Antiokiako Printzerria

Antiokiako Printzerria laranja kolorez eta bere ingelesezko izenarekin agertzen da.

Antiokiako Printzerria, Lur Santuan zeuden Gurutzatuen estatuetako bat izan zen.

Jatorria

Musulmanen mendebalderanzko aurrera egiteak, kristauen artean ardura handia sortu zuen. Toki Santuak (Palestina eta Israel) erori ondoren, aita santuak, gurutzadak bezala ezagutzen diren espedizio militarrak bultzatu zituen.

Lehen Gurutzadan, Bohemundo Tarentokoa printzeak, Bizantziar Inperioak musulmanen aurka galdu zituen lurraldeak berreskuratzeko kanpaina arrakastatsu bat egin zuen. Baina, Antiokia hartuz bere kanpaina amaitu ondoren, lurraldea mantendu zuen, printzerri hau sortuz.

Antiokia, antzinako bizantziar hiri bat zen, musulmanek, 10 urte lehenago konkistatu zutena, 1084an. Eta, Konstantinopla gurutzatzean, Alexo I.a Komneno bizantziar enperadoreak, bizantziarrek jada galdutako lurralderantz itzultzen ari ziren gurutzatuen agintari nagusienei konpromiso bat exijitu zien, eta soilik Raimundo IV.a Tolosakoak ez zuen zinik egin.

Setioa

Antiokia setiatzeko zailtasunen aurrean, Bohemundok, feudo batean sartzeko aukera ikusten du. Lehenik mehatxatu egin zuen, egoitzaren hedapena aldarrikatuz, Italiara laguntza bila itzuliz, baina bere estratega ahalmena eta berarekin zuen armadaren tamaina, gurutzatuentzat ezinbestekoak ziren, hauek, berak nahi zuena agindu ziotelarik, bertan gera zedin. Ondoren, Tatikiosen irteerak, bizantziar enperadorearen ordezkaria zena, traizio bat aldarrikatzeko aukera eman zion, gurutzatuei, bere zina hartzea ahalbidetuko ziena, askatuz. Azkenik, ziurtatua izan ondoren (hiri barneko adimen baten bidez) azkenik sartzeko gai izateko, gurutzadako agintariek, hirian sartzen lehena, hiriaren jabe izango zela agindu zioten. Honela, 1098ko ekainaren 3ko gauerdian, hiria hartua izan zenean, soilik Bohemundoren bandera zegoen hirian.

Antiokiako printzeak

• Bohemundo I.a Tarentokoa (1098-1111)
• Tankredo Galileakoa erregeordea (1100-1103 eta 1105-1112)
• Bohemundo II.a Antiokiakoa (1111-1130)
• Roger Salernokoa erregeordea (1112-1119)
• Balduino II.a Jerusalemgoa erregeordea (1119-1126 eta 1130-1131)
• Konstanza Antiokiakoa (1130-1163)
• Fulko Jerusalemgoa erregeordea (1131-1136)
• Raimundo Poitiersekoa (1136-1149) (ezkontza bidez)
• Reinaldo Châtillongoa (1153-1160) (ezkontza bidez)
• Bohemundo III.a Antiokiakoa (1163-1201)
• Raimundo IV.a Tripolikoa (1193-1194) erregeordea
• Bohemundo IV.a Antiokiakoa (1201-1216)
• Raimundo Ruben Antiokiakoa (1216-1219)
• Bohemundo IV.a Antiokiakoa (berezarria 1219-1233)
• Bohemundo V.a Antiokiakoa (1233-1252)
• Bohemundo VI.a Antiokiakoa (1252-1268)

Wikimedia Commonsen badira fitxategi gehiago, gai hau dutenak: Antiokiako Printzerria