Rolf Wolfshohl

Rolf Wolfshohl (Kolonia, 1938ko abenduak 27) alemaniar txirrindulari bat izan zen, profesionala 1960 eta 1976 artean.

Errepideko zein ziklo-kroseko probetan parte hartu zuen. Zaletu bezala errepideko Alemaniako txapelduna izan zen 1956an eta munduko txapeldunordea ziklo-krosean 1958 eta 1959an hurrenez hurren. Jada profesional gisa, 3 aldiz izan zen munduko ziklo-kros txapelduna eta 13 aldiz Alemaniako txapeldun.

Bere dohaiak egun bakarreko probetan, (Liège-Bastogne-Liège eta Milan-San Remo klasikoetan bigarren izan zen, beste zenbait proba garrantzitsutan etapa garaipenak lortzeaz gain), iraupen laburreko etapakako probetan, (Paris-Niza irabazi zuen) eta Itzuli Handietan (1965eko Espainiako Itzulia irabazi zuen eta 1968ko Frantziako Tourrean 6. amaitu zuen) erakutsi zituen.

Palmaresa

• Euskal Bizikleta: 1962
• Alemaniako errepide txirrindularitzako txapelketa : 1968
• Alemaniako Ziklo-kros txapelketa: 1958-1963, 1965-1970, 1972 eta 1973
• Munduko Ziklo-kros txapelketa 1960, 1961 eta 1963 ( 2. 1959, 1965, 1967, 1969 eta 1972an; 3. 1966,1970 eta 1973an)
• 1965eko Espainiako Itzulia 20px
• Paris Niza
• Bi etapa Tourrean: 1967 eta 1970
• 1967ko Espainiako Itzulian etapa 1
• Tour de l'Aude 1962