Sociedad Deportiva Santoña Club de Remo

Club de Remo Santoña

Herria	Santoña, Kantabria
Sorrera	1979
Lehendakaria	Iñigo Fernández
Entrenatzailea	Fernando Vinatea
Koloreak	urdina, gorria eta zuria
Trainerua	Virgen del Puerto
Patroia	José Carlos Iglesias
Palmaresa: Kontxako Banderak TKE Ligak Espainiako Txapelketak Kantabriako Txapelketak	0 0 0 6
2016ko liga:	13.a (KAE 2 Liga)
(Gaztelaniaz) Taldearen bloga

Santoñako trainerua erdian, 2009an.

Sociedad Deportiva Santoña Club de Remo Kantabriako Santoña herriko arraun kluba da, traineru, trainerilla eta bateletan eta baita aulki mugikorrean ere aritzen dena.

Uniformea

Elastikoa eta trainerua urdinak dira eta Kantabriako bandera (kolore zuria eta gorria) ageri dute. Traineruaren izena Virgen del Puerto da.

Historia

XX mende hasiera

XX mendearen lehen erdian Argoñosko traineruak hainbat estropada jokatu zituen eta bertan Santoñako arraunlariek ere parte hartu zuten. 1919an Bilbon aritu ziren eta 1922, 1924 eta 1925ean Santanderko badian ere estropada ugari jokatu zituzten, 1925ean Argoños garaile atera zelarik. urte horretan bertan Kontxako Banderan parte hartzeko Argoños eta Santoñaren arteko tripulazioa osatu zen. Bosgarrenak izan ziren. 40. hamarkadaren hasieran Kantabriako Traineru Txapelketatan parte hartu zuen Argoñosek eta bigarren izan zen 1942an eta hirugarren 1943an.

S.D. Santoña C.R.

1964ean bi estropadatan parte hartu zuen Santoñako traineru batek (Kantabriako Txapelketan eta Santoñan bertan jokaturkio estropada batean) eta Pedreña eta Peñacastilloren atzetik hirugarrena izan zen. 1973an Espainiako Batel Txapelketa irabazi zuen Santoña OJE izenarekin.

Gaur egungo elkartea 1979an sortu zen herriko bi klubak elkartu zirenean, alde batetik Sociedad Deportiva Santoña OJE eta bestetik Club Juan de la Cosa (aurrez Educación y Descanso de Santoña izandakoa). Garai onenak 80. hamarkadan bizi izan zituen hiru aldiz Kantabriako txapeldun bihurtu zelarik eta ondorioz 1984, 1986 eta 1989an Kontxarako sailkatu zelarik. 90. hamarkadaren erdialdera ere lehia latza izan zuen Ciudad de Santander taldearekin eta bi txapelketa gehiago lortu zituen 1995 eta 1996an. 1997an arraunlari eskasia zela eta Ciudad de Santanderrekin bat egin zuen eta azkenengo Kantabriako Txapelketa irabazi zuen.

Ordutik aurrera gainbehera iritsi zen Santoñara. 1998 eta 2008 artean behin baino ez zuen trainerua uretaratu, 2001ean hain zuzen ere. 2008an beraz KAE Ligako 2. mailan hasi zen. Maila honetan hainbat bandera lortu ditu eta 2010ean KAE Ligako lehen mailara igotzea lortu zuen. 2013an zortzigarren postua eskuratu zuen eta 2014an hamargarrena izan zen. 2015 urtean azken postuan gelditu eta maila galdu zuen. 2016an KAE 2 Ligako 13.a izan da.

Aulki mugikorra

Aulki mugikorrean ere aritzen den kluba da Santoña. 1987an Espainiako zortziko txapelketan nagusitu zen Legutioko urtegian jokaturiko estropadan. Bertako arraunlariak diren Chechu Vinatea eta Fernando Vinatea bi aldiz izan dira Europako Txapeldunak lemazain gabeko bikoan.

Palmaresa

Santoña traineru.

Kontxako Bandera

• Txapelduna (0)
• Bigarrena (0)
• Hirugarrena (0)
• Sailkatua (3): 1984, 1986 eta 1989.

TKE Liga

• Txapelduna (0)
• Bigarrena (0)
• Hirugarrena (0)
• KAE 1 Liga (0): Zortzigarren 2011 eta 2013an.
• KAE 2 Liga (0): Bigarren 2010ean.
• Euskal Liga (0): Hamargarren 1995ean.

Espainiako Traineru Txapelketa

• Txapelduna (0)
• Laugarrena (1): 1973.

Kantabriako Traineru Txapelketa

• Txapelduna (6): 1986, 1987, 1988, 1995, 1996 eta 1997 (azken hau Ciudad Santanderrekin batera).

Gainontzeko Banderak

Etxekoa	Santoñako Bandera (2): 2009, 2010.
Kantabrian	Bansander Bandera (7): 1984, 1986, 1989, 1992, 1995, 1997, 1998. Sotileza Bandera (1): 1985. Camargoko Bandera (1): 1985. Pontejosko Bandera (1): 1996. Ría del Asón Bandera (2): 1996, 2009. Astilleroko Bandera (1): 1996. Santanderko Bandera (1): 2010. Castro Urdialesko Bandera (1): 2010.
Gipuzkoan	San Pedroko Promozio Bandera (1): 2010. Hibaikaren Bandera (1): 2010. Getariako Bandera (1): 2010.
Asturiasen	El Socorro Bandera (1): 2009. Aviles Hiriko Bandera (1): 2010.

Trainerillak

• Bermeoko trainerilla estropadak (1): 1975

Batelak

• Espainiako Batel Txapelketa (3): 1973, 1986, 1987

Aulki mugikorra

• Espainiako zortziko txapelketa (1): 1987

Azken denboraldiak

Urtea	Liga	Kontxa
2004	Federazio Liga, 20.a	-
2005	-	-
2006	-	-
2007	-	-
2008	-	-
2009	KAE 2 Liga, 4.a	-
2010	KAE 2 Liga, 2.a	-
2011	KAE 1 Liga, 8.a	-
2012	KAE 1 Liga, 10.a	-
2013	KAE 1 Liga, 8.a	-
2014	KAE 1 Liga, 10.a	-
2015	KAE 1 Liga, 12.a	-
2016	KAE 2 Liga, 13.a

Emakumezkoen trainerua

Club de Remo Santoña

Entrenatzailea	Pachi Gonzalez
Koloreak	urdina, gorria eta zuria
Trainerua	Virgen del Puerto
Patroia	Naiara Fernandez Iraide Ruiz
Palmaresa: Kontxako Banderak Euskotren Ligak Euskadiko Txapelketak	0 0 0
2015eko liga	ez zuen trainerurik atera

2013an lehenengo aldiz trainerua osatu du. Arraunlariak Santoñakoak (13), Astillerokoak (7) eta Colindreskoak (1) dira. Alba Rocillo eta Sara Vazquez patroiak Astilleroko traineruan aritu ziren 2010ean. Ez dira Euskotren Ligarako sailkatu. Estropadak izateko Gipuzkoako Ligako hiru banderatan hartu dute parte baina denetan azken postuan sailkatu dira.

2014an denboraldia osoa osatu zue, Gipuzkoako Ligan aritu baitzen. Seigarren eta azken postuan gelditu zen. 2015 denboraldian ez du trainerurik atera baina Colindresko trainerua osatu da eta bertan arituko dir arraunlari gehienak.

Antolaturiko estropadak

Club de Remo Santoñak urtero antolatzen du Santoñako Bandera.

Kanpo loturak

• (Gaztelaniaz) Club de Remo Santoñaren bloga