Kazetari

Telebistako kazetari bat, mikrofonoarekin kamera aurrean

Kazetari bat profesionalki kazetaritza egiten duen pertsona bat da. Kazetariak prentsa idatzian, foto-kazetaritza, irratian, telebistan edo komunikabide digitaletan egin dezakete lan. Euren lanaren ardatza publikoari interesgarri egin ahal zaizkion gaiak aurkitu eta ikertzea da, bertan egon daitezkeen iritzi ezberdinak hartu, sintetizatu, informazioaren hierarkia egin eta arigtaratzea da. Horretarako kazetariak iturriak behar ditu. Kazetariek beere artikuluak edo piezak egiten ditu, idatziz, ahoz edo grafikoki.

Kazetaritzaren deontologian egia, zehatasuna eta informazioaren bilaketa justua aipatzen dira. Kazetari ona dela esaten da informazio garrantzitsua lortzen badu, eta hau laburra eta zehatza bada ahalik eta denborarik laburrenean.

Web 2.0ren garapenarekin kazetariaren figuran aldaketa garrantzitsuak izan dira, edozein herritarrek bere edukiak partekatzeko aukerak handiagoak direlako eta argitaratzeko dauden bideak anitzagoak direlako.