Algerera

Katalanaren dialektoak

Sardiniako hizkuntza eta dialektoak. Marroi ilunez, algerera

Algerera (alguerès) Sardiniako Alguer (edo Alghero) hirian mintzatzen den katalanaren aldaera da. Algerera gutxiengo baten hizkuntza gisa onartzen du Italiako estatuak eta Sardiniako Erkidego Autonomoak (sardinierarekin batera).

Egun, algerera katalanaren ekialdeko dialektoen multzoko aldaera da, italieraren, sardinieraren eta gaztelaniaren eragin handia badu ere. Era berean, katalanaren arkaismoak mantzentzen ditu, katalanez mintzatzen diren gainontzeko lurraldeekiko isolaturik egotearen ondorioz.

Erabilera

1990eko hamarkadan Alguerreko biztanleriaren %30ak mintzatzen zuen algerera eta % 65ak ulertzen zuen. Biztanleen %50ak, era berean, sardinieraren dialekto desberdinak ere (logudorearra eta korsikeraren eragina duen sasarearra) ulertzen zituzten.

2004an Kataluniako Generalitateak bultzatutako ikerketa batek ondoko emaitzak eman zituen:

	Jatorriko hizkuntza	Ohiko hizkuntza
Italiera	%59,2	%83,0
Algerera	%22,4	%13,9
Sardiniera	%12,3	%2,8
Iturria: Alguerreko hizkuntz ohiturei buruzko inkesta

Ikus, gainera

• Katalanaren dialektoak
• Italiako hizkuntzak

Kanpo loturak

• (Katalanez) Algereraren egoerari buruzko bideoa