Innerspace

Innerspace (euskaraz Barne-espazioa, Hego Euskal Herrian Txip Miragarria eta Ipar Euskal Herrian Barne Abentura) 1987ko Joe Dante estatubatuar zinema zuzendariaren zientzia-fikziozko komedia filma bat da. Dennis Quaid, Martin Short, Meg Ryan eta Kevin McCarthy aktoreek antzeztu zuten.

1988ko Efektu berezi onenen Oscar Saria irabazi zuen (Bill George, Dennis Muren, Harley Jessup eta Kenneth F. Smith). Ikusle kopurua eta diru etekinei dagokionez arrakasta handia izan zuen.

Argumentua

AEBtako Itsas Armadako Tuck Pendelton (Dennis Quaid) pilotu odolberoa berau nimino bilakatu, kapsula batean sartu, eta era berean kapsula hori untxi baten gorputzean sartuko duten esperimentu baterako boluntario aurkeztu da. Baina gaizkile batzuk asmakuntza bereganatzen saiatu eta azkenean Pendelton tenientea Jack Putter (Martin Short) izeneko gizaseme hipokondriako, xelebre eta urduriaren gorputz barnean amaituko du. Hortik aurrera, Tuck tenientea Jacken gorputzetik atera dadin biek elkarlanean aritu beharko dira.

Aktoreak

• Dennis Quaid: Tuck Pendleton tenientea
• Martin Short: Jack Putter
• Meg Ryan: Lydia Maxwell
• Kevin McCarthy: Victor Scrimshaw
• Fiona Lewis: Margaret Canker doktorea
• Robert Picardo: Cowboya
• Vernon Wells: Igoe jauna
• Henry Gibson: Wormwood jauna
• William Schallert: Greenbrush doktorea
• Wendy Schaal: Wendy
• Harold Sylvester: Pete Blanchard
• Mark L. Taylor: David Niles doktorea
• John Hora: Ozzie Wexler doktorea
• Orson Bean: Lydiaren argitaratzailea
• Kevin Hooks: Duane Florney
• Kathleen Freeman: Ametsetako Anderea
• Jason Laskay: Scrimshawen 1. morroia
• Frank A. Miller: Scrimshawen 2. morroia
• Dick Miller: taxi gidaria
• Kenneth Tobey: atsedengelako gizona
• Neil Ross: Pop konputagailua (ahotsa)

Kanpo loturak

• Innerspace filmaren IMDBko fitxa irakurgai (Ingelesez)