Scarlett Johansson: berrikuspenen arteko aldeak

Wikipedia, Entziklopedia askea
Ezabatutako edukia Gehitutako edukia
t bizialdia
174. lerroa: 174. lerroa:
{{commonskat}}
{{commonskat}}


{{DEFAULTSORT:Johansson, Scarlett}}
[[Kategoria:Ameriketako Estatu Batuetako aktoreak]]
[[Kategoria:Ameriketako Estatu Batuetako aktoreak]]
[[Kategoria:Newyorkarrak]]
[[Kategoria:Newyorkarrak]]
[[Kategoria:Daniar estatubatuarrak]]
[[Kategoria:Daniar estatubatuarrak]]
[[Kategoria:Estatubatuar juduak]]
[[Kategoria:Estatubatuar juduak]]
{{Bizialdia|1984ko||Johansson, Scarlett}}
[[Kategoria:1984ko jaiotzak]]

09:55, 4 azaroa 2016ko berrikusketa

Scarlett Johansson
Bizitza
Jaiotzako izen-deiturakScarlett Ingrid Johansson
JaiotzaManhattan1984ko azaroaren 22a (39 urte) (39 urte)
Herrialdea Ameriketako Estatu Batuak
Talde etnikoaaskenazia
Lehen hizkuntzaestatubatuar ingelesa
Familia
AitaKarsten Olaf Johansson
AmaMelanie Sloan
Ezkontidea(k)Ryan Reynolds  (2008ko irailaren 27a -  2011ko uztailaren 1a)
Romain Dauriac  (2014 -  2017)
Colin Jost  (2020ko urria -
Bikotekidea(k)
Seme-alabak
Anai-arrebak
Hezkuntza
HeziketaProfessional Children's School (en) Itzuli
Lee Strasberg Antzerki- eta Film-Eskola
P.S. 41 (en) Itzuli
Hizkuntzakestatubatuar ingelesa
ingelesa
Jarduerak
Jarduerakzinema aktorea, abeslaria, modeloa, antzerki aktorea, ahots-aktorea, estudioko musikaria, film-zuzendaria eta aktorea
Lateralitateaezkerra
Altuera160 zentimetro
Jasotako sariak
KidetzaZinemako Arte eta Zientzien Akademia
Genero artistikoapop musika
Musika instrumentuaahotsa
DiskoetxeaAtco Records
Sinesmenak eta ideologia
Erlijioajudaismoa
Alderdi politikoa Ameriketako Estatu Batuetako Alderdi Demokrata

IMDB: nm0424060 Allocine: 27868 Rottentomatoes: celebrity/scarlett_johansson Allmovie: p200222 TCM: 95439 Metacritic: person/scarlett-johansson TV.com: people/scarlett-johansson IBDB: 485296
MySpace: scarlettalbum Souncloud: scarlett-johansson-official Spotify: 2KAaJOwfu8n93byx6YPRPa iTunes: 2082973 Last fm: Scarlett+Johansson Musicbrainz: 0cc5ed91-eba3-4a5d-8a69-7638e0bf6495 Songkick: 822811 Discogs: 1112977 Allmusic: mn0000464375 Deezer: 71030 Edit the value on Wikidata

Scarlett I. Johansson (New York, 1984ko azaroaren 22a - ) zinemako aktore, modelo eta abeslari estatubatuarra da eta Danimarkako herritartasuna ere badu. The Horse Whisperer filmak eman zion ospea eta kritikoek asko goraipatu zuten Ghost World pelikulan egindako lana. BAFTA sari bat ere bereganatu zuen eta Urrezko Globo sarietarako izendatu zuten Lost in Traslation eta Girl with a Pearl Earring egindako lanagatik.

2008ko maiatzaren 20an, bakarlari izan zen bere lehen lan musikalean, Anywhere I Lay My Head, Tom Waits maixuaren hainbat abesti bertsionatu zituelarik[1].

Biografia

Scarlett Johansson

Scarlett Ingrid Johansson 1984ko azaroaren 22an jaio zen Manhattanen jaio zen. Scarletten aita Karsten Johanson Danimarkako arkitektoa da eta ama, berriz, poloniar jatorriko Melanie Sloan film ekoizlea. Aitaren aldeko aitona, Ejner Johansson, gidoilaria eta film zuzendaria izan zen.

