Dena da ETA

Dena da ETA Gaur egun indarrean dagoen ideia da.

Politika arloan ezagun egin den esakera bat da. Hainbat pertsonek eta erakundeen iritziaren arabera, esaldi honek zera laburbiltzen du: XXI. mendearen hasieratik PPko Espainiako gobernuak ETAren aurkako jardueran de facto baina ez de jure indarrean duen ideia bat. Pertsona eta erakunde hauek suposatzen duten arabera,PPko Espainiako Gobernuak, askotan PSOEren laguntasuna edo gutxienez bere neutralitate izan du.

Dena da ETA, esaldiak dioen moduan eta beti ere PPk gidatutako gobernu eta epaileen arabera, ETA erakundearen zati dira hainbeste talde eta pertsona (izatez milaka pertsona), nahiz eta pertsona edo talde hauetakoek armarik erabili ez izan. Batzuetan ideia honek Terrorismoaren Aurkako Erakundeen presiopean lan egin du.

Aurreko guzti honek, ondorio nabariak izan ditu Euskal Herriko politikagintzako arlo askotan.

Ideiaren funtsa

Dena da ETA ideiaren funtsa hau da: Hego Euskal Herrian aritzen diren alderdi politiko, elkarte, egunkari, sindikatu, gobernu eta norbanako asko, ETAren partaide direla. Ideia honen ardatzaren arabera, pistolak eta armak erabiltzeak edo izateak ez dira beharrezkoak ETAren partaide izateko. ETAren ideologia (edo gutxi gora behera bere ideologia) duenak edo ETArekin laguntasuna erakusten duenak ETAko partaidea izan ahal da. Gauzak horrela euskal abertzale asko jarri dira ETArrak direlaren susmopean eta askotan akusaziopean. Gehienak Euskal Herrikoak eta abertzaleak dira. Baina badira ere Euskal Herritarrak ez direnak eta baita ere ideologia ezberdina dutenak, hala nola komunistak, anarkistak eta sozialdemokratak.

Aurrekoaren ondorioz, ETAkoak zirelaren akusaziopean ipini eta gero horien kontra ideia horiek zituzten epaileek Baltasar Garzón <ref El ministro del ‘todo es ETA’. Deia.</ref>, Juan del Olmo, Fernando Grande Marlaska, Eloy Velasco, Fernando Andreu, Javier Martínez Lázaro, Nicolás Poveda, Santiago Pedraz, Guillermo Ruiz Polanco... hau da, Espainiako Auzitegi Nazionalak akusatuen aurkako ekintzak bideratzen zituzten.

Batzuetan ahoz egindako salaketa bat besterik ez da izan. Beste batzuetan "sarekadak" eta atxiloketak daude jende kopuru handi edo erakunde oso baten aurka. Badaude beste batzuk non salaketa jarri, atxiloketa asko egon eta komunikabideetan izugarrizko zalaparta sortu bada ere, azkenean absolbituak izan dira. Azkenik, beste batzuetan torturak eta zigor gogorrak jazan dituzte epaitutakoek.

Askotan salaketak batzuetan komunikabide zehatz batzuen partetik izan bada ere, beste batzuetan, ETAren biktimen erakunde batzuk, adibidez AVTk edo Manos Limpias delako sindikatuak egin ditu salaketak behean agertzen diren hainbeste erakunde eta pertsonen aurka.

Dena da ETA indarrean dagoen ideia bat dela defendatzen dutenen arabera, laburbilduz, zera salatzen dute: Espainiako gobernuak, izugarrizko boterea duten epaileen laguntasunarekin eta Espainiako komunikabide gehienen laguntzarekin, ideia hau indarrean mantentzen du gaur egun. Espainiako komunikabideek behin bakarrik hautsi zuten bere aliantza. 2004ko martxoaren 11ko atentatuak egon zirenean hain zuzen ere. Egun horretan eta hurrengoetan PPren gobernuak ETAri egotzi zien egun horretan egon ziren atentatuak eta sozialistek ez zuten ideia horrekin bat egin.

Geroago, PSOEk hauteskundeak irabazi eta El Mundo egunkariak PSOE, ETA eta Al Kaidaren arteko aliantza bat bazegoela ziurtatu zuen hurrengo urteetan. El Mundok hurrengo urteetan, "ikerketa" bat burutu zuen, PSOE, ETA eta Al Kaidaren arteko konexioak baieztatzeko helburuarekin. Askoren iritziz, gezurra izateaz gainera, interes elektoralistak zituen.

Gaur egun, El Mundo, ABC, La Razón, Intereconomía eta 13TV dira komunikabide ezagunen artean, Dena da ETA ideiaren babesle sutsuenak. Aipagarria da esatea ABC Vocento taldekoa dela; hau da, Euskadin gehien erosi eta irakurtzen diren El Correo eta El Diario Vasco taldekoak. Nahiz eta akusazio larriak egin probarik gabe, askotan akusatua izan da bere burua errugabetu behar izan duena, Podemos alderdiari gertatu zaion moduan.(20) El Mundorekin batera, Espainiako komunikabide gehienak (eta baita ere Hego Euskal Herrian gehien erosi eta irakurtzen diren El Correo, Diario Vasco eta Diario de Navarra)k eztabaidatu gabe idazten eta azaleratzen dute Espainiako Gobernuak esaten diena.

XXI. mendeko dena da ETAren ideiaren jomugaren alderdi politiko, egunkari, sindikatu, talde eta elkarte batzuk behean agertzen dira. Kasu batzuk kontraesankorrak badirudite ere hainbeste salaketa egon ziren behean agertzen direnen aurka. Lehenago idatzita dagoen moduan, batzuen aurka salaketa bat besterik ez bazen izan, beste batzuen aurka makrosumarioak izan zituzten eta zigor gogorrak jazan edo jazaten ari dira. Kasu batzuk oraindik ez dira epaitu.

