Lehia perfektu

Merkatu batean enpresek prezioa maneiatzeko botererik ez dutenean sortzen den egoera da lehia perfektua, eta ongizatearen maximizazioa ematen da. Egoera hau ondasun eta zerbitzuen merkatuetan ematen da, non eskaera eta eskaintzaren arteko interakzioak prezioa finkatzen duen. Lehia perfektuko merkatu batean erosle (eskaera) eta saltzailea (eskaintza) ugari aurkitzen dira, eta ondorioz ez dago prezioan eragin erabakigarria duen saltzailerik edo eroslerik.

Baldintza teorikoak

Jarraian aipatuko ditugun baldintzak batera betetzen direnean, lehia perfektuko merkatua dela esango da:

• Saltzaile eta erosle kopuru handiak egotea: Saltzaile txiki asko egoterakoan merkatuari dagokionez, ezingo luke inork eraginik eduki prezioetan. Kantitate handiko eskatzaile eta eskaintzaile hori egoteak, bakoitzak prezioaren gain duen eragina merkatu osoarekiko eskasa izatea dakar.

• Enpresek produktu homogeneoak saltzea merkatuan, eroslea axolagabea izan dadin erosterako orduan, zein saltzaileri erosi berdin izango zaio. Produktuaren homogeneotasun honek, saltzaile bakoitzak eskaintzen duen produktuen artean ezberdintasunik ez egoteak dakar. Marka komertzial ezberdinen existentziak merkatu honen oinarriak apurtzen ditu.

• Enpresek eta kontsumitzaileek informazio osoa eta doakoa izan dezaten. Parte-hartzaile guztiek jakin dezaten zein baldintzetan jokatzen duen merkatuak.

• Sartzeko hesiak edo irteteko hesiak ez egotea, eztabirsalmenta egiteko arazorik ere. Honek enpresa parte-hartzaile guztiak edozein mementutan merkatu batera sartzeko eta irteteko aukera ematen dio.

• Ondasun eta faktoreen mugikortasun perfektua.''

• Salerosketa kosturik gabe, hau da, ez direla ez erosleak ez enpresak ondasunen salerosketaren kostuetan erortzen. Hau garrantzitsua da, ez baitago ezberdintasunik enpresa bat edo bestea aukeratzeko orduan kostu aldetik.