Urtzi Urrutikoetxea

Urtzi Urrutikoetxea
Bizitza
Jaiotza	Bilbo, 1977ko urriaren 12a (46 urte)
Herrialdea	Bizkaia, Euskal Herria
Hezkuntza
Hizkuntzak	euskara gaztelania ingelesa
Jarduerak
Jarduerak	kazetaria, poeta, bertsolaria eta idazlea

Urtzi Urrutikoetxea Vacas (Bilbo, Bizkaia, 1977ko urriaren 12a - ) idazle, kazetari, bertsolari eta blogaria da.

ETBko albistegietan eta hainbat kazetatan aritutakoa: Euskaldunon Egunkaria, Berria, Gara, Jakin, Argia, Bertsolari, Nora eta Zazpi Haizetara besteren artean. Euskaltzaindiari dokumentala ere egin zuen eta produktore lokal eta itzultzaile gisa ere jardun izan da, besteak beste, Rex Bloomstein ingelesaren An independent mind dokumentalean eta Letoniako telebistak Euskal Herriari buruz egindako erreportajean. Free-lance legez munduko hainbat herrialdetan egin du: Guatemala, Mexiko, Haiti, Puerto Rico, Kolonbia, Venezuela, Turkia, Irak, Kurdistan, Georgia (Abkhazia eta Hego Osetia barne), Moldavia, eta Europa eta Afrikako beste herrialde askotan. Berlinen berriemale ere izan da.

Hiru poesia-liburu (Zure gorputzaren hezetasunetan barrena, Zure ahotik zurrupatua eta Erotuta zure hanketan bildurik), bidaia-liburu bat eta eleberri bat argitaratu ditu euskaraz eta Berlin hiriari buruzko gida-liburua gaztelaniaz, Garako Mugalari bilduman. Bertsolaritza ere landu izan du, eta Xabier Amurizaren gidaritzapean 2006an argitaratutako Bizkaiko Bertsogintza IV liburuan parte hartu du. Euskal PEN Klubeko kide ere bada.

Bibliografia

Poesia liburuak

• "Borroka galduetatik gatoz" 1997, Susa
• "Gaur ere ez du atertuko" 1998, Arabako Foru Aldundia
• "Utzidazu karmina kentzen" 2000, Kutxa

Poema solteak

• "Pinta bat Tennents" (1997)
• "Galdera" (1997)
• "Muxar demokratikoak" (1997)
• "Bidxotza" (2000)
• "Dei en amorear os libros á beira da cama"
• "Unha pequena frauta toca"
• "He apilado los libros junto a mi cama"
• "Una pequeña flauta toca"

Narrazioa

• "Auzoak" 2005, Susa

Saioa

• "Afrika Express" (2008, Elkar)

Ikus, gainera

• Bizkaiko idazleen zerrenda
• Bilbo Handiko idazleak

Kanpo loturak

• Literaturaren Zubitegian
• Idazlearen blog pertsonala

• «Malin benetako gosea ikusi genuen, horrek markatu egiten zaitu», dio Urtzi Urrutikoetxeak
• «Datorrena hartzeko, galderak egin eta entzuteko prest egotea da bidaiatzea»
• Elkarrizketa Urtzi Urrutikoetxeari Argia astekarian.

• Datuak: Q7901373