Johanssonek herritartasun bikoitza dauka, estatubatuarra eta daniarra. Gurasoek Danimarkan ezagutu zuten elkar, ama amona Dorothyrekin bizi zenean. Amona hau liburuzaina eta irakaslea zen[2]. Scarlettek ahizpa zaharrago bat du, Vanessa, eta anaia bikia, Adrian, biak aktoreak. Anaiaorde bat ere badu, Christian, bere aitaren bigarren ezkontzaren ondorio[3].

Txiki-txikitatik prestatzen aritu zen aktore izateko eta Manhattaneko Professional´s Children School hasi zituen bere ikasketak, ondoren Lee Strasberg Theatre Institute ospetsuan jarraitu zuelarik. Telebistako iragarkien castingetara hainbat alditan aurkeztu ondoren, 8 urterekin teatroan debuta egin zuen. Handik aurrera, filmetan parte hartzeko paperak iristen hasi ziren, 1996an, Manny & Lo filman, bere lehenengo paper nagusia eman zioten arte.

Harrezkero, filmetan antzezten jarraitu zuen, baina ez zen oso ospetsua. Alabaina, 2003an, Girl with a Pearl Earring filman parte hartu zuen paper nagusian. Urte honetan ere, Scarlettek 4 Oscar izendapen jaso zituen Lost in translation filmean antzezteagatik. Arrakasta horiek ez ezik, beste batzuk lortu ditu, esate baterako, Match Point filman antzezteagatik, Urrezko Globo sarietara izendatu zuten emakumezko bigarren aktorerik onenaren kategorian.

Ezkontza

Scarlett Johansson 2003an

2008ko maiatzean, Scarlettek Ryan Reynoldsekin zuen konpromisoa jakinarazi zuen New Yorkeko Arte Museo Metropolitanon. 2007ko otsailaz gero bikotea harremanetan zebilen eta, 2008ko urriaren 28an, bere ezkontzaren berri eman zuten People aldizkarian. Aldizkari berak argitaratu zuen 2010eko abenduaren 14an bikotekideek ezkontza bertan behera uzten zutela ere[4].

Karrera

Scarlett Johansson 2007an
Scarlett Johansson eta The Avengers-eko kideak 2010ean

Esan bezala, txiki-txikitatik jaso zuen aktore izateko prestakuntza eta, telebistako iragarkien castingetara hainbat alditan aurkeztu ondoren, 8 urte zituen teatroan debuta egin zuenean. Handik aurrera, filmetan parte hartzeko paperak iristen hasi zitzaizkion, 1996an, Lisa Kruegerren Manny & Lo filman Amanda izateko aukera, bere lehenengo paper nagusia, eskaini zioten arte.

Scarlett ez zen sekula, Hollywoodeko gainontzeko haur prodigioen antzeko haur izarra izan. Hasierako paper garrantzitsuenetako bat Kate Armstrongena izan zen, Sean Conneryren alaba izan zelarik Arne Glimcherren The Street Lawyerren akzio eta suspentsezko filmean, baina ez zuen arrakasta handirik izan.

Zineman jarraitu zuen arren, 4 urte geroago arte ez zuen paper egokirik lortu, Robert Redforden eskutik, honek Grace MacLean haurra izateko aukera eman zionean The Horse Whisperer filman. Garai horretan atera zen Scarlett nerabezarotik eta aktore helduen paperak iristen hasiko zitzaizkion handik aurrera.

2001ean, Coen anaien The Man Who Wasn't There filman egin zuen Birdy, protagonistaren (Billy Bob Thornton) lagun pianojolea. Urte berean, Ghost World egin zuen Thora Birch eta Steve Buscemikin batera, arrakasta handia izan zuen komedia-drama. Horrela esan zuen Scarlettek:

« Scarlettek bere pertsonaiari buruz esann zuen: " Rebbeca adimen handiko neska da eta besteengandik desberdina (...) Ez da ohiko nerabe film horietako bat[5] »

2003a izan zen Scarletten urte borobila, nazioartean oihartzuna izan zuelako eta komunikabideetan benetako errekonozimendua jasotzen hasi zelako. Tracy Chavalierren Girl with a Pearl Earring eleberrian oinarritutako Peter Webberren filman Johannes Vermeerrek margotutako koadroa erakutsi ziguten eta Griet antzeztu zuen artistak, kritikaren ustez lan bikaina.

