Eusko Jaurlaritza: berrikuspenen arteko aldeak
No edit summary |
|||
160. lerroa: | 160. lerroa: | ||
== Kanpo loturak == |
== Kanpo loturak == |
||
{{commonskat}} |
{{commonskat}} |
||
* [http://www.ejgv.euskadi. |
* [http://www.ejgv.euskadi.eus/ Eusko Jaurlaritzaren webgunea] {{eu}} {{es}} |
||
15:17, 31 abendua 2014ko berrikusketa
EAEko gobernua |
---|
Eusko Jaurlaritza Euskal Autonomia Erkidegoko gobernua da, hau da, Araba, Bizkaia eta Gipuzkoa herrialdeetan du eskumena. Eusko Jaurlaritzaren egoitza nagusia arabako Gasteiz hiriko Lakua auzoan dago, hortik maiz Lakuako Gobernua ezizenez ere izendatu izana.
Jaurlaritzaren burua lehendakaria da (gaur egun, Iñigo Urkullu). bizileku edo egoitza ofiziala Ajuria Enea jauregian duelarik. Eusko Jaurlaritzaren kontrola daraman erakundea edo parlamentua Eusko Legebiltzarra da, eta orobat lehendakaria aukeratzen duena. Lehendakariaren eta legebiltzarraren egoitzak ere Gasteizen daude.
Historia
Lehenbiziko Eusko Jaurlaritza
Eusko Jaurlaritza 1936an sortu zen, Espainiako Gerra Zibilaren garaian, eta aurreneko lehendakaria Jose Antonio Agirre izan zen. Lehenbiziko Eusko Jaurlaritzaren nahiz Lehendakaritzaren egoitza Bilboko Carlton hotelan egon zen. Eraikin hau 1919an Manuel Maria Smith arkitektoak diseinatu zuen eta Euskal Herriko Historia Garaikidearen gizarte eta kultur gertakizun garrantzitsu ugariren lekuko izan da, gaur egun Bilboko eraikin nabarmenetako bat delarik.
Autonomiak, ordea, ez zuen luze iraun: Francisco Francoren altxamendua nagusitu zenean, bertan behera gelditu ziren Euskadiko eta Kataluniako autonomia estatutuak.
Erbestea
Behin Bilbo eta jada Euskal Herria osoa frankisten esku erorita, Eusko Jaurlaritzak bere egoitza Kataluniako Bartzelona hiriburura lekualdatzea erabaki zuen. Lehenbiziko egoitza aurretik Eusko Jaurlaritzak Gràcia pasealekuan zuen Euskal Errefuxiatuen Babesetxea izan zen, ondoren eta behin-behinekoz, Kataluniako Generalitateak eskeinitako Pedralbesko jauregian kokatu zelarik. Egoera hau frankistek Bartzelona hartu eta Eusko Jaurlaritza Frantziara ihes egin beharrean suertatu zen arte luzatu zen.[1]
Erbesteratutako hainbat abertzaleen ekimenari esker Frantziako Paris hiriburuaren erdiguneko Rue Marceau karrikako 11. zenbakian zegoen jauregi bat erosi zen, bertan erbesteko Eusko Jaurlaritzaren egoitza kokatu zelarik.[2]
1940ko maiatzean naziak Parisera sartzearekin batera, egoitza ezeztatu eta ondoren frankistek okupatu eta haien poliziaren egoitza bilakatu zuten. Halere, Ardatzeko potentziek Bigarren Mundu Gerra galtzeak Eusko Jaurlaritza Rue Marceau karrikara itzultzea ahalbideratu zuen.[3]
Zoritxarrez, egokiera horretan jarraitzea ezinezkoa izan zen. Espainiako Bigarren Errepublikaren jabegoak heuren jabetzara iragateko zioen lege frankista bati jaramon eginez, 1951ko ekainaren 28an Frantziako Gobernuak Eusko Jaurlaritzaren egoitza zegoen jauregia hustutzeko agindua eman zuen, honi Espainia frankistak Frantziako Gobernuari eginiriko presio indartsuari gehitu zitzaion, ondorioz hustutze agindua finkoa eta atzerapausorik gabea bihurtu zen. Jose Antonio Agirreren zioenez bere bizipen lazgarrienetako bat jauregi honen desjabetzearena izan zen. Ordu ezkero Espainiako Gobernuak ez dio inoiz Eusko Jaurlaritzari jauregi honen jabetzarik itzuli, 1991an Parisko Cervantes Institutuaren egoitza ipini zuelarik.[4]
Zorionez, erbesteko Eusko Jaurlaritza hartako kide batzuk Parisko Rue Singer karrikako 48. zenbakian egoitza berri bat topatu zuten, erbesteko egoitza ofiziala segurtasunez lekualdatzeko asmoz. 1965an bertan etxebizitza berriak eraikitzeko erautsia izan zen hiru solairuko etxalde zahar bat izan zen. 1979ko abenduaren 15eko Eusko Jaurlaritzaren Euskal Herriratze arte Rue Singer kaleko 50. zenbakiko sotoa Jesus Maria Leizaola lehendakariaren exekutiboaren kokalekua izan zen.[5]
Gaur egun
Franco hil eta diktadura amaitu zenean, trantsizio garaia ireki zen Espainian, eta handik pixka batera Gernikako Estatutua onartu zen. Ondorioz, 1979an, berriro abian jarri zen Eusko Jaurlaritza, eta Carlos Garaikoetxea lehendakari aukeratu zuten. 1980an Eusko Jaurlaritzaren egoitza Gasteiz hirian ezarri zen.