Ilegalak bihurtu diren talde batzuk ibilbide luzeko erakundeak ziren, hala nola Amnistiaren Aldeko Batzordeak. Beste batzuk nahiz eta epaitu eta ilegalak bihurtu, jadanik auto-desegindako erakundeak ziren, adibidez KAS.

Beste kasu batzuetan, ekintza batzuk ETAkide bihurtu dituzte ekintzaile horiek egun batetik bestera; 2000. urtean, Gobernuak egin zuen lege aldaketaren ondorioz, Kale Borrokako kideak ETAkideak bihurtu ziren eta zigor berberak jazotzen hasi ziren. Adibidez, Tuteran kutxazain bat erretzeak edo alboko Alfaron erretzeak, Zigor Epaitegi ezberdinek eramaten dute eta zigorra ez du zerikusirik ekintza hau egindako lekuaren arabera. Kasu batean Nafarroan egin zelako (beraz ETAren aldeko sabotaia edo ekintza bihurtu zen, hots, terrorista, ETAren ekintza bat) eta beste batean Errioxan (beraz ekintza bandalikoa edo umekeria). Ondorioz Nafarroakoak ETAkideak(31) dira eta Errioxakoak ez.

Dena da ETAren ideiaren aldaera bat nahiz eta berdina ez izan ETAren alde egotearen ideia dago. Ideia honen arabera terrorismoaren gorazarre delakoagatik hainbat jende zigortu, mehatzatu eta epaitu dituzte. Besteak beste, gartzela zigorra ETAren alde interneten idazteagatik eta kartelak jartzeagatik. Aldi berean ETAkideen argazkiak erakusteak, ETAkideak agurtzea, ETAkideentzat giza eskubideak eskatzeak edo ETAkideen presoen hurbilketa eskatzea ETAren alde egotea dela esan du gobernuak (eta beraien iritzia jarraituz epaile asko) eta hainbeste pertsona honengatik epaituak izan dira.

Batzuetan, Espainiako Gobernu, epaile eta komunikabideen ondorioz, "ETAkidea izatea" eta "ETAren alde egotea" sinonimotzat hartu izan dira.

Dena da ETAren ideia egotearen arrazoiak

Gobernuaren arrazoi nagusiak hauek dira:

A) ETA ez da desagertu, existitzen da eta oraindik armak, baliabide, pertsona eta jende asko dauka antolatuta. ETArekin amaitzeko gogor egin behar da eta ETA ez da talde bat soilik baizik eta erakunde handi eta ikaragarri bat. Gaur egun ahul badago ere, legearen bidez, ETAren aurka irmo mantendu behar da oraindik ez bait dago guztiz deseginda eta guztiz garaituta.

B) Aurrekoarekin lotuta baina pixka bat era kontraesankorrean; ETA jadanik garaituta dago baina soilik alde militarrean, hau da, soilik ETA armatuan. Orain ETAren historia nola kontatzearen "gerra" irabazi behar da eta honekin batera, ETAren "alde" dauden guztiei presioa egiteaz gainera, jazarri behar dira.

Gobernua kritikatzen dutenen artean hauek dira Gobernuak Dena da ETAren ideia mantentzearen arrazoiak:

A) ETAren biktimen aurka dauden erakundeen presioa.

B) Aurrekoaren ondorioz, Gobernuak bideratutako ekintzen ondorioz hauteskundeen emaitzetan eragin positibo bat izatearen arrazoia, hau da, kalkulu elektorala.

C) Gobernuaren partetik, mendeku politikoa.

Dena da ETAren ideiaren aplikazioa

Askotan kontraesankorra badirudi ere, behean agertzen direnak ETAkideak, ETAren alde borrokatzea edo ETAren alde egotea leporatu zaie. PSOE da adibide kontraesankor argi bat: Espainiako alderdi nagusienetako bat, boterean egon da eta bere momentuan, ETAren alde egoteaz akusatuta izan zen. Hala eta guztiz ere, eta kasu honetan gertatu zen bezela, akusazioaz haratago ez zen ezer gertatu. Beste kasu askotan tortura eta zigor gogorrak egon direnez, kasu guztiak alderatzea kontestu politikoa eta historikoa ezagutu gabe, harrigarria eta ulertezina bihurtu ahal daiteke.

ETArekin "kolaboratzaile" izateagatik salatuta momentu puntual batetan

PSOE, EAJ, ERC, Podemos, Nafarroa Bai, , EA, AEK, Gatazkaren konponbidea sustatzeko nazioarteko konferentzia,Nafarroako irakasleen %26a (batez ere D eredukoak), Adierazi EH, Zabaltzen "editoriala", LAB, ELA, La Tuerka (Facu Díaz), Gazte topagunea, , Pablo Iglesias Turrión, Iker Acero, Arkaitz Estiballes, Jon Maia, Gorka Agirre, Juan Carlos Monedero, Juan Mari Arzak, Pedro Subijana, Karlos Arguiñano, Martin Berasategi, Pablo Escobar<ref El ministro del ‘todo es ETA’. Deia.</ref>(100), Blanca Rosa Bruño Aspiroz, María Isabel Bruño Aspiroz, Josep Lluís Carod Rovira, Ram Manikkalingam(22), Ronnie Kasrils, Chris Maccabe, Burgoseko bi gazte ETArren antzera mozorrotzeagatik Burgosen (32), S.A., Los Chikos del Maíz(17), Su Ta Gar, Pablo Hasél, Al Qaeda, Sendero Luminoso, Uruguai, Mexiko, Nikaragua, Colonbia(100), Norvegia, 15-M mugimendua, Hipotekak Kalteturikoen Plataforma, Ada Colau, EHU, Pablo Muñoz, Jesus Iruretagoiena, Google<ref 52326-eta-se-vale-del-derecho-al-olvido-para-eliminar-su-rastro-de-google= Vózpopuli. .</ref> ,