Ospe handia hartuta bazuen, jada, Sofia Coppolaren Lost in translation egin zuenean, Charlotten paperak berriro deitu zuen kritikaren arreta. Bill Murrayrekin batera egin zuen film independente honek 4 izendapen jaso zituen Oscar sarietan.

Laudorio ez gutxi berriro ere Woody Allenen Match Point filman, Nola Rice ederraren paperean. 2006ko Urrezko Globo sarietarako izendapena jaso zuen, Rachel Weiszek eraman bazuen ere (Fernando Meirellessen Lorezain leialaen egindako Tessa Quayle paperagatik)

2006an, James Ellroyren eleberriaren adaptazioa den Brian de Palmaren The Black Dahlia filman egin zuen lan eta berriro hartu du parte Woody Allenen beste 2 filmetan: Scoop eta Vicky Cristina Barcelona.

Hortik aurrera, eten gabe aritu da lanean, bai zineman eta baita iragarkietako modelo bezala ere.

Era berean, aipatzekoa da, Johansson Bushen aukari ziren aktore taldeko kide izan zela, Susan Sarandon, Tim Robbins, Sean Penn, Richard Gere, Angelina Jolie, George Clooney, Charlize Theron, Rachel Weisz, Woody Harrelson, Tommy Lee Jones, Marisa Tomei, Diane Kruger edo Cameron Díaz bezala.

Antzerkia

Scarlett Johansson eta Michael Caine, 2008an Nobel Sarietarako kontzertuan

Johansson Sophistry antzez lanean agertu zen lehenengoz Broadwaytik kanpo.

2009an, egin zuen debuta Broadwayn, New Yorkeko Cort Antzokian. Arthur Millerrek idatzitako eta Gregory Mosherrek zuzendutako A View from the Bridge drama eskaini zuen. 2010eko ekainean, aktore hoberenari eskainitako Tony Saria jasoko zuen lan honengatik[6].

Musika

Scarlett Johansson 2009an

2005ean, Andrew Lloyd Webberen The Sound of Music musikalerako hartu zuten kontuan, azkenean Mariaren papera Connie Fisherrek egingo bazuen ere.

2006an, Hollywoodeko aktoreek grabatutako abesti bilduma baterako, George Gershwinen Summertime abestia grabatu zuen

2007an, berriz, The Jesus and Mary Chain taldearekin batera aurkeztu zen Indion (Kalifornia) egingo zen Coachella jaialdira. Just Like Honey izan zen abestia [7].

2008ko maiatzaren 20an atera zuen bere lehen diska, Anywhere I Lay My Head, Tom Waitsen 10 abestiren bertsioak eta bat berea[8]. Harrera ezberdinak izan zituen albumak: NME25en ustez, 2008ko albumik hoberena izan zen eta Billboard Top Heatseekersentzat lehena izan zen. Billboard 200entzat, berriz, 126.a izan zen.

2009an, Jeff Buckley handiaren Last Goodbye abestia grabatu zuen He's Just Not That Into You filmaren soinu bandarentzako[9]. Urte berean, Break Up albuma atera zuen Pete Yornekin batera, Serge Gainsbourg eta Brigitte Bardotek egin zituzten duetoetan inspiratuta [10]. Billboard 200ean 41.a geratu zen albuma eta Erresuma Batuan, berriz, 160.a.

2010ean, Steel Train bandak Terrible Thrills Vol. 1 argitaratu zuen, emakume artistek bere taldearen abestiak bertsionatzen dituztelarik. Johanssonek lehena abestu zuen, Bullet.

2011n, berriz, One Whole Hour grabatu zuen Wretches And Jabberers film dokumentalarentzako.

