The Wolf Man (1941eko filma)

The Wolf Man (euskaraz Otsogizona) 1941eko George Waggner estatubatuar zinema zuzendari eta ekoizleak zuzendu eta ekoiztutako beldurrezko drama film bat da. Otsogizonaren kondairan oinarritua dago. Lon Chaney, Jr., Claude Rains, Warren William, Ralph Bellamy, Patric Knowles eta Bela Lugosi aktoreek antzeztu zuten.

Filma beste munduko gauza izan gabe ere, beldurrezko zinemako klasikoen artean sailkatua dago eta 1940ko hamarkadako genero honetako film arrakastasuenen artean egon zen. Lon Chaney, Jr. aktoreak otsogizonaren papera antzeztu zuen lau jarraipen izan zituen: Frankenstein Meets the Wolf Man (1943), House of Frankenstein (1944), House of Dracula (1945) eta Abbott and Costello Meet Frankenstein (1948).

Argumentua

AEBetan urte batzuz bizitzen egon ondoren, Larry Talbot bere Galesko etxera bizitzera itzuli da. Bertan, Gwen Conliffe (Evelyn Ankers) neska gaztea ezagutuko du, antikuarioaren alaba.

Gau batez, Larry, Gwen eta haren laguna den Jenny (Fay Helm) ijitoen akanpaleku bat bisitatuko dute. Leku hartan Bela ijitoa (Bela Lugosi) ezagutu eta hark Jennyren eskuan «otsogizonaren marka» duela jabetuko da. Itzulerako bidean, otso batek hirukotea erasotuko du: Larryk basapiztia hiltzea lortuko du baina aurretik kozk egingo dio, gainera otsoak Jenny ere hilko du.

Gertakari latz honetatik aurrera Larryren bizitzak sekulako aldaketa izango du. Eskualdean otso baten erasoen ondorioz jende hila agertzen hasiko da eta Larry bera otsogizona eta hilketa horien arduradun ez ote den kezkatzen hasiko da.

Aktoreak

• Lon Chaney, Jr.: Larry Talbot / Otsogizona (kredituetan "Lon Chaney" bezala)
• Claude Rains: Sir John Talbot
• Warren William: Lloyd doktorea
• Evelyn Ankers: Gwen Conliffe
• Ralph Bellamy: Paul Montford kolonela
• Maria Ouspenskaya: Maleva, the Gypsy Fortune Teller
• Patric Knowles: Frank Andrews
• Béla Lugosi: Bela, ijitoa
• J.M. Kerrigan: Charles Conliffe
• Fay Helm: Jenny Williams
• Forrester Harvey: Twiddle

Kanpo loturak

• The Wolf Man filmaren iragarkia ikusgai. Youtube.com (Ingelesez)
• The Wolf Man filmaren IMDBko fitxa irakurgai (Ingelesez)