Sare elektriko

Sare elektriko baten diagrama. Tentsioak eta linea elektrikoen ezaugarriak Alemaniako eta Europako beste sistema batzutako balio tipikoak dira.

Sare elektriko bat hornitzaileetatik erabiltzaileetara energia elektrikoa eramateko beharrezko diren instalazio elkarkonektatuen sare bat da.

Hiru elementu nagusi ditu: zentral elektrikoak, elektrizitatea sortzeko; goi-tentsioko garraio sarea, energia elektrikoa urrutiko iturrietatik eskaria dagoen tokietara eramateko; eta banaketa sarea, azken erabiltzailea elektrizitatez hornitzeko.

• Zentral elektrikoetan energia elektrikoa sortzen da, beste energia mota batzuk energia elektriko bihurtuz. Energia iturriak erregai fosilak —ikatza, gas naturala, biomasa— edo ez-fosilak —energia eolikoa, eguzki-energia, nuklearra, hidraulikoa— izan daitezke. Orokorrean zentral elektrikoak populazio haundiko guneetatik urrun egoten dira. Haundiak izaten dira, eskalako ekonomia aprobetxatzeko. Sortutako energia elektrikoari, transformadoreen bitartez, tentsioa igotzen zaio, garraiorako maila egokira, eta garraio sarera pasatzen da.

• Energia elektrikoaren garraio sarearen bitartez energia distantzia haundietara eramanten da, eskaria dagoen tokiraino, eta bertan banaketa sareko azpiestazioetara pasatzen da.

• Gaur egun sare elektrikoaren menpe bizi gara, zuzenean edo bateriak bertatik kargatu behar ditugulako.

  Azpieztaziora heltzean, tentsioa garraio mailatik banaketa mailara beheratzen da. Azpiestazio irteeran energia banaketa sarera pasatzen da. Azkenik, kontsumo puntura heltzean, tentsioa berriz beheratzen da, hornidura mailara.

Ikus, gainera

• Sorgailu elektrikoa
• Korronte alternoa
• Sistema trifasikoa
• Transformadorea
• Joule efektua