AC Milan

A.C. Milan

Ezizena(k)	Rossoneri (gorri-beltzak) Il Diavolo (deabrua)
Sorrera	1899
Futbol zelaia	San Siro edukiera: 80.018 lagun inaugurazioa: 1926
Presidentea	Li Yonghong
Entrenatzailea	Gennaro Gattuso
Liga	Serie A
2016-17	6.a
Webgunea	Webgune ofiziala
Etxekoa 　 Kanpokoa

1968ko finalean Milanek 2-0 emaitzaz gainditu zuen Hanburgo.

2003ko Txapeldunen Ligako garaipena ospatzen.

Interren aurkako derbia, 2009an.

Real Madrilen aurkako partida, 2010-11ko Txapeldunen Ligan.

Milango jarraitzaileak.

Associazione Calcio Milan Milango futbol taldea da, munduko arrakastatsuenetarikoa. Txapeldunen Liga-a 7 aldiz, Kontinente arteko Futbol Kopa 3, FIFAren Kluben arteko Munduko Kopa 1, Serie A (Italiako liga) 18 eta Italiako Kopa 5. Etxeko partiduak San Siro estadioan jokatu ohi ditu.

Historikoki, AC Milango zaleak hiriko langileria izan da, eta Interrekoak, Milango beste talde nagusia, klase aberatsekoak izan dira. Hala ere, azken urteotan kontrako jarrera somatu da. Izan ere, AC Milan Silvio Berlusconiren esku geratu da, eta Inter Massimo Morattik, erdi-ezkerreko petrolio-negoziogileak, erosi baitu.

Historia

Sorrera eta hasierako urteak

Alfred Edwards britaniarrak fundatu zuen kluba 1899an. Haren jatorria zela eta, ingelesezko izena eman zion, Milan, italierazko Milano jarri ordez. Taldearen goitizena rossoneri (gorribeltzak) da, elastikoko koloreak horiexek baitira.

Hasiera hartan Milan Cricket and Football Club izena zuen eta futbolaz gain Kriketean ere aritzen zen izan ere garai hartan aberatsek gogokoago baitzuten kriketa futbola baino. 1900an lehenengo titulua eskuratu zuen, Medaglia del Re (Erregearen domina), Juventsu FC-ri 2-0 irabaziz eta hamarkada honetan Italiako hiru liga irabazi zituen, 1901, 1906 eta 1907an. Urte haietan jokalari ingelesen eta milandarren artean sorturiko taldea zen baina 1908an beraien artean istiluak izan ziren eta 43 bazkidek taldea utzi eta berria sortu zuten, Internazionale Football Club izena eman ziotena. Hiriko aberatsen taldea bihurtu zen Inter.

1916an Kopa Federala lortu zuen, txapelketa ez ofiziala baina Lehen Mundu Gerraren garaian Italiako Liga ordezkatu zuen.

Gerra arteko garai apala

1919an taldeak izena aldatu eta Milan Football Club ezarri zuen. Gerra bien arteko hiru hamarkadetan ez zuen titulurik eskuratu eta taldearen denboraldi apalena da. 1938an Italiar faxistek ez zituzten ingelesak gogoko eta hauen presioarengati taldeak berriz ere izena aldatu zuen, gaur egun daukan Associazione Calcio Milano.

Taldearen berpiztea

1949an hiru jokalari suediar fitxatu zituen Gunnar Nordahl (Il pompierone), Gunnar Gren (Il professore) eta Nils Liedholm (La stella venuta dal nord). Gre-No-Li ezizena hartu zuen hirukoteak. 1955ean Andrea Rizzoli presidente bihurtu eta garaipenak lortuz jarraitu zuen Milanek. 50. hamarkadan Italiako lau liga eskuratu zituen eta nazioarte mailan bi Latindar Kopa lortu zituen, 1956koa Bilboko Athletic Kluba 2-1 gaindituz. 1958an Europako Kopako finala ere jokatu zuen, Real Madrilekin 3-2 galdu zuena.

Milandarren nagusitasuna

60. hamarkada milandarren hamarkada izan zen izan ere hiriko bi taldeen artean Europako lau kopa lortu baitzituzten (AC Milanek 2 eta Interrek 2) eta Kontinente arteko hiru kopa (interrek 2 eta Milanek 1).

1961 urtean Nereo Rocco entrenatzailea iritsi zen eta 1963an Europako Kopa irabazi zuen SL Benfica 2-1 garaituz. Urte hartan Rccok taldea utzi eta Nils Liedholm jokalari ohia fitxatu zuen entrenatzaile kargurako. Hurrengo urteetan ordea Helenio Herreraren Interren itzalean egotea egokitu zitzaion. 1967an Liedholmek dimisioa aurkeztu eta Nereo Rocco itzuli zen. Honen eskutik 1968an Europako Errekopa eta 1969an Europako eta Kontinente arteko Futbol Kopak irabazi zituen.