ETArekin "kolaboratzaile" izateagatik salatuta sistematikoki edo eta zigortutakoak

Patxi Lopez, Juan José Ibarretxe, Rodolfo Ares, , Hasier Arraiz, IRA, FARC, Venezuela, Kuba, Herrira, Udalbiltza, Topatu.info, Apurtu.org, , Juan Mari Atutxa, Gorka Knörr, Kontxi Bilbao, Bilboko Askapeña konpartsa, Askapena, Herriak Aske elkartea, Elkartruke elkartea,

ETArekin "kide" izateagatik salatuta momentu puntual batetan

Egunkaria, Egin, Egin irratia, , Joxemi Zumalabe Fundazioa, Asel Luzarraga

ETArekin "kide" izateagatik salatuta sistematikoki edo eta zigortutakoak

Batasuna, Bildu El País.</ref>, Sortu, Segi, Jarrai, KAS, Iniziatiba Internazionalista - Herrien Elkartasuna (II-HE), Autodeterminaziorako Bilgunea (AuB), D3M, Askatasuna, Herritarren Zerrenda, EAE, Xaki, Askatasuna,Ardi Beltza, Topatu.info, Apurtu.org, 18/98ko makrosumarioan epaitutakoak, 26/11 auzia, Bateragune auzia, 33/01 auzia, Arnaldo Otegi, Pepe Rei, Bilboko Askapeña konpartsa, Askapena, Herriak Aske elkartea, Elkartruke elkartea, Kale Gorria aldizkaria,Kale Gorria, Xarlo Etxezaharreta, Herriko taberna

Akusaziopean dauden hainbat talde eta kide, beste era batean antolatuta

Behean errepikatuta daude goiko kasu batzuk. Garbi agertzen dira alderdi, komunikabide, sindikatu, musika talde, herrialde... ezberdinak daudela. Hau da, akusaziopean dauden taldeak oso anitzak direla.

A) Alderdi batzuk: PSOE, EAJ, ERC, Podemos, Batasuna, Bildu<ref El ministro del ‘todo es ETA’. Deia.</ref>(21)<ref El ministro del ‘todo es ETA’. Deia.</ref>(11), Sortu, Nafarroa Bai(25)(14), EA, Segi, Jarrai, KAS, Iniziatiba Internazionalista - Herrien Elkartasuna (II-HE), Autodeterminaziorako Bilgunea (AuB), , D3M, Askatasuna, Herritarren Zerrenda, EAE, Xaki,

B) Komunikabide batzuk: Egunkaria, Egin, Egin irratia, Gaztesarea, Ardi Beltza, Topatu.info, Apurtu.org, Zabaltzen "editoriala",

C) Sindikatu batzuk: LAB, ELA,

D) Erakunde batzuk: Herriko tabernak, , Amnistiaren Aldeko Batzordeak, Herrira, Udalbiltza, AEK, Askatasuna, Joxemi Zumalabe Fundazioa, EHU,

E) Talde batzuk: Gatazkaren konponbidea sustatzeko nazioarteko konferentziako kide batzuk (behean daude idatzita)<ref Berria.</ref>, Nafarroako irakasleen %26a (batez ere D eredukoak), Adierazi EH, Askapeña

F) Beste auzi batzuk: (Hemen agertzen den auzi batzuk behean agertzen diren norbanako batzuekin errepikatzen da. Modu berean, goiko erakunde, edo komunikabide batzuk hemen agertzen diren "makrosumario" edo auzi handi hauen zati bat dira). 18/98ko makrosumarioan epaitutakoak, 26/11 auzia, Bateragune auzia, 33/01 auzia, La Tuerka (Facu Díaz), Gazte topagunea,

G) Musika talde batzuk: S.A., Los Chikos del Maíz<ref los-chikos-del-maiz-acusados-de-grupo-pro-etarras-por-el-pp-sevillano. Arenazero.</ref>, Su Ta Gar, Pablo Hasél

H) Norbanako batzuk: Asel Luzarraga, Iker Acero, Pablo Iglesias Turrión, Arnaldo Otegi, Patxi Lopez, Juan José Ibarretxe, Rodolfo Ares, Juan Mari Atutxa, Gorka Knörr, Kontxi Bilbao, Arkaitz Estiballes, Jon Maia, Gorka Agirre, Juan Carlos Monedero, Hasier Arraiz, Pepe Rei, Juan Mari Arzak, Pedro Subijana, Karlos Arguiñano, Martin Berasategi, Blanca Rosa Bruño Aspiroz, María Isabel Bruño Aspiroz, Josep Lluís Carod Rovira, Ram Manikkalingam(22), Ronnie Kasrils, Chris Maccabe, Burgoseko bi gazte ETArren antzera mozorrotzeagatik, Gamonalen <ref .</ref>, Walter Wendelin,

I) Herrialde eta erakunde terroristak: IRA, FARC, Al Qaeda, Sendero Luminoso, Venezuela, Kuba, Uruguai, Mexiko...

Dena da ETAren aurkako kritika gehientsuenak alderdi abertzaleengandik etorri dira, naiz eta PSE batzuetan zalantzan jarri Espainiako Gobernuaren ekintza batzuk.

