Tower Hamlets

Tower Hamlets udalerriaren mapan, Tamesis ibaiaren iparraldeko eremua.

Tower Hamlets (ingelesez: London Borough of Tower Hamlets) Londresko udalerrietako (borough) bat da. 2015ko erroldaren arabera 295.200 zituen 19,77 kilometro koadroko azaleran. City of London udalerriaren ekialdean dago, Tamesis ibaiaren iparraldeko ertzean.

Historia

Tower Hamlets izenak "Dorrearen herrixkak" esan nahi du, izan ere Londresko dorrearen ekialdeko lurretan Londresko harresietatik kanpo zeuden herrixka txikiek osaturiko eremua baitzen. XVI mendean agertzen da izen hau lehen aldiz eta 1646an Londresko milizari zerga ordaintzen ziola ere aipatzen da.

XIX mendean Londresko biztanleria asko igo zen eta hiria superpopulatu zen harresien barruan. Honetaz gain 1827 urtean St Katharine Docks moilak eraiki ziren eta honek eremuko nekazari ugari erakarri zituen ontzioletako lan bila. Inmigrante ugari ere iritsi ziren, higanot frantsesak (XVII mendean), ehungile irlandarrak, askenazi juduak eta azkenik XX mendean Bangladeshtarrak. Gune hau mundu osoko portu nagusienetako bat izan zen, denera 50.00 langile izatera iritsi zelarik. Bestalde, 1840 eta 1875 artean Londres erdian tren geltokia egiteko txabola-auzo osoak eraitsi ziren eta han bizi zen jende behartsuak Tower Hamletsera aldatu behar izan zuen. "East End" ezizen peioratiboa eman zitzaion orduan. Egoera honek mugimendu politiko eta sozialak sortarazi zituen, hasieran sindikatuak sortuz eta XIX mendearen bukaeran Erresuma Batuko Alderdi Laborista eratuz.

Bigarren Mundu Gerrako bonbaketek gogor jo zuten auzoa. 2.271 pertsona hil ziren, 46.482 etxe suntsitu eta beste 47.574 kaltetu. 1950eko hamarkadan berriz zuzpertu ondoren, portuko industriak gainbehera jasan zuen, Felixstowe edo Harwich bezalako hiriko beste portu batzuekin parekatuz gero askoz ere onura edo etekin ekonomiko gutxiago zekartzalako, honek portuaren itxiera ekarri zuen 1980an.

Honen aurrean Gobernuak biziberritzeko plana abiatu zuen eta Canary Wharf negozio barrutia eraiki zuen. Europako etxe-orratz garaienetakoak daude bertan eta kontinenteko konpainia nagusiek egoitza ezarri dute. 2012 urteko Olinpiar Jokoetako Parke Olinpikoa ere bertan eraiki zen, Queen Elizabeth Olympic Park izenekoa.

Auzoak

Barrutia honako auzoek osatzen dute:

Bethnal Green Blackwall Bow Bromley-by-Bow Cambridge Heath Canary Wharf Cubitt Town Globe Town

Isle of Dogs Limehouse Mile End Millwall Old Ford Poplar

Ratcliff Shadwell Spitalfields Stepney Wapping Whitechapel

Etxeorratzak

• 25 Canada Square
• 1 West India Quay
• Pan Peninsula
• 8 Canada Square
• One Canada Square
• 40 Bank Street
• 25 Bank Street
• One Churchill Place

Ondasun nabarmenak

• 
  Londresko dorrea.
• 
  Tower Bridge.
• 
  St Katharine Docks.
• 
  St Katharine Docks.
• 
  Canary Wharf.
• 
  Cabot Square (Canary Wharf).
• 
  One Canada Square (235 m).
• 
  Canary Wharf, gaueko ikuspegia.
• 
  Whitechapel, Bangladeshtarren auzoa.
• 
  Viktoria parkea.
• 
  St. George in the East eliza.
• Cable Street.
  Cable Street.
• 
  Christ Church eliza.
• 
  Wilton's Music Hall.

Kanpo loturak

Wikimedia Commonsen badira fitxategi gehiago, gai hau dutenak: Tower Hamlets

• (Ingelesez) Tower Hamlets barrutiko kontseiluaren webgunea.