Pekingo metroa

Metroak 2011. urtearen amaieran zuen ibilbidearen mapa.

Aireporturako linea azkarra.

Beijingo metroa (txinera sinplifikatuz: 北京地铁, pinyineraz: Běijīng dìtiě), Beijing eta inguruko gune metropolitarraren lur azpiko edo gaineko garraiobidea da. Metroa 1969an zabaldu zen eta oraingo handipenik handiena Beijingo 2008ko joko olinpikoen aurretik zabaldu zen.

2009ko irailaren 30ean metroaren laugarren linea zabaldu zen. Gaur egun metro sareak hamazazpi linea, 270 geltoki eta 457 kilometro dauzka.

Ezaugarriak

Beijingo metroa Txinako Herri Errepublikan eraikitako lehen metroa izan zen (Hong Kongeko metroa 1912an eraiki bazen ere, izatez ez zen metroa izan hamarkada batzuk beranduagora arte). Lehen bi hamarkadetan metroak bi linea baino ez zituen izan, baina 1990eko hamarkadaren amaieran, Beijingo gobernuak, metro-sarea luzatzeko proiektua aurkeztu zuen. Metroaren luzapenaren bultzadaren arrazoietako bat, Beijing hiria 2008ko Udako Olinpiar Jokoak ospatzeko aukeratzea izan zen.

Eraikuntza lan neketsuen ondoren, joko olinpikoak ospatu aurretik linea berriak zabaltzea lortu zuten. Dena den, linea berrien eraikuntza ez da gelditu eta etorkizunean Beijingo metroak 15 linea baino gehiago izango dituela aurrikusten da.

Lineak

	Linea eta kolorea	Ibilbidea	Zabaltze urtea	Azken luzapena	Luzera (km)	Geltokiak	Lotuneak
	1. linea	Pingguoyuan (Shijingshan) - Sihui Ekialdea (Chaoyang)	1971	1999	30,4	23	2. linea, 5. linea, 10. linea, Batong linea
	2. linea	Linea Biribila	1971	1987	23,1	18	1. linea, 5. linea, 13. linea, Aireportuko linea
	4. linea	Anheqiao iparraldea - Gongyixiqiao	2009	2010	28	24	1. linea, 2. linea, 10. linea, Daxing linea
	5. linea	Iparreko Tiantongyuan (Changping) - Songjiazhuang (Fengtai)	2007		27,6	23	1. linea, 2. linea, 10. linea, 13. linea, Yizhuang linea
	6. linea	Haidian Wuluju (Haidian) - Luchang (Chaoyang)	2012		30,4	20	2. linea, 4. linea, 5. linea, 9. linea, 10. linea
	7. linea	Beijing West Railway Station (Fengtai) - Jiaohuachang (Chaoyang)	2014		23.7	21	4. linea, 5. linea, 8. linea, 9. linea, 10. linea
	8. linea	Zhuxinzhuang - Nanluoguxiang	2008	2013	26,6	17	10. linea, 13. linea
	9. linea	Guogongzhuang - Beijing mendebaldeko tren geltokia	2011	2012	16,5	12	Fangshan linea
	10. linea	Xiju (Fengtai) - Shoujingmao (Fengtai)	2008	2013	57,1	45	1. linea, 5. linea, 8. linea, 13. linea, Aireportuko linea
	13. linea	Xizhimen (Xicheng)- Dongzhimen (Dongcheng)	2002	2003	40,9	16	2. linea, 5. linea, 10. linea, Aireportuko linea
	14. linea	Xiju (Fengtai)- Zhangguozhuang (Fengtai) Shan'gezhuang (Chaoyang)- Jintailu (Chaoyang)	2013	2014	-	37	-
	15. linea	Wangjing mendebaldea - Fengbo	2010	2011	30,2	13	13. linea
	Batong linea	Sihui - Tuqiao	2003		18,9	13	1. linea
	Changping linea	Xi'erqi - Nanshao	2010		21,2	7	13. linea
	Daxing linea	Gongyixiqiao - Tiangongyuan	2010		21,7	11	4. linea
	Fangshan linea	Suzhuang - Guogongzhuang	2010	2011	24,8	12	9. linea, Daxing linea
	Yizhuang linea	Songjiazhuang - Yizhuang tren geltokia	2010		23,3	14	5. linea
	Aireportuko linea	Dongzhimen (Dongcheng) – Beijingo aireportua (Chaoyang)	2008		28.1	4	2. linea, 10. linea, 13. linea

Etorkizuna

Sakontzeko, irakurri: «Beijingo metroaren luzapenaren kronologia»

Gaur egun zortzi linea dauden arren Beijingo gobernuak beste zazpi linea eraikitzeko asmoa dauka 2015. urtera arte. Linea berriek 164 kilometroan luzatuko dute Beijingo metro-sarea. Gaur egun eraikitze lanetan dauden lineak honakoak dira:

• 4. linea
• 6. linea
• 8. linearen bigarren fasea
• 9. linea
• 10. linearen bigarren fasea
• Daxing eta Yizhuangerako linea

Eta beste sei linea gehiagoren proiektua prestatzen ari dira:

• 7. linea
• 14. linea
• 15. linea
• Fangshan, Changping eta Mendebaldeko ingurabide linea

2015. urtean Beijingo metro-sareak 561 kilometro izango ditu eta munduko luzeenetakoa izango da Shanghaiko metroarekin batera.

Ikus, gainera

• Txinako Herri Errepublikako metroen zerrenda

Kanpo loturak

Wikimedia Commonsen badira fitxategi gehiago, gai hau dutenak: Pekingo metroa

• (Txineraz) Beijingo metroaren webgune ofiziala.
• (Ingelesez) Beijingo metroari buruzko informazioa Urbanrail.net webgunean.