Gaur egun Gobernuaren politika ofizial kontraesankorra hauxe da: 'Batetik' (Gobernuaren iritziz) 'Espainiak ETA garaitu du' baina, aldi berean ez da disolbatu. 'Bestetik' (aurrekoarekin lotuta kontraesanean dagoen arren), Gobernuaren zati baten iritziz, ETA gaur egun existitzen da, oraindik aktibo dago, hau da, 'ETA ez dago garaituta'(4)(5). Beraz, ETAren aurkako neurri guztiak martxan ditu eta noizean behin, atxiloketa asko eta masiboak daude atxilotutakoak ETAkoak diren akusazio orokor baten salaketapean.

Aurrekariak

ETAren sorreratik gobernuek ahaleginak eta bi egin zituzten ETArekin amaitzeko. Frankoren diktadurapean hainbeste sarraski egin zituzten non espero zutenaren aurkakoa lortu zuten. Hau da, ekintza-errepresioa-ekintza moduan ezagutu zena. ETAk egindako ekintza eta gero, espainiar indar armatuek errepresio bortitza eta orokorra egiten zuten ETAkideak zeintzuk ziren gutxi axola zitzaiela. Ondorioz, ETAn gero eta jende gehiago sartu zen eta ETAren aldeko gero eta pertsona gehiago zegoen.

Honen adibide argi bat Burgoseko Prozesua da. Ordurako ETA ahul eta barne lizkarren ondorioz zatituta bazegoen ere, indartuta atera zen.

Historia

Franco hil eta gero, alderdi politikoak sortuz joan ziren eta denborarekin alderdi politiko batzuk indar handia lortu zuten. Horrela ETA politiko-militarraren ideologiaren ingurukoerk Euskadiko Ezkerra sortu zuten. ETA militarra ingurukoek Herri Batasuna.

Frankismoaren sendi askoren ondorengoek (Aznartarrak, Orejatarrak, Manuel Fraga Iribarne... Alianza Popular alderdia sortu zuten, gaur egungo Alderdi Popularra sortu zuen alderdi nagusienetako bat. Hori gauza ezaguna zen eta beste alderdiek askotan leporatzen zioten Alderdi Popularrari iraganeko ideologia zuela. Adibidez, Alderdi Popularraren aurkakoek "frankista " eta "faxista " deitzen zieten iraintzeko helburuarekin. Gauzak ez ziren hain sinpleak nahiz eta frankista izandako asko egon Alderdi Popularrean. Hala eta guztiz, legalki Alderdi Popularrekoak ez ziren faxistak edo frankistak ez eta Herri Batasunekoak Etakideak.

80. hamarkadan Euskal Nazio Askapenerako Mugimenduak (ENAM, edo MLNV gaztelaniaz) harreman ideologiko estua zuen ETArekin. Konparagarriak ziren Alderdi Popularrak frankismoaren ideologiarekin zituen harreman estuak.

Beranduago Ezker Abertzale deituko zenak, Ezker Abertzale Erradikala edo eta hamarkadak beranduago Aralarren iritziz "ezker abertzale historikoa" deitutakoa, hau da, 90. hamarkadararte Herri Batasunaren inguruan batzen zena, harreman ideologiko estuak zituen ETArekin. Hala eta guztiz, harreman hauek ez zituzten ETAkideak bihurtzen hau da, ez ziren ETAren partaideak.

Dena da ETAren arabera, hori da aldatu zena: legalki ETAkideak bihurtu zituzten ETArekin harremana zituzten alderdi, sindikatu, erakunde eta pertsona ugari.

Espainiako Gobernu ezberdinek ETAren aurkako borrokan denetarik egin zuten: [[Estatu terrorismoa (GAL, Triple A, Batallon Vasco Español, torturak inpunitate osoarekin, gezurrak barra-barra esan, atxiloketa sarekada orokorrak... Komunikabideei agindu zer eta nola idatzi behar zuten ETAri buruz, plan bereziak egin ETAren aurka (ZEN besteak beste)...

ETAren aurkako hainbat gezurren artean ETAko buruzagien atxiloketak ziren. Hau da, bazirudien ETA buruzagirik gabe zegoela etengabe. ETAn bakarrik zaharrak zeudela ziurtatzen zuten baina hurrengo asteetan iritziz aldatu eta bakarrik gazte nobatoak zeudela ziurtatzen zuten. ETAri droga trafikatzen aberasten zela ziurtatzen zuten komunikabideek nahiz eta askoren ustetan Espainiako polizia egon negozio horren atzean.

Gobernuaren arabera ETA beti desagertzear zegoen atxiloketa kopuru handi bat zegoenean eta oso ohikoa zen hurrengo egunean ETAk atentatu bat burutu eta norbati erahiltzea.

Gauzak horrela, 90. hamarkadan, ETAren indar militarra eztabaidaezina zen nahiz eta gobernuek (Espainiarra, Euskadikoa eta Nafarroakoa) behin eta berriro hori ukatu. Hamarkada honetan, Espainiako Gobernu eta komunikabideetan gero eta indar gehiago hartu zuen ETAren ingurukoen aurka ekin behar zela. Honetan ere EAJko batzuk ere ez ziren atzean geratu. Juan Maria Atutxak adibidez, 1996an, Egin egunkariaren aurkako esaldi gogorrak egin zituen: "Egunero amosalezko bonba txiki batek egiten du eztanda: Egin egunkariak". Artean PPko gobernuburuek ez zeuden Egin iztearen alde: "Pistolek hiltzen dute ez hitzek" esan zuen Miguel Ángel Rodríguezek, Komunikaziorako arduradunak.

