Linlithgow

Linlithgow Gleann Iucha Lithgae
herria
Irudi gehiago
Administrazioa
Herrialdea	Erresuma Batua
Eskualdea	Mendebaldeko Lothian
Izen ofiziala	Linlithgow
Posta kodea	EH49
Geografia
Koordenatuak	55°58′31″N 3°36′38″W
Azalera	4.42 km²
Demografia
Biztanleria	19.000 13.260 (2016) ()
Informazio gehigarria
Telefono aurrizkia	01506
Ordu eremua	UTC±00:00

Linlithgow (Eskoziako gaeleraz: Gleann Iucha, eskozieraz: Lithgae), Eskozia erdialdeko udalerria da, Mendebaldeko Lothian eskualdean dagoena. 2011ko erroldaren arabera 13.462 biztanle ditu.

Etimologia

Britoierazko lynn llaith cau izenetik dator, "zulo hezeko aintzira" esan nahi du. Hasiera batean Linlithgow aintzira zen eta herria Lithgow bakarrik, baina denborarekin herriak lakuaren izena hartu zuen.

Geografia

Edinburghetik 30 kilometro mendebaldera dago, Stirling eskualdearekiko mugan. Linlithgow aintziraren ertzean dago eta Cockleroi mendiak babesten du herria.

Historia

XII mendean errege jauregi bat izan zen bertan baina toki estrategikoa izanik Eduardo I.a Ingalaterrakoaren tropek gotorlekua ezarri zuten haren lekuan, the Peel izena eman ziotena. 1424an su handi batek gotorlekua erre zuen eta haren lekuan Linlithgow jauregia eraiki zuen Jakue I.a Eskoziakoak 1424an bertan. Eskoziako errregeen jauregia bihurtu zen eta hainbat errege erregina bertan jaio ziren, Jakue V.a eta Maria I.a.

Jauregiaren babesean herria eratuz joan zen. 1650 urtean Oliver Cromwellen armadak herriko eraikin esanguratsuenak suntsitu zituen, esate baterako udaletxea eta bidegurutzeko iturria. Gaur egungo udaletxeaa 1668an egindakoa da eta iturria aldiz James Haldanek diseinatu zuen 1807an eta herriaren ikurretako bat bihurtu da.

Gaur egun Edinburgh, Glasgow eta Stirling hirien lo-hiri bihurtu da, bereziki 1990 hamarkadan herrialdearen ekialdean eraikitako etxebizitza ugariek erakarrita egin du gora populazioak.

Ondasun nabarmenak

• Linlithgow jauregia

Iruditegia

• 
  Linlithgow jauregia.
• 
  Bins jauregia.
• 
  San Migel eliza
• 
  Cross Well, bidegurutzeko iturria.
• 
  Kirkgate arkua.
• 
  Avon akueduktoa.
• 
  Linlithgow ubidea.
• 
  Maria I.a Eskoziakoaren estatua.
• 
  Usategia.
• 
  Linlithgow aintzira.
• 
  Belauntziak Linlithgow aintziran.
• 
  Beecraigs parkea.
• 
  Cockleroi mendia.
• 
  Desfilea kale nagusian.

Hiritar ezagunak

• Jakue V.a Eskoziakoa (1512-1542)
• Maria I.a Eskoziakoa (1542-1587)
• Alex Salmond (1954- ), Eskoziako Lehen Ministroa

Hiri senidetuak

• Guyancourt (Frantzia)
• Grapevine (Texas) (AEB)