Nafarroako kondestable

Nafarroako kondestable kargua 1424ean Karlos III.a erregeak sortua izan zen, ordurarte indarrean zegoen Nafarroako Banderazain kargua ordezkatzeko.

Erabaki honekin Karlos III.ak segitzen zuen Iberiar penintsulako eresumen tendentzia gorteko karguak berizendatzeko, kutsu frantsesa eta prestigiozkoa emanez.

Betidanik Alferez edo Banderazaina izan ziren karguak izendapena berria jaso zuten Aragoiko eresuman (1379an), Gaztelakoan (1382an) eta Portugalekoan (1382an).

Erregearen ondotik Kondestablea eresumako armadako gidari nagusia zen. Erregeak Kondestablea izendatzen zuen eresumako noble handien artean. Kargua ez zen printzipioz biziartekoa eta kargugabetze aukera zegoen. Nafarroako konkistaren ondotik Espainiako erregeak Nafarroako Kondestable titulua mantendu du bainan era guztiz ohorezkoan eta familia ontasun bezalakoa.

Nafarroako Kondestableen zerrenda

Kargu militarra

• 1424: Karlos III.ak erabakitzen du Karlos Beaumontekoa Banderazainaren ondorengoa Luis II.a Beaumontekoa izango dela Kondestable izenarekin. Luis II.a Karlos III.aren suhia zen..
• 1432-1451: Luis II.a Beaumontekoa, Leringo kondea. Kargugabetua Erregearen aurka oldartzeagatik.
• 1451-1481: Piarres Peralta, Leringo Doneztebe haraneko kondea
• 1481-1495: Luis III.a Beaumontekoa, Leringo kondea. Kargugabetua Erregearen aurka oldartzeagatik.
• 1495-1501: Alfonso Carrillo Peralta, Leringo Doneztebe haraneko kondea
• 1501-1507: Luis III.a Beaumontekoa, 2. aldiz. Berriro kargagabetua oldartzeagatik.
• 1507-1513: Alfonso Carrillo Peralta, 2. aldiz. Kargua galdu zuen Nafarroako konkistaren ondorioz.
• 1513-1530: Luis IV.a Beaumontekoa, Leringo kondea. Konkistan Espainiarrak laguntzeagatik kargua eskuratu zuen. Karguan hila.

Ohorezko titulua

• 1530-1565: Luis V.a Beaumontekoa, Leringo kondea. Karguan hila.
• ...
• 2014-gaur arte: Carlos Fitz-James Stuart y Martínez de Irujo, Albako dukea eta Leringo kondea.

Ikus, gainera

• Nafarroako banderazain
• Nafarroako mariskal