1996ko Espainiar Hauteskunde Orokorrak izan ziren. Lehenengo aldiz 1982tik Felipe Gonzalez ez zuen gehiengoa lortu. Alderdi Popularrak garaipena lortu zuen baina gehiengo absoluturik gabe. Hala eta guztiz "Dena da Eta"ren ideiaren hasiera izango zen.

PSOE Zapateroren garaian

2004tik 2011ra, PSOE gobernuan egon zen. ETAren aurkako neurriak eta Dena da ETAren ideiak indarrean zeuden. Hala eta guztiz, Rodriguez Zapaterok, Espainiako lehendakaria zena, ezberdin jokatu zuen betiere hiru idei hauen arabera:

A) ETAren suetena egon hala ez.

B) Gobernuaren aurkako oposizio irmoaren aurka erantzun egokia emateko intentzioarekin.

C) PSOEren alderdiko interesak babestearren.

Data aipagarri batzuk

1996ko Espainiar Hauteskunde Orokorrak izan ziren. Alderdi Popularrak garaipena lortu zuen baina gehiengo absoluturik gabe.

Herri Batasunako Mahai Nazionala gartzelara bidaltzen du Baltasar Garzonek HBk telebistan zuen bere doako hauteskundeetarako espazioan, ETAren mezu bat bidaltzeko erabili zuelako.

1997ko uztaila. Miguel Ángel Blancoren erailketa

1998ko uztailaren 15ean Baltasar Garzon epaileak Egin eta Egin Irratia ixteko agindua eman zuen.

• Lizarra-Garaziko akordioa eta irailan ETAren su-etena

1999ko azaroa ETAk su-etena apurtzen du.

• Jarrai ilegala.

2000 Kale borroka ETAren estrategiarekin bat datorrela, hots, Kale Borrokakoak ETAkideak direla legeztatzen da. Adin txikiko arduraren lege aldaketa, Zigor Kodearen 577. artikulua aldatuz.

• abuztuan, Jon Abril atxilotzen dute Audientzia Nazionalaren kanpoaldean akreditazio gabe grabatzen ari zelako, ETArekin lotura zuelakoan. Aske utzi zuten fidantza ordainduz.

2001 Haika ilegala.

• Abenduan, Amnistiaren Aldeko Batzordeen hainbat arduradun atxilotu eta legez kanpo utzi zuen Espainiako Auzitegi Nazionalak

2002 Segi ilegala ETAk dituen helburu berdinak eskuratu nahi dituelako. Askatasuna ilegala.

• Ekainaren 27an Espainiako Alderdien Legea onartzen dute Espainiako Gorteek

2003ko urtarrilean, ETAkideentzat eta delitu "oso larriak egin dutenentzat" 30 urteko kartzela zigo izatetik, 40ra pasatzen dira.

• Otsailean, Espainiako Audientzia Nazional ko Juan del Olmo epaileak Euskaldunon Egunkaria —euskara hutsean argitaratzen zen egunkari bakarra— itxiarazi zuen.

Amnistiaren Aldeko Batzordeak eta Batasuna ilegalak.

• Udal hauteskundeetan, de facto, ezker abertzaleko lista gehienak ilegalak. EAE legala den bitartean, AuB ilegala bihurtzen da.

• Iraila Euskal pilota. Larrua harriaren kontra dokumentala, ETAren alde dagoen dokumentala da, PPren gobernuko ministro askoren iritziz.

2004ko otsaila. ETAren tregua Kataluniarako.

2004ko Espainiar Hauteskunde Orokorrak. PSOEko Zapaterok irabazi zituen gehiengo absoluturik gabe. Ezker abertzaleko hautagaitzak ilegalak.

• Europar Batasuneko hauteskundeak. Herritarren Zerrendako hautagaitzak ilegalak.

• Iraila. GAL, Triple A, GANE eta Euskal Herritarren aurka ibilitako talde paramilitarren biktimak, ez dituzte indemnizazioak ezta dirulaguntzarik jasotzen, ETAren ingurukoak direlako Jorge Fernández Díaz Barne ministroaren arabera.

2005eko urtarrilean, Ibarretxe Plana bertan atzera botatzen du Espainiako Kongresuak.

2006 ETAko suetena. Abenduaren 30.ean ETAk suetena apurtzen du. Arnaldo Otegi gartzeleratzen dute hortik gutxira, besteak bestesu etenaren amaieraren ondorioz.

• Azaroa. Iñaki de Juana Chaos gartzelan mantentzeko, Espainiako Justia ministroak, Juan Fernando López Aguilarrek zera dio: "Iñaki de Juana Chaos gartzelan mantentzeko, inputazio berriak eraikiko ditugu".

2007ko urtarrilean, Espainiako Auzitegi Gorenak SEGIkideak, ETAkidetzat hartzen ditu. Beraz, talde terroristatzat hartu eta bere militanteak epaitu eta gartzeleratzen ditu.

• Nafarroa "ETAren mende" Alderdi Polurraren arabera. Geroago, PSOEko buruzagiak, atzera bota eta UPN aurkako bozkaketarik ez dute egingo Nafarroa Bairekin bat egiteak Madrilen izango ziokeen eragin orokor txarrengatik.

2007koa abendua. Ekin, Xaki eta aspaldi existitzen ez zen Kas, ilegalak.

2008ko Espainiar Hauteskunde Orokorrak 2008ko martxoaren 9an izan ziren. Bigarren aldiz PSOEko Jose Luis Rodriguez Zapatero atera zen garaile. zia

• Iraila EAE ilegala.

2009 Europako hauteskundeak. Iniziatiba Internazionala inputatua. Azkenean hauteskundeetara aurkeztu ahal da.

• Euskadiko hauteskunde autonomikoak. Demokrazia Hiru Milioi ilegala.