Filmografia

Urtea Filmaren izenburua Zuzendaria Antzezten duen pertsonaia
2014 Lucy Luc Besson Lucy
2014 Chef Jon Favreau Molly
2014 Captain America: The Winter Soldier Joe Russo eta Anthony Russo Natasha Romanoff / Alargun beltza
2013 Don Jon's Addiction Joseph Gordon-Levitt Barbara
2012 Under the Skin Jonathan Glazer Isserley
2012 The Avengers Joss Whedon Natasha Romanoff / Black Widow
2011 We Bought a Zoo Cameron Crowe Kelly
2010 Iron Man 2 Jon Favreau Natasha Romanoff / Black Widow
2009 He's Just Not That Into You Ken Kwapis Anna
2008 Vicky Cristina Barcelona Woody Allen Cristina
2008 Gomorra Matteo Garrone Bera
2008 The Prestige Justin Chadwick Olivia Wenscombe
2008 The Other Boleyn Girl Christopher Nolan Mary Boleyn
2007 The Nanny Diaries Shari Springer Berman eta Robert Pulcini Annie Braddock
2006 The Prestige Christopher Nolan Olivia Wenscombe
2006 The Black Dahlia Brian De Palma Kay Lake
2006 Scoop Woody Allen Sondra Pransky
2005 The Island Michael Bay Jordan Two Delta/Sarah Jordan
2005 Match Point Woody Allen Nola Rice
2004 In Good Company Paul Weitz Alex Foreman
2004 The SpongeBob SquarePants Movie Stephen Hillenburg Mindy (ahotsa)
2004 A Good Woman Mike Barker Meg Windermere
2004 A Love Song for Bobby Long Shainee Gabel Pursy Will
2004 The Perfect Score Brian Robbins Francesca Curtis
2003 Girl with a Pearl Earring Peter Webber Griet
2003 Lost in translation Sofia Coppola Charlotte
2002 Eight Legged Freaks Ellory Elkayem Ashley Parker
2001 An American Rhapsody Éva Gárdos Suzanne Sandor
2001 Ghost world Terry Zwigoff Rebecca
2001 The Man Who Wasn't There Joel Coen eta Ethan Coen Rachael 'Birdy' Abundas
1999 My Brother the Pig Erik Fleming Kathy Caldwell
1998 The Horse Whisperer Robert Redford Grace MacLean
1997 Home Alone 3 Raja Gosnell Molly Pruitt
1997 Fall Eric Schaeffer Neska txikia
1996 Manny & Lo Lisa Krueger Amanda
1996 If Lucy Fell Eric Schaeffer Emily
1995 Just Cause Arne Glimcher Kate Armstrong
1994 North Rob Reiner Laura Nelson

Erreferentziak

  1. (Ingelesez)«Too hot to be cool - TV on the Radio interview». Scotland on Sunday (2008ko irailaren 14a).
  2. (Ingelesez)Weiss, Anthony (2006ko apirilaren 7a). «The Scarlett Grandma». The Jewish Daily.
  3. (Ingelesez)«Scarlett Johansson». Famous Why (2008ko abuztuaren 6a).
  4. (Ingelesez)«Scarlett Johansson y Ryan Reynolds se han separado». El País (2010eko abenduaren 14a).
  5. (Ingelesez)[Scarlett Johanssonen hitzak Ghost World filmaren gune ofizialeko Cast and Crew atalean
  6. (Ingelesez)Soll, Lindsay (2010eko ekainaren 14a). «Scarlett Johansson Thanks 'My Canadian,' Ryan Reynolds, At Tony Awards 2010». MTV.
  7. (Ingelesez) http://artsbeat.blogs.nytimes.com/2007/04/28/coachella-scarlett-johansson-joins-jesus-and-mary-chain/
  8. (Ingelesez) http://www.smh.com.au/news/film/local-favourite/2007/09/16/1189881329353.html
  9. (Ingelesez) http://stereogum.com/?p=048421
  10. (Ingelesez) http://www.usatoday.com/life/music/news/2009-05-21-break-up-album_N.htm

Kanpo loturak

Wikimedia Commonsen badira fitxategi gehiago, gai hau dutenak: Scarlett Johansson Aldatu lotura Wikidatan