Athletic (emakumezkoen taldea)

Athletic Club

Ezizena(k)	Lehoi Emeak, Neskak
Sorrera	2002
Futbol zelaia	Lezamako kirol-instalakuntzak edukiera: 2.500 lagun inaugurazioa: 1971
Presidentea	Josu Urrutia
Entrenatzailea	Joseba Agirre
Liga	Superliga
2015-16	1.a
Webgunea	www.athletic-club.net
Etxekoa 　 Kanpokoa 　 3. koloreak

Athletic Club Bilboko emakumezko futbol taldea da. 2002an sortua, beti jokatu du Espainiako Emakumezkoen Futbol Superligan, eta bost titulu lortu ditu.

Historia

1970 eta 1980ko hamarkadetan Bizkaiko emakumezkoen futbola taldeak sortzen hasi ziren. 2000. urtean, Leioa EFT sortu zen Sondika KE taldean aritutako jokalariekin. Leioa EFT mailak igoz joan zen Superligara iritsi arte. 2002an Athletic Clubeko presidentea zen Javier Uriak ituna sinatu zuen orduko Leioa EFT Athletic Clubeko emakumezko taldea izateko.

Taldeak laugarren Superliga ospatzen San Mamesen.

Taldeak 2001/2002 denboraldian Superligara igotzea lortu zuen. 2002/2003 denboraldian Athletic Superligako euskal herritar talde bakarra izan zen, baina bere estreinaldia ohorezko mailan ezin hobea izan zen, txapeldun izatea lortu zuen eta. Apirilaren 27an lortu zuen txapelketa, Sevillako Hispalis gaindituz San Mames bete batean. “Lehoi Emeek” hurrengo bi denboraldietan ere titulua lortu zuten, 2004/2005 denboraldian partida bat ere galdu barik. Denboraldi hartako titulua jokalariek Bilboko kaleetan zehar ospatu zuten, milaka eta milaka zaleen artean.

2005/2006 denboraldia hasi baino lehen, Iñigo Juaristik (hiru tituluak lortu zituen entrenatzailea) eta zenbait jokalarik taldea utzi zuten zuzendaritzarekiko desadostasunak zirela eta. Ondorioz Athleticek ezin izan zuen aurreko denboraldietako arrakasta errepikatu. 2006/2007 denboraldian Juaristi itzuli zen taldera eta titulua berreskuratu zuten "Lehoi emeek".

Hurrengo denboraldietan, Athletic Levante UD eta Rayo Vallecanoren menpean ibili da. 2010/2011ko ligaren bukaeran hirugarren sailkatu zen.

Superliga irabazteak Europako Txapeldunen Liga jokatzeko aukera eman zion taldeari, bigarren faseraino heltzea arrakasta handiena izanez. Futboleko Espainiako Erregina Kopako finala bi aldiz jokatu du baina bietan galtzaile atera da, 2012an Espanyolen aurka luzapenean eta 2014an Bartzelonaren aurka penalti jaurtiketatan.

Harrobia bultzatzeko B taldea ere sortu du, Euskal Ligan ari dena.

2013/2014 denboraldiko jokalariak

Zbk. Postua Jokalaria 1 ATE Ainhoa Tirapu 2 ATZ Eztizen Merino 3 ATZ Joana Arranz 4 ATZ Irene Paredes 6 ERD Joana Flaviano 7 AUR Nekane Díez 8 ERD Arrate Orueta 9 AUR Irune Murua 10 ATZ Iraia Iturregi 11 ERD Silvia Ruiz 12 AUR Manuela Lareo

Zbk. Postua Jokalaria 14 ERD Eunate Arraiza 15 ERD Alazne Gómez 16 ERD Amaia Olabarrieta 17 ERD Elixabet Ibarra 18 ATZ Leire Landa 19 AUR Erika Vázquez 20 ATZ Saioa González 21 ATZ Vanesa Gimbert 23 ATZ Patricia de la Sota 25 ATE Jone Guarrotxena 28 ATE Ane Otxoa de Zuazola

