Domingo Bordaberri

Domingo Bordaberri
Uruguaiko senataria
Bizitza
Jaiotza	1889
Herrialdea	Uruguai
Heriotza	1952 (62/63 urte)
Familia
Seme-alabak	ikusi Juan María Bordaberry
Hezkuntza
Heziketa	Errepublikaren Unibertsitatea
Hizkuntzak	gaztelania
Jarduerak
Jarduerak	politikaria eta abokatua
Sinesmenak eta ideologia
Alderdi politikoa	Colorado Alderdia

Domingo R. Bordaberri Elizondo (Montevideo, Uruguai, 1889 - Ibidem, 1952) euskal uruguaitar abokatua, landa enpresaria, kazetaria eta agintari politikoa izan zen. Partido Colorado alderdiko kide izan zen.

Familia

Iparraldekoak ziren bere gurasoak, Santiago Bordaberri eta Isabel Elizondo. Elisa Arozena Follerekin ezkondu zen eta lau seme-alaba izan zituen: Domingo, Luis Ignacio, Juan María eta Elisa.

Ibilbidea

Errepublikaren Unibertsitatean abokatu graduatu zen.

Politikaren alorrean, Riverismoaren baitan aritu zen eta senatari izatera iritsi zen. Nabarmena egin zen haren jarrera antibatllistagatik. Parlamentari gisa, aipatzeko da landa-kooperatiben inguruko 10.008 legea bultzatu zuelako, azkenik, 1941ean onartua izan zena. Horrez gain, Animalien eta Artilearen Ikerketa Institutuaren fundatzailea izan zen 1937an, eta bertan egin zen lehen aldiz Uruguaien intseminazio artifiziala. Landa Langilearen Estatutuaren sortzailea izan zen 1941ean.

Domingo Bordaberri kazetari bezala aritu zen ere. El Pueblo eta Diario Rural egunkarien jabea izan zen.

Kanpoko loturak

• (Gaztelaniaz) Diario Cambio Digitaleko artikulua
  
• (Gaztelaniaz) Albores de la inseminación artificial en Uruguay

• Datuak: Q5290348