• Ekaina. Euskal preso politikoen argazkiak erakusteagatik, gartzelara zigortutako hainbat lagun.<ref El ministro del ‘todo es ETA’. Deia.</ref> (51)

• Ekaina. PPko Marisa Arrueren aurkako hiltzeko mehatzuak egiteagatik, bi urteko gartzela zigorra Getxoko Zigor Goikoetxearentzat.

• Ekaina. Lekeitioko udalak, ETAren aldeko pintadak borratu behar ditu 24 orduko epean PSEko Rodolfo Ares Barne Minintroaren aginduz.<ref lekeitio-lamenta-interior-plazo-200906301802.html. El Correo.</ref>

• Abuztua. Bilboko Aste Nagusia. Bilboko Udalak Kaskagorri eta Txori Barrote konpartsei txosnak paratzeko baimena kendu die, presoen argazkiak erakusteagatik.

• Bilboko udaletxeak ez ditu Pirritx eta Porrotx kontratatzen PPren presioagatik, ETAren ingurukoak direlakoan. Presio hau 2011rarte helduko da Euskadiko herri askotan besteak beste PPren bulkaden ondorioz.

2010ko urtarrila. Probarik gabe eta nahiz eta guztia aurka izan, Begoña Urroz bihurtzen da ETAren lehenengo biktima Espainiako Gobernuak egiten duen lege berri batekin.

• Martxoa. Gobernuak esanda, ETAren lehenengo biktimaren omenez, ekainaren 27a bihurtzen da Espainiako Terrorismoko Biktimen eguna.

• ETA droga trafikatzeagatik salatuta.

• Abuztua. Pertsona anonimo batek egindako "froba"ren ondorioz eta "Gora ETA" eta "Euskadi Ta Askatasuna" oihukatu dutelakoan, Audientzia Nazionalak Aritz Labiano eta Haritz Garatxotenea urte beteko kartzela zigorra betetzera zigortzen dituzte.

• Uztaila. Espainiako Barne Ministerioak milioi bat euroko diru laguntza ematen die Terrorismoaren Aurkako hogeita hamar Erakundeei. Gehiena Terrorismoaren Aurkako Erakundearentzat da.

• Iraila. Askapena, "ETAren beso internazionala" moduan inputatuta.

2011ko urtarrila. Apurtu.org webgunea itxita ETAren alde dagoelako.

2011ko udal eta foru hauteskundeak Hego Euskal Herrian Maiatzean egon ziren hauteskundeetan, Bildu ilegalizatzeko besteak beste, poliziak Proba hauek erabiltzen ditu: D3Mren alde sinatzeagatik, Gazte topagunera joateagatik<ref El ministro del ‘todo es ETA’. Deia.</ref>(60) edo ilegalak izan diren aurreko alderdiko (Batasuna, EAE...) familiarren bat izateagatik.

• Azaroa. Nafarroako epaitegiak, Arbizuko herrian dauden ETAko presoen aldeko argazki eta pankartak kentzea derrigortzen dio udaletxeari.

2011ko azaroaren 20ean Espainiako Gorte Orokorretarako hauteskundeak ospatu ziren. PPk gehiengo absolutua lortu zuen.

• Hasiera batean, Joseba Sarrionaindiari emango zioten Euskadiko saria ukatzen diote, Blanca Urgellen hitzetan, Euskadiko

gobernuak jazan dituen presio larriengatik.

2012 urtarrila. Asturiaseko Alberto Ortega Rivas gaztea, Tuentin ETAren alde eta Guardia Zibilaren aurka egindako irainengatik, urte bateko gartzela zigorra.<ref .</ref>

• Iraila. 2011kako Basauriko jaietan, ETAko presoen aldeko kartelak jartzeagatik, lau lagun urte batetara kondenatuta.<ref noticia.asp?id=1104744. Espainiako administrazioa.</ref>

2013ko apirila. Argi, Tele Cincoko Gran Hermano neska parteartzailea, Gran Hermanotik kanporatuta ETAri buruz egiten duen txantxa bategatik. Badirudi, Victimas del Terrorismo delakoaren taldearen presioaren ondorioz kanporatzen dutela.

• Bilboko Aste Nagusia. Txori Barroteko Jone Artola Txupineraren izendapena atzera botatzen du Bilboko epaitegi batek, Dignidad y Justicia eta Covite elkarteak eta beranduago Carlos Urquijok hala eskatuta. Antzekoa gertatzen da Laudioko pregoilari izateko debekuarekin Pablo Gorostiagari.<ref jone_artolaren_izendapena_atzera_bota_du_bilboko_epaitegi_batek.htm. Berria.</ref>

• Uztaila. Luis Barcenasen arabera, Libertad Digital, interneteko web orrialdea, PPren dirulaguntza ilegala izan zuen.

• Iraila. Herriraren aurkako sarekada.

• Azaroa. www.ateakireki.com, www.egindezagunbideadonostia.com, www.etengabe.wordpress.com eta www.zarauzkoherrira.wordpress.com. webguneak itxiarazten dituzten ETAren aldekoak direlakoan noticia-audiencia-nacional-cierra-cuatro-paginas-web-dos-perfiles-twitter-facebook-vinculacion-herrira-20131113171757.html. Europapress.</ref>

2014ko urtarrila. Santiago Pedraz, Auzitegi Nazionaleko epailea, PP eta hainbeste taldeengatik presionatuta Durangon Parot Doktrina baliogabetu eta gero, bertan euskal presoek egin zuten ekitaldia ez ilegalizatzeagatik

• Apirila 21 atxilotu interneten sareetan "terrorismoaren" (gehienbat ETAren) aldeko idatziak egiteagatik interneten. Euskal Herritik gainera, atxilotuak Gaztela eta Leon, Galizia, Asturias eta Kataluniakoak dira. Atxilotutako bi adin txikikoak dira.