2014/2015 denboraldiko jokalariak

Zbk. Postua Jokalaria 1 ATE Ainhoa Tirapu 2 ATZ Eztizen Merino 3 ATZ Joana Arranz 4 ATZ Irene Paredes 5 ERD Maite Lizaso 6 ERD Alazne Gomez 7 AUR Nekane Diez 8 ERD Arrate Orueta 9 AUR Irune Murua 10 ATZ Iraia Iturregi 11 ERD Arene Altonaga

Zbk. Postua Jokalaria 12 AUR Yulema Corres 13 ATE Ane Otxoa de Zuazola 14 ERD Eunate Arraiza 16 ERD Amaia Olabarrieta 17 ERD Elisabeth Ibarra 18 ERD Izaskun Leoz 19 AUR Erika Vazquez 20 ATZ Saioa Gonzalez 21 ATZ Vanesa Gimbert 22 ATE Jone Guarrotxena 27 ERD Ainhoa Alvarez 29 AUR Jone Bilbao

Datuak

• Denboraldiak Superligan: 12 (guztiak)
• Superligako emaitzarik onena (etxean): Athletic 11 - Pozuelo 0 (2008/2009)
• Superligako emaitzarik onena (kanpoan): Colegio Alemán 2 - Athletic 8 (2008/2009)
• Superligako emaitzarik txarrena: Athletic 1 - Espanyol 4 (2005/2006)
• Ligako posturik onena: 1.a
• Ligako posturik txarrena: 5.a

Ibilbidea

Denboraldia	Superliga									Erreginaren Kopa	Champions League
	Maila	Pos.	J	I	B	G	GA	GK	Puntuak
2002-03	Superliga	1º	22	17	4	1	90	16	55	1/4
2003-04	Superliga	1º	26	19	3	4	80	29	60	Finalaurrea	1º erronda
2004-05	Superliga	1º	26	20	6	0	77	15	66	1/4	1º erronda
2005-06	Superliga	5º	24	13	2	9	52	46	41	1/4	1º erronda
2006-07	Superliga	1º	26	20	4	2	82	27	64	1/4
2007-08	Superliga	3º	26	17	2	7	72	31	53	1/4	1º erronda
2008-09	Superliga	3º	30	21	2	7	100	43	65	1/4
2009-10	Superliga	3º	14	9	2	3	30	22	29	1/4
2010-11	Superliga	3º	14	9	1	4	32	15	28	1/4
2011-12	1º maila	2º	34	29	4	1	118	25	91	Txapeldunorde
2012-13	1º maila	2º	30	23	5	2	84	24	74	1/4
2013-14	1º maila	2º	30	22	3	5	79	22	69	Txapeldunorde
2014-15	1º maila	3º	30	19	8	3	73	24	65	1/4
2015-16	1º maila	1º	30	25	3	2	75	15	78	1/4

Legenda

	Txapeldun
	Txapeldunorde

Palmaresa

• Superliga:
  • Txapelduna (5): 2002-03, 2003-04, 2004-05, 2006-07 eta 2015-2016.
  • Bigarrena (3): 2011-12, 2012-13 eta 2013-14.
• Erreginaren Kopa:
  • Txapelduna (0)
  • Finalista (2): 2011-12 eta 2013-14.
• Euskal Herriko Kopa:
  • Txapelduna (4): 2011, 2013, 2014 eta 2015.
  • Finalista (1): 2012.

Ikus, gainera

• Athletic Club
• Espainiako Emakumezkoen Futbol Superliga

Kanpo loturak

Wikimedia Commonsen badira fitxategi gehiago, gai hau dutenak: Athletic (emakumezkoen taldea)

• [www.athletic-club.eus/eu/lantaldea/2014-15/emakumezkoena-jokalariak.html Athletic Clubeko webgunearen emakumezkoen taldea]