Club de Mar de Castropol

Club de Mar de Castropol

Herria	Txantiloi:ESP Castropol, Asturias
Sorrera	1949
Lehendakaria	Txantiloi:ESP Álvaro Platero Díaz
Entrenatzailea	Txantiloi:ESP José Quintana
Koloreak	berdea eta zuria
Trainerua	Ría del Eo
Patroia
Palmaresa: Kontxako Banderak TKE Ligak Espainiako Txapelketak Asturiasko Txapelketak	0 0 0 5
2014ko liga:	ez du trainerurik atera
Webgune ofiziala

Castropol 1994an Asturiasko Printzearen Bandera irabazi berritan

Club de Mar de Castropol Asturiasko Castropol herriko arraun elkartea da. 1949. urtean sortu zen Eo ibaiaren ertzean eta emaitzarik onenak batel, trainerilla eta arraunketa olinpikoan lortu baditu ere trainerutan garaipenik izan du.

Uniformea

Elastiko berdea erdian marra zuri zabalarekin (herriko bandera) eta trainerua berdea edo zuria.

Historia

1949. urtean sortu zen eta hasiera batean bateletan bakarrik aritu izan zen. Soto de Barco eta Avileskoak ziren bere aurkari asturiarrak, baina lehia handiena ibaiaren beste aldeko Ribadeoko galiziarrekin izan zuen. 1962. urtean Espainiako txapeldun izan zen lehenengoz eta gaur egun sei titulu ditu.

60. hamarkadako garai on haiek aprobetxatuz trainerilletan (1961an) eta traineruan (1962an) hasi zen. Trainerilletan ere lortu du Espainiako txapeldun izatea eta trainerutan sona handia duten banderak irabazi baditu ere inoiz ez da liga handietan ibili, ez TKE Ligan, ez eta aurretik jokatu zen Euskal Ligan ere. 90. hamarkada hasieran nahiko ongi ibili zen, 1989 eta 1996 artean 15 bandera lortuz.

Gaur egun zailtasun handiekin urte batzuetan ateratzen du trainerua eta talde galiziarrekin batera Ipar-mendebaldeko Traineruen Ligan aritzen da. Hainbat urtetan trainerua lehorrean eduki ondoren 2015 denboraldian parte hartzeko asmoa azaldu du eta Galiziako Ligako B mailan arituko da.

Arraunketa olinpikoari dagokionez, 1977. urtean egin zuen debuta Menquinenza urtegian, Espainiako Txapelketan. 2003. urtean lortu zuen garaipenik handiena Sevillan jokaturiko Espainiako Txapelketan zortzikoan nagusitu zelarik Orioren aurretik.

Palmaresa

Espainiako Traineru Txapelketa

• laugarren 1962, 1994, 1995 eta 1996an.

Asturiasko Traineru Txapelketa

• Txapeldun (5): 1971, 1986, 1989, 2002, 2003

Gainontzeko Banderak

• Asturiasko Printzearen Bandera (2): 1994, 1999
• Castropol Saria (1): 2008
• Lekeitioko San Antolin Bandera (1): 1989
• Urumeako Sprint estropada (1): 1991
• Llanesko Bandera (2): 1991, 2000
• O Groveko Bandera (3): 1991, 1992, 1994
• Bartzelonako estropada olinpikoa: 1992
• Santanderko Bandera (2): 1994, 1995
• Astilleroko Bandera (2): 1994, 1995
• Castro Urdialesko Bandera (2): 1995, 1999
• Camargoko Bandera (1): 1996
• Oleirosko Bandera (1): 1999
• Gijongo Bandera (1): 2001
• Avilesko Zelta-arteko Jaialdiko Bandera (3): 2001, 2002, 2008

Batelak

• Espainiako Batel Txapelketa (6): 1962, 1964, 1965, 1994, 1999, 2003

Trainerilak

• Espainiako Trainerilla Txapelketa (1): 1995

Aulki mugikorra

• Espainiako zortziko txapelketa (1): 2003

Kanpo loturak

• (Gaztelaniaz) Webgune ofiziala
• (Galizieraz) Liga Galega de Traiñeiras-en webguneko informazioa