70 eta 80. hamarkada apalak

Trantsizio urteak izan ziren eta Italiako hiru kopa irabzi bazituen ere Liga bakarraz jabetu zen eta Europa mailan ez zuen aurreko mailarik erakutsi. 1979ko Liga irabazi ondoren 1979-80an Felice Colombo presidentea futboleko ustelkeria kasuan (Totonero izenaz ezagutu zena) sarturik zegoela ikustean bigarren mailara jeitsiarazi zuten taldea. Lehen mailara berehala igo zen baina berriz ere B eriera itzuli zen.

Berlusconiren urrezko aroa

1986ko martxoaren 24ean Silvio Berlusconi magnateak erosi zuen kluba. 1988an Arrigo Sacchi fitxatu eta Milango taldearen "urrezko aroa" iritsi zen hasieran Sacchirekin eta 1991etik aurrera Fabio Capellorekin. Taldeko jokalariak mundu mailan ezagun bihurtu ziren: Franco Baresi kapitainarekin batera han ziren Paolo Maldini, Alessandro Costacurta, Mauro Tassotti, Roberto Donadoni, Carlo Ancelotti, eta herbehereetatik ekarritako Marco van Basten eta Ruud Gullit.

Italiako talde nagusia bihurtu zen 90. hamarkadan eta 1989, 1990, 1994ko Europako Kopak lortu zituen, bai eta 1989 eta 1990ko Kontinente artekoak ere.

XXI mendea

2001ean Carlo Ancelottik hartu zuen taldearen ardura. Filippo Inzaghi eta Andrea Pirlo italiarrekin batera Andrii Xevtxenko ukrainarra eta Kaká brasildar jokalariekin berriz ere Europako talde indartsuenetakoa bihurtu zen. Mende berrian bi aldiz irabazi du Txapeldunen Liga.

Azkenengo liga 2011 urtean irabazi zuen baina ordutik aurrera maila apalean aritu da, emaitzarik onena 2015-16ko zazpigarren postua izan du. 2016an Kopako finala jokatu du baina Juventusek luzapenean sarturiko golaren erruz galdu egin du. Superkopa ordea penaltietan irabazi dio Juventus berari.

Uniformea

Sorreratik bertatik marra gorri eta beltzdun elastikoa erabili du, galtza zuri eta galtzerdi beltzekin. XXI mendean urte batzuetan galtza beltzak ere jantzi izan ditu. Historian zehar gehien aldatu dena marra gorri eta beltzen lodiera izan da.

Historikoa

1899-1910

1910-1961

1961-86

1986-2000

2000-2005

2005-etik

Azken urteak

2013-2014

2014-2015

2015-2016

2016-2017

2017-2018

Palmaresa

Italian: 30

• Italiako futbol liga (18): 1901, 1906, 1907, 1951, 1955, 1957, 1959, 1962, 1968, 1979, 1988, 1992, 1993, 1994, 1996, 1999, 2004, 2011.
• Italiako futbol kopa (5): 1967, 1972, 1973, 1977, 2003.
• Italiako superkopa (7): 1988, 1992, 1993, 1994, 2004, 2011, 2016.

Nazioartean: 20

Kontinente arteko Futbol Kopa

• Txapelduna (3): 1969, 1989, 1990.
• Finalista (4): 1963, 1993, 1994, 2003.

UEFAko Txapeldunen Liga

• Txapelduna (7): 1963, 1969, 1989, 1990, 1994, 2003, 2007.
• Finalista (4): 1958, 1993, 1995, 2005.

Europako Errekopa

• Txapelduna (2): 1968, 1973.

Europako Superkopa

• Txapelduna (5): 1989, 1990, 1994, 2003, 2007.

Latindar Kopa

• Txapelduna (2): 1950, 1956.
• Finalista (1): 1953.

Mitropa Kopa

• Txapelduna (1): 1982.

Euskal taldeen aurkako partidak

Hauek dira Europako txapelketa ofizialetan Milanek euskal taldeen aurka jokatu dituen partidak:

Denboraldia	Txapelketa	Fasea	Etxekoa	Emaitza	Kanpokoa
1956	Latindar Kopa	Finala	Milan	3-1	Athletic
1976-77	UEFA Kopa	Final zortzirenak	Athletic Milan	4-1 3-1	Milan Athletic

Ikus, gainera

• Italiako futbol taldeen zerrenda

Kanpo loturak

Wikimedia Commonsen badira fitxategi gehiago, gai hau dutenak: AC Milan

• (Italieraz) Milanen izenburua