Margarita Borboikoa

Txantiloi:Agintari infotaula Margarita Borboikoa (?, 1211 - Brie, 1256ko apirilaren 12a), Nafarroako erregina ezkontidea (1234 - 1253) zen.

Aita Artxibalt VIII.a Borboikoa eta ama Gigone Forezekoa zituen.

Ezkontza eta seme-alabak

1232an, Tibalt I.a Nafarroakoa ezkondu zuen. Sei seme-alabak izan zituzten:

• Leonor (1233-?), umea zela hilda.
• Tibalt II.a, Nafarroako ondoko erregea
• Henrike I.a, bera ere Nafarroako erregea
• Margarita, Federiko III.a Lorrenakoa dukea ezkondu zuena (1255) eta Tibalt II.a Lorrenakoa dukearen ama
• Beatriz, Oto IV.a Borgoinakoa dukea ezkondu zuena (1258)
• Piarres (?-1265)

Alarguna

Tibalt 1253an hil eta Margarita, Jakue I.a Aragoikoarekin batera, seme nagusiaren erregeordea izan zen, hau 1256an adin nagusi bilakatu arte.

Gaztelako Erresumak Nafarroa konkistatzeko politikari eutsi eta 1250ean Fernando III.a Gaztelakoak eta bere oinordekoa zen Alfontso X.a Gaztelakoak Leonor Gaztelakoa eta Tibalt II.a Nafarroakoa ezkontzeko azpijokoak egin zituzten. Gaztelar presioa saihesteko, Margaritak 1252an Jakue I.a Aragoikoa aliatu eta ezkontza behin betiko ukatu zuen. Tibaltek Luis IX.a Frantziakoa eta Margarita Proventzakoaren alaba Elisabet ezkondu zituen.

Margarita, ziur asko disenteriak jota, 1256ko apirilaren 12an Brien hil eta Clairvauxeko abadian lurperatu zuten.

Erreferentziak

Wikimedia Commonsen badira fitxategi gehiago, gai hau dutenak: Margarita Borboikoa

Artikulu hau Nafarroako biografia baten zirriborroa da. Wikipedia lagun dezakezu edukia osatuz.