Auschwitz

Auschwitz-Birkenau. Alemania naziko kontzentrazio eta deuseztatze esparrua (1940-1945)1 UNESCOren gizateriaren ondarea
Auschwitz II-ko sarrera (Birkenau), barnetik ikusita.
Mota	Kulturala
Irizpideak	vi
Erreferentzia	31
Kokalekua	Txantiloi:POL
Eskualdea2	Europa eta Ipar Amerika
Izen ematea	1979 (III. bilkura)
1 UNESCOk jarritako izen ofiziala (euskaratua) 2 UNESCOren sailkapena

Auschwitz (alemanez: Konzentrationslager Auschwitz) Alemania naziko kontzentrazio- eta deuseztatze-esparrurik handiena izan zen. Egungo Poloniako hegoaldean kokatua, Oświęcim (Auschwitz alemanieraz) hiritik hartu zuen izena.

Auschwitz hiru arlotan zegoen banaturik: Auschwitz I, administraziogunea; Auschwitz II (Birkenau), deuseztatze-esparrua edo Vernichtungslager alemanieraz; eta Auschwitz III (Monowitz), kontzentrazio-esparrua. Lehenengo biak, UNESCOk, 1979an Gizateriaren Ondare izendatu zituzten. Auschwitzen menpean, gainera, beste 40 esparru ere bazeuden.

Esparruko buruak, Rudolf Hössek, Nurenbergeko epaiketan Auschwitzen 2,5 milioi lagun hil zirela adierazi zuen. Auschwitz-Birkenau Museoak 1990ean kopuru hori berriz kalkulatu zuen, eta azken zenbatespenek diote 1,1 - 1,6 milioi bitartean izan zirela erailak. Horietako % 90 ia-ia Europako herrialde guztietako juduak izan ziren. Gehienak Zyklon B gasa erabiliz hil zituzten, baina gose sistematikoak, bortxazko lanak, osasun-zaintzarik ezak, banakako exekuzioek eta medikuntza-esperimentu izenekoek ere eragin zuten makina bat heriotza.

Kanpo loturak

• (Ingelesez) Auschwitzeko museoaren webgunea
• Auschwitzeko museoari buruz ARGIA aldizkarian

Wikimedia Commonsen badira fitxategi gehiago, gai hau dutenak: Auschwitz