren Nicolas Redondo eta Anton Sarazibar alderdiko Bizkaiko zerrendatatik atera eta Lopez, alderdiko batzar exekutiboan sartu zena, 1987an diputatu bihurtu zen Madrilgo Kongresuan[5]. Urte bi eman zituen Madrilen, non Jose Luis Rodriguez Zapatero ezagutu zuen[1]. 1986tik 1990ra arte Espainiako Diputatuen Kongresuan aritu zen. Eusko Legebiltzarrean, 1991tik dihardu etenik gabe.

Urte hartan Antolakuntza Idazkaritza hartu zuen, eta 1995ean Bizkaiko Instituzio Idazkaritza. 1997an Bizkaiko Idazkari Nagusia izendatu zuten[5], 2000an berretsia. PSE-EEko Idazkari Nagusi 2002ko martxoaren 23an hautatu zuten Nicolas Redondo Terrerosek dimititu eta gero[1][5].

Seigarren lehendakaria

2005ean lehendabizikoz izan zen lehendakarigaia. Bere alderdiak aurreko hauteskundeetan baino bost eserleku gehiago lortu bazituen ere, EAJko Juan Jose Ibarretxek irabazi zituen[5].

2006ko uztailaren 6an, ETAk su-etena aldarrikatu eta gero, Batasunako zenbait kiderekin bildu ondoren, PPk eta Ermuko Foroak kereila aurkeztu eta Euskal Autonomia Erkidegoko Auzitegi Nagusiak epaiketa hasi zuen haren kontra[9]. Epaiketa 2009ko urtarrilaren 11n artxibatua izan zen[10].

2009ko Eusko Legebiltzarrerako Hauteskundeetan lehendakarigai izan zen. Sozialistek Barack Obamak AEBetako azken kanpainan erabilitako ideia asko erabili zituzten beren hautagaiak bultzatzeko (mitinetan, sloganetan...)[4]. Azken emaitzetan Ezker Abertzalearen hautagaiak legez kanpo utzi izanak eragina izan zuen gehiengoen eraketan, eta Patxi Lopezek horregatik lortu zuen gehiengoa osatzea PPren babesarekin[11][12].

Patxi Lopez kritikatua izan zen kanpainan PPrekin itunik ez zuela egingo esan ostean, legegintzaldi osorako itun estrategikoa sinatu zuelako.

« Ez dugula Alderdi Popularrarekin adostasunik ez dugula bilatuko errepikatu izan dut mila aldiz eta behin gehiago, Euskadin ez baitakite antinazionalismoa eta antisozialismoa besterik egitenPatxi López, 2009ko Eusko Legebiltzarrerako hauteskunde kanpainako mitin batean. 2009-2-23. [13] »

2009ko maiatzaren 5ean izendatu zuten Eusko Legebiltzarrean lehendakari 39 bozkarekin[14]. Ibarretxeren 35 botoak ez ziren nahikoak izan lehendakaritza berriz lortzeko[15].

Patxi Lopez EAEko lehen lehendakari sozialista bihurtu zen, 1978ra arte Kontseilu Nagusiaren presidente izan zen Ramon Rubial kontuan hartu gabe[1]. Lehendakari kargua hartzean ohitura ere aldatu zuen, zin egin beharrean, promes egin baitzuen, bere izaera laikoa aldarrikatuz[16][17]. Honez gain, Gernikako arbolaren aurrean egindako ekitaldian, lehen aldiz demokrazia ezarri zenetik, Guardia zibilak gonbidatu zituen. Herritar askok irain gisa hartu zuten hau eta handik denbora gutxira, Bizkaiko aldundiak Guardia Zibilei sarrera legez debekatu zien Gernikako Arbolaren eremura.[18]

Erreferentziak

Kanpo loturak

Wikiesanetan badira aipuak, gai hau dutenak: Patxi López


Aurrekoa
Juan Jose Ibarretxe
Eusko Jaurlaritzako lehendakaria

2009ko maiatzaren 7a - 2012ko abenduaren 17a
Ondorengoa
Iñigo Urkullu
Iñigo UrkulluPatxi LópezJuan Jose IbarretxeJose Antonio ArdanzaCarlos GaraikoetxeaRamon RubialJesus Maria LeizaolaJose Antonio Agirre