• Azaroa. 19 atxilotu "terrorismoaren" (gehienbat ETAren) aldeko idatziak egiteagatik interneten. Euskal Herritik gainera, atxilotuak, Madril, Bartzelona, Toledo eta Leonekoak dira. Atxilotuetaz gainera, 14 urteko bi gazte inputatzen daude arrazoi berdinagatik. (80) Hilabete bat beranduago, Kataluniaren aurkako antzeko mehatxuak egitea aldiz, ez da larria den zeozer epaile batzuentzat<ref .</ref>

2015ko urtarrila. Euskal presoen aldeko abokatuen eta Herriraren hiru lagunen aurkako sarekada.

• Urtarrila. ETAkoa izan zen Santiago Arrospide gartzelaratuta. Gobernuaren arabera hauek dira arrazoiak: 1987ko atentatu baten ardura izan ahal dueta eta berriro atentatuak egin ahal dituela.

• Urtarrila. Rafael Vera, PSOEren idazkaria izan zena, GALen aldeko hitzaldi publikoa ematen du TVEko telebistan.

• Otsaila. De facto, bizi arteko gartzela zigorra ezartzen da ETAkideen eta delitu oso larriak egin dituztenentzat.<ref Eitb.</ref>. "De facto", ETAkide eta terrorismoarekin harremana duten guztientzat bizitza osorako gartzelaldia ezartzen da. Aldi berean, irakasle izatea debekatzen zaie dena da ETAren barruan zigortutako pertsona guztiei. Interneten terrorismoari buruzko informazioa bilatzea, ETAkidea bihurtu ahal du pertsona bat.

• Otsaila. Jorge Olaiz gartzeleratua salaketa anonimo baten ondorioz eta ETAkideen laguntzarekin ihes egin ahal duela argudiatuta.

Ondorioak akusatu eta inputatuentzat

Batzuk inputatuak ez dira ere izan. Beste batzuk inputatuak baina absolbituak. Inputatuak eta zigortuak egon diren asko ere badaude. Azkenik, oraindik hainbeste talde eta norbanako oraindik ez dira epaituak izan.

• Inputatuak izan ez direnak:

PSOE, Podemos, Pablo Iglesias Turrión, Iker Acero, Juan Carlos Monedero, Ram Manikkalingam, Ronnie Kasrils, Chris Maccabe, Nafarroako irakasleak, Nafarroa Bai, ETArrak moduak mozorrotzeagatik Burgosen,

• Inputatuak baina absolbituak:

Patxi Lopez, Juan José Ibarretxe, Arkaitz Estiballes, Jon Maia, Gaztesarea (baina inputazioak ekarri zituen ondorioz itxi behar izan zuten web gune hau), Udalbiltza, AEK, 26/11 auzia, Iniziatiba Internazionalista - Herrien Elkartasuna (II-HE), Gorka Agirre, Juan Mari Arzak, Pedro Subijana, Karlos Arguiñano, Martin Berasategi, Egunkaria´, La Tuerka (Facu Díaz), Apurtu.org

• Zigortuak: (Parentesien artean bere ideologia edo alderdi politikoa agertzen da)

Arnaldo Otegi (ezker abertzalea), Juan Mari Atutxa (EAJ), Gorka Knörr (EA), Kontxi Bilbao (EB), Asel Luzarraga, KAS, Pablo Hasél (komunista), Autodeterminaziorako Bilgunea (AuB), Askatasuna, Asier Arraiz, Pepe Rei, Blanca Rosa Bruño Aspiroz, María Isabel Bruño Aspiroz (aizpak, enpresariak "zerga iraultzailea" ordaintzeagatik epaituak),

• Oraindik epaitu gabeak:

Topatu.info, Herriko tabernak, Askapeña

Ondorio politikoak

Ondorio politikoak Espainian

Batzuetan, "Dena da ETA" ideiak, Polizia Nazionalaren aurka ere jo du, Faisan aferarekin adibidez.

Epaile espainiarrak presionatu eta batzuetan hauek presioaren aurkako protesta publikoa egin dute. Epaieei egindako presioa eta bere independentzia eza ikusita, botereen banaketaren printzipioa urratuta ikusi dute askok. Azken kasua, Etakoek Frantziako kartzeletan preso egindako urteak ez gehitzea dira. Europar Batasunetik datorren lege bat eta ziuraski Estrasburgon amaituko duena, Parot Doktrinaren kasuan gertatu zen bezela.

Hego Euskal Herrian lan egiten duten Estatuko poliziak (Guardia Zibila, Polizia Nazionala) gainerako tokietan baino soldata gehiago kobratzen dute, bataz beste 800 euro gehiago, "arriskuagatik dagoen geigarria" delakoagatik. Aldi berean, polizi hauen lana, ia era esklusiboan ETAren inguruko lana da, hots: kale borroka, kontrolak eta Dena da ETAren inguruko guztia kontrolatze.

Batzuetan, Frantzian, Espainian darabilten politika berdina egiten saiatu dira baina Frantziar estatuak ez du Espainiako Gobernuaren politika jarraitu, Aurore Martinen kasuan gertatu zen bezala adibidez.

Beste batzuetan, Kongresuara heldu dira eztabaida kuriosoak. Adibidez, UPyDk Espainiako gobernuari ingelesezko wikipediaren aurka egitea eskatu zion 2013ko abenduan, bertan idatzita zegoena, euskal gatazkari buruz ematen zuen iritzia ez zela ona ezta legezkoa esanez.

