Nazio Batuen Giza Eskubideetarako Goi Mandatariaren Bulegoa

Wilson jauregia Genevan.

Nazio Batuen Giza Eskubideetarako Goi Mandatariaren Bulegoa (OHCHR), ingelesez Office of the United Nations High Commissioner for Human Rights, Nazio Batuen sistema barruan dagoen erakundea da, Haren helburua munduan giza eskubideak zabaltzea eta babestea da. Haren egoitza Genevako Wilson jauregian dago (Suitzan). New Yorken ere Nazio Batuen egoitzan bulegoa du ere bai.

Goi Mandatarien zerrenda

Jordaniako Zeid Ra'ad Al Hussein printzea.

• José Ayala Lasso, Ekuador, 1994-1997
• Mary Robinson, Irlanda, 1997-2002
• Sergio Vieira de Mello, Brasil, 2002-2003 - Bagdaden, Iraken, erahila, 2003ko abuztuaren 19an.
• Bertrand Ramcharan, Guyana, 2003-2004 - Alto comisionado en funciones.
• Louise Arbour, Kanada, 2004-2008
• Navanethem Pillay , Hegoafrika, 2008-2014
• Zeid Ra'ad Al Hussein, Jordania,2014-

Goi Mandatariaren funtzioak

Goi Mandataria giza eskubideen ardura duen Nazio Batuen funtzionario nagusia da. Idazkari Nagusiaren Albokoaren maila du eta zuzenean Nazio Batuen Erakundeko idazkari nagusiaren agindupean dago. Kargua 1993ko Vienako Adierazpena eta Ekintza Programan sortu zen.

Funtzio nagusiak: -Giza Eskubideen aldeko mundu mailako mugimendua zuzendu behar du, biktimen bozeramalea eta aginte morala izanik. Mundu osoan zehar ibili behar du Giza Eskubideak zabaltzeko asmoz. -Giza Eskubideen krisialdiak gertatzen direnean publikoki adierazpenak egitea. -Giza Eskubideen alorreko hezkuntza zabaldu behar du eta zenbait gaietan prebentzio lanak egin behar ditu: pertsonen trafikoaren aurrean, homosexualitatearen jazarpenaren aurka, bioteknologiaren aurrean... -NBEn esparru guztietan Giza Eskubideen arauak eta kontzeptuak zabaltzea. -Egiten diren batzarretan Giza Eskubideen Batzordeari eta Batzorde Aholkulariari laguntzea.

Kanpo loturak

• Webgune ofiziala.