Egoitzak
1979ko Euskal Autonomia Erkidegoko Estatutuak agintzen duen bezala, Eusko Jaurlaritzaren egoitza nagusiak Gasteizen daude, EAEko hiriburua delako.[6] Eusko Jaurlaritzak honako egoitzak ditu Gasteizen:
Egoitza Nagusia
Legebiltzarra
Lehendakaritza
- Ajuriaenea (Lovaina, Gasteiz): Eusko Jaurlaritzako lehendakariaren egoitza eta bizileku ofiziala.
- Lehendakaritza (Gasteiz): Izen bereko erakundearen egoitza.
Lurralde ordezkaritzak
- Eusko Jaurlaritzaren Arabako ordezkaritza (Gasteiz, Araba)
- Eusko Jaurlaritzaren Bizkaiko ordezkaritza (Bilbo, Bizkaia)
- Eusko Jaurlaritzaren Gipuzkoako ordezkaritza (Donostia, Gipuzkoa)
Bestalakoak
-
Eusko Jaurlaritzaren egoitza nagusia.
-
Lehendakaritzaren aireko ikuspegia.
Gaur egungo gobernua
X. Legealdia (2012ko abenduaren 17tik - egun egun arte)
Eusko Jaurlaritzak zortzi sailetan banatuak ditu bere eginkizunak (lehendakaritzaz gain). Sail bakoitzaren buru, sailburu bat dago:
2012tik 2016rako Eusko Jaurlaritza | |||
---|---|---|---|
Saila | Sailburua | Alderdia | Oharrak |
Lehendakaritza | Iñigo Urkullu | EAJ | |
Justizia eta Herri Administrazioa | Josu Iñaki Erkoreka Gervasio | EAJ | |
Ekonomiaren Garapena eta Lehiakortasuna | Arantza Tapia Otaegi | EAJ | |
Segurtasuna | Estefania Beltran de Heredia | EAJ | |
Ogasuna eta Finantzak | Ricardo Gatzagaetxebarria Bastida | EAJ | |
Osasuna | Jon Darpon Sierra | EAJ | |
Hezkuntza, Hizkuntza Politika eta Kultura | Cristina Uriarte Toledo | Independentea | |
Ingurumena eta Lurralde Politika | Ana Isabel Oregi Bastarrika | Independentea | |
Enplegua eta Gizarte Politikak | Juan Maria Aburto Rike | EAJ |
Garai eta Legealdiak
Lehendakariak
Legegintzaldia | Lehendakaria | Alderdia | Oharrak |
---|---|---|---|
Errepublika eta Diktadura garaian | |||
1936-1960 | Jose Antonio Agirre Lekube | EAJ | Erbestean 1937-1960 |
1960-1979 | Jesus Maria Leizaola Sanchez | EAJ | Erbestean 1979 arte |
Trantsizio demokratikoa | |||
1978-1979 | Ramon Rubial Cavia | PSE | Eusko Kontseilu Nagusiko presidentea |
1979-1980 | Carlos Garaikoetxea | EAJ | Eusko Kontseilu Nagusiko presidentea |
Gernikako Estatutua | |||
I. (1980-1984) | Carlos Garaikoetxea Urriza | EAJ | |
II. (1984-1985) | Carlos Garaikoetxea Urriza | EAJ | Kargua utzi zuen EA sortzerakoan |
II. (1985-1986) | José Antonio Ardanza Garro | EAJ | 1985ean izendatua |
III. (1986-1990) | José Antonio Ardanza Garro | EAJ | |
IV. (1990-1994) | José Antonio Ardanza Garro | EAJ | |
V. (1994-1998) | José Antonio Ardanza Garro | EAJ | |
VI. (1998-2001) | Juan José Ibarretxe Markuartu | EAJ | 1999an izendatua |
VII. (2001-2005) | Juan José Ibarretxe Markuartu | EAJ | |
VIII. (2005-2009) | Juan José Ibarretxe Markuartu | EAJ | |
IX. (2009-2012) | Patxi Lopez Alvarez | PSE-EE | |
X. (2012-gaur egun) | Iñigo Urkullu Renteria | EAJ |
Sariak
Eusko Jaurlaritza ondorengo sariak eta goraipeman ematen ditu:
Erreferentziak
- ↑ "Esta era la situación en la que se produjo la decisión de trasladar la sede del Gobierno vasco a Barcelona, una situación marcada por los esfuerzos de racionalizar y mejorar la asistencia a los refugiados, por la llegada de una nueva oleada de vascos desde Francia y, tras los violentos enfrentamientos de mayo, por una mayor centralización de la política republicana. Como sede se eligió el mismo palacete en el Paseo de Gracia que había albergado a la Delegación, que cesó en sus funciones al ser absorbidos sus departamentos por las carteras correspondientes del gobierno. La presidencia se estableció en el palacio de Pedralbes...". Tan lejoz, tan cerca. El Gobierno Vasco en Barcelona y las complejas relaciones entre el nacionalismo vasco y catalán. Ludger Mees, EHU (Gaztelaniaz)
- ↑ Egoitzak. Lehendakaritza.
- ↑ Egoitzak. Lehendakaritza.
- ↑ Egoitzak. Lehendakaritza.
- ↑ Egoitzak. Lehendakaritza.
- ↑ Gernikako Estatutua. Eusko Jaurlaritza (Noiz kontsultatua: 2010-10-25).
Ikus, gainera
- Lehendakaria
- Akitania-Euskadi euroeskualdea
- Nafarroako Gobernua
- Pirinio Atlantikoetako Kontseilu Orokorra
- Akitaniako Eskualde Kontseilua
Kanpo loturak
Wikimedia Commonsen badira fitxategi gehiago, gai hau dutenak: Eusko Jaurlaritza |
- Eusko Jaurlaritzaren webgunea (Gaztelaniaz)
Eusko Jaurlaritza (2012-2016) | ||
---|---|---|
Iñigo Urkullu (Lehendakaritza) |