2015eko urtarrilean, Bilboko PPren egoitza, ETAren aurkako diruarekin ordaindu azaleratzen da.

Hego Euskal Herriarentzat, politika baldintzatuta egotea da.

Ondorio politikoak Euskal Herrian

Hego Euskal Herriarentzat, politika baldintzatuta dago egoera honengatik. Hala eta guztiz UPyD eta PP alderdiek eta era leunago batean PSE alderdiak, ideia honen alde hitz egiten dute behin eta berriro.

ETAko presoen aldeko eskubideen alde egoteagatik, presioa jazan dutenak ere badira. Gotzon Sánchezen kasua adibidez. Coca Colarentzat aktore moduan lan egin zuen iragarki bat erretiratzea erabaki zuen enpresak, Dignidad y Justicia taldeak aktoreak Herrira erakundeko ekintzetan parte hartu zuela salatu ondoren. Horren ondorioz, normalean baino oztopo gehiago topatu ditu lana lortzeko. Honekin lotuta eta antzeko egoeran, Unax Ugalde aktorea dugu. Lasa eta Zabala pelikulan egindako Iñigo Iruinen paperaren ondorioz, lana topatzea neketsuago egin zaio.

Bitxikeriak

• Javier Vizcainok aurkeztutako Cocidito Madrileño irrati saioan, era ironikoan askotan agertzen ziren Espainiako komunikabideetan euskal gaietaz zuten iritzi eta eraso kontraesankorrak.

• Nahiz eta dokumentala ikusi ez zutela aitortu, Espainiako Gobernuko bi ministro, Ángel Acebes eta kulturako ministroa zen Pilar del Castillo, Euskal pilota. Larrua harriaren kontra dokumentalaren aurka, publikoak pelikula hori ikusi ez zezan neurriak jartzea eskatu zioten orduan Donostiako alkatea zen Odon Elorzari.

• Nazio Batuen Erakundearentzat, Madrilgo 2004ko martxoaren 11ko atentatuak, ETAk egin zituen. Espainiako Gobernuaren presioaren ondorioz, egun horretan bertan ETAri egotzi zioten atentatuak eta akta bat sinatu zuen ETAren aurka. NBEko "The Security Council" edo euskaraz, Babeserako Kontseiluak, ezin du akta bat aldatu behin sinatu eta gero, beraz horrela geratu da eta horrela dago bere internetekon orrietan.<ref NBE.</ref>

• Mario Fernandez Kutxabankeko lehendakari ohia eta Mikel Cabiecesi lansaria ematea aitortu Fernandezek. Antonio Basagoiti, Iñaki Anasagastiren arabera— 2012ko hasieran egindako dei batek eragin zuen Kutxabankek Cabiecesi «lan irteera bat» ematea. Cabieces aferan, Mario Fernandez bere burua zuritu zuen «idatzi gabeko lege» bat zegoela esanda eta ETAren biktimen aldeko trataera hau, gobernu eta alderdi guztiekin funtzionatu duela azken 30 urteotan.

• ETAren aurkako borrokan, Estatuak diru gehien gastatu omen dena indemnizazioetan da. Kasu batzuetan berebilezko istripuak kenduta, indemnizazioak ez dira lortzen erruduna dirurik ez badu eta horrela gertatzen da %90 kasuetan

Terrorismoaren arloko kasuetan aldiz, Estatuak ordaintzen du errudunak dirurik ez badu.

• Iñaki de Juana Chaos ETAko kideak epaitegietan “ebatzi gabeko auziak” dituela azaldu du Urkulluk. Lehendakariaren ahotan, Justizia Ministerioak auzia “aztertu” eta “beharrezkoa baldin bada, estradizioa eskatu beharko du”.

Izatez Iñaki de Juana Chaosen akusazioa hauxe da: Iñaki egon ez zen eta bere omenez Donostiako Alde Zaharrean eginiko ekitaldian irakurritako gutun batean agertzen ziren gauza batzuk. Espainiako Audientzia Nazionalean ekitaldi horretan irakurri zen gutun horren inguruan deklaratzera deitu zuten ETAren aldeko esaldiak zirela eta berak idatzi zituela esanez. Iñakik, Belfasten zegoela, berak idatzitako gutuna zela ukatu zuen.

Erreferentziak

(3)http://www.lavanguardia.com/politica/20131104/54393059706/jorge-fernandez-eta-derrotada-rendicion.html

(4)http://www.elmundo.es/espana/2014/02/01/52ece106268e3ebd4f8b456e.html

(5)http://www.berria.eus/albisteak/105645/bideko_kontrolak_justifikatu_ditu_guardia_zibilen_batasunak.htm

(20)http://noticias.lainformacion.com/espana/podemos-se-desmarca-de-eta-y-denuncia-una-campana-informativa-para-difamarles_otkq6wPrdBNDgWKV3YAwo7/

(31)http://noticias.lainformacion.com/policia-y-justicia/ejecucion/ts-confirma-las-penas-a-3-condenados-por-quemar-cajeros-en-pamplona-en-2008_BSbPhAvTvca7LpCmVoFXP1/

(51)http://gara.naiz.eus/paperezkoa/20120601/344537/eu/Espetxe-zigorra-2009ko---Korrikan-euskal-presoen-argazkiak-erakustegatik

(80)http://igcprofesional.org/2014/11/06/19-detenidos-por-apologia-del-terrorismo-en-las-redes-sociales/

Hemeroteka

(100)http://www.elimparcial.es/noticia/69493/Los-Lunes-de-El-Imparcial/Florencio-Dominguez:-Las-conexiones-de-ETA-en-America.html

Ikus, gainera

• ZEN plana