Lazio

Lazio
Administrazioa
Estatua	Italia
Hiriburua	Erroma
Probintziak	Frosinone Latina Rieti Erroma Viterbo
Udalerriak	378
Geografia
Koordenatuak	41°54′00″N 12°43′00″E
Azalera	17.203 km²
Demografia
Biztanleria	5.269.972 biztanle (2005)
Dentsitatea	306 bizt/km²
www.regione.lazio.it

Lazio, Italiako erdialdeko eskualdea, Bolsena aintziraren, Tirreniar itsasoaren eta Abruzzi mendien artean eta Frosinone, Latina, Rieti, Erroma eta Viterbo probintziek osatua. 17.203 km²-ko azalera du eta Erroma da hiriburua. Hiri nagusiak Anzio, Cassino, Civitavecchia, Formia, Frascati, Gaeta, Latina, Ostia, Rieti, Erroma, Terracina, Tivoli eta Viterbe dira.

Eskualde menditsua da, Abruzzi mendiek (Sabini, 1.000 m; Sibillini, 2.200 m; Prenestini, 1.000 m) eskualdeko lurraldearen herena hartzen baitute. Ekonomia-jarduera nagusiak laborantza (garia, garagarra, mahatsa, olibondoak) eta abeltzaintza (behiak eta ardiak) dira. Industria gehiena Erroman dago (industria mekanikoa, petrolio-findegiak, industria kimikoa, ehungintza).

Historia

K.a. 2000. urte inguruan finkatu ziren latinoak Lazion. K.a. VI. mendearen bukaera arte etruskoen mendean egon ziren, K.a. 509 arte, Tarkino Harroa Erromako azken errege etruskoaren amaiera arte, hain zuzen. K.a. V. mendean, herri latinoek Latinoen Liga osatu zuten, etrusko, ekuoei eta volskoei aurre egiteko. Hogeita hamar herri bildu ziren, Alba, Tusculum, Prenestes, Fidenes eta Lavinium, besteren artean; Erroma ez zen oraindik haien artetik gailendu. Samnioko lehen gerraren ondoren (K.a. 343-341) borrokatu zen Erroma latinoen aurka, eta K.a. 338an Erromako herritar bihurtu ziren latino guztiak.

Probintziak

• Frosinone
• Latina
• Rieti
• Erroma
• Viterbo

Kanpo-loturak

• (Italieraz) Webgune ofiziala
• (Italieraz) Turist Portal