Oiartzungo Itsaslapurrak Arraun Elkartea

Oiartzungo Itsaslapurrak Arraun Elkartea

Herria	Oiartzun, Gipuzkoa
Sorrera	2015
Lehendakaria	Jon Perurena
Entrenatzailea	Rufo Urtizberea
Kolorea	beltza eta urdina
Trainerua	Erreka (San Juan)
Patroia	Inaxio Larzabal Ander Egaña
Palmaresa: Kontxako Banderak TKE Ligak Espainiako Txapelketak Euskadiko Txapelketak	0 0 0 0
2016ko liga:	1.a (KAE 2 Liga)

Oiartzungo Itsaslapurrak Arraun Elkartea Oiartzungo arraun taldea da 2014 amaieran eratutakoa. 2015. urtean 9. postuan sailkatu ziren, Borja Mena prestatzailea zelarik hona emen 2015eko plantilla. 2016 urtean plantillaren erdiak baino gehiago alde egin eta San Juanek soberan zituen arraunlariekin bat trainerua atera zuten, oraingoan Rufo Urtizberea, San Juaneko entrenatzaile ohia, prestatzaile lanetan zelarik. Hona emen 2016ko plantilla. Azkenean KAE 2 Liga irabaztea lortu zuten, zuzenean KAE 1.mailara igoz.

Historia

Aurrekariak

Oiartzungo lehenengo trainerua 1955eko Kontxako Banderan aritu zen Juan Landaberea patroi zuela. Koloreak urdina eta zuria izan ziren eta lau trainerutatik azken postuan gelditu zen.

1970. hamarkadan Zuberoa izeneko trainerua atera zuten oiartzuarrek. Trainerua zuria zen eta Zuberoa izena urdinez idatzita zegoen. 1970an hirugarren egin zuen Kontxan, Tomas Iza patroi zuela. Guztira sei estropada jokatu zituen, eta bi desafio ere irabazi zituen, bat Donostiaren aurka Hendaian eta bestea San Juanen aurka Zarautzen. Gipuzkoako txapelketan laugarren egin zuen eta Nerbioiko Sari Handian ere bai. 1971an Kontxan bakarrik aritu zen eta zortzigarrena izan zen, oraingoan Jose Agirre izan zen txopan. 1972an azken momentuan osaturiko traineru batekin Kontxarako sailkapen estropadan hartu zuen parte baina 9. egin zuen eta ez zen sailkatu.

Oiartzungo Itsaslapurrak

2014an klub berria sortu zen, Oiartzungo Itsaslapurrak Arraun Elkartea, eta 2015 urteko aurredenboraldiko estropadetan traineruak uretaratzea lortu zuen, hala Hondarribian, Orion edo Mutrikun. San Juan eta Trintxerperen laguntza izan zuen eta entrenatzailea Borja Mena oriotarra izan zen. 18 arraunlaritako taldea osatu zuen, gehienak oiartzuarrak. KAE 2 Ligan aritu zen eta 9. postuan amaitu zuen. Emakumezkoen taldea ere osatu zuen eta Gipuzkoako Ligan aritu zen. 2015ean Trintxerperen Azkuene erabili zuen eta 2016an San Juanen Erreka.

2016an San Juanen llaguntzarekin trainerua ureratu zen. Hain esanguratsua izan zan laguntza, San Juan B bezala ezagutu zela urte horretan. 2016. urtean ere, Lortu zuen traineruetako lehenengo garaipena, Erandioko Ikurrinan. Ligan estropada guztiak irabazi ditu, bi ezik, eta txapelduna izan da.

Palmaresa

Ligak

• KAE 2 Liga (1): 2016.

Banderak

Etxekoa	Oiartzungo Bandera (1): 2016.
Gipuzkoan	Donostiarra Bandera (1): 2016. Errenteriako Bandera (1): 2016. Zumaiako Promozio Bandera (1): 2016.
Bizkaian	Erandioko Ikurrina (1): 2016. Elantxobeko Bandera (1): 2016. Algortako Portuzarra Ikurrina (1): 2016. Mundakako Bandera (1): 2016. Iberiaren Bandera (1): 2016.
Kantabrian	Santoñako Bandera (1): 2016. Camargoko Bandera (1): 2016.

Azken denboraldiak

Urtea	Liga	Kontxa
2015	KAE 2 Liga, 9.a	-
2016	KAE 2 Liga, 1.a

Emakumezkoen trainerua

Oiartzungo Itsaslapurrak Arraun Elkartea

Entrenatzailea	Zuriñe Alberdi
Kolorea	urdin iluna eta argia
Trainerua	Lexo (San Juan)
Patroia	Zuriñe Alberdi
Palmaresa: Kontxako Banderak Euskotren Ligak Euskadiko Txapelketak	0 0 0
2015eko Liga: 2015eko Kontxa:	8.a (Gipuzkoako Liga) ez zen sailkatu

Oiartzungo Itsaslapurren emakumezkoen traineruak 2015eko Bidasoako Traineru Jaitsieran egin zuen debuta eta Emakumezkoen Gipuzkoako Traineru Ligan aritu zen. Azken postuari ihes egin eta zortzigarren amaitu zuen. 2016an ez du trainerurik